لقيت حل للجلوكوفاج ولوعة الكبد

السلام عليكم بنات

اخواتي المتكيسات مثلي اغلبيتنا ناخذ جلوكوفاج ..
وراح اقول لكم قصتي .. انا من شخصوني اني عندي تكيس على المبايض عطوني جلوكوفاج .. وتفائلت قلت ان شاء الله ربي يشفيني على هذا الدواء .. واخذ حبه وكلها ربع ساعه وتلوع كبدي والله يكرمكم استفراغ مو طبيعي ومعدتي تحرقني مووووووووووووووووت واسهال الله يعزكم .. ولووووووووووووعة كبد مو طبيعيه :09:

حاولت اغصب نفسي واتحمل واستمر عليه .. بغيت امووووت وانخفض ظغطي من كثر الأستفراغ .. ومعدتي احسها خلاص حتى المويه ماتقبلها ..انا بالأساس معدتي تعبانه وزاد عليها هالجلوكوفاج :icon33:.. وقفته ماعاد قدرت ..

واستمرت عندي فوهة المعده تعبانه شكله لعب في معدتي لعب ..

بعدين ندمت على تركي له وقلت بحاول ثانيه ونفس الشي لوعه واستفراغ مستمر والم في المعده .. وتركته ..


كل مره اشوفه على التسريحه تلوع كبدي بس من شوفته ..

اتركه شهور بعدين ارجع اندم واغصب نفسي واستمر عليه يومين وامرض من شدة الأستفراغ ..

خففت صرت اخذه نصف حبه .. نفس الشي من يدخل معدتي احسها تفوووووووووووووووووور

صار لي سنه وانا في محاولات مع هالدواء مافيه فايده يأست منه .. رحت لأكثر من طبيب ومنهم دكتور عبدالعزيز الشهراني في مركز ذريه قلت له شوف لي دواء ثاني غير الجلوكوفاج قال لي دواك الوحيد هو الجلوكوفاج وجلس ساعه يقنعني انه مالي غير الجلوكوفاج ..

معدتي صارت تعبانه دايم من غيره واذا اخذته ربع ساعه وانا في دورة المياه الله يعزكم .. حتى اوقات اصحى من النوم استفرغ .. اقرفني ..

مره من المرات كنت جالسه مع اخوي هو طبيب وابوي جالس يستشيره عن بعض الأدويه .. قلت في نفسي راح اسأله .. قلت له اني اخذ جلوكوفاج وماقدر استمر عليه اعدم معدتي .. هو تخصصه باطنيه امراض كبد .. قال لي يمكن قوي على المعده تاخذينه على معده فاضيه ؟؟ قلت له لاء ابداااااااااا اخذه مع الأكل قال لي خذي معاه حبه اسكير (acicare) لأن الجلوكوفاج يقلب وسط المعده لحمضي وبعض الناس معدتهم ما تتحمل الوسط الحمضي ..
خذي معاه في نفس الوقت حبه واذا ما نفع حبتين مع بعض ..

واشتري الدواء واخذ حبتين مع الجلوكوفاج بلعه وحده .. والله بابنات شي ثاني احس معدتي مرتاااااااااااااااااااااااااحه ,,
لا استفراغ ولا لوعة كبد ولا اسهال الله يعزكم ...

عاد حبيت اقول لكم عشان الي تعاني مثلي تستفيد .. وادعو لي يابنات انه اتخلص من هالتكيس ..