لقيت خلطه مافي اسهل منها لليدين نعومه وتفتيح

السلام عليكم ورحمه الله وبركاته

موضوعي بسيط بس ابي افيد غيري زي ماستفدت

انا ام لاطفال وتعرفون شغل البيت والغسيل والمواعين والبرد لما جاء والله ان يدي كأنه يد عجوز تفشل سمرا جافه

استحي احد يشوفها كنت اشوف حريم اكبر مني ويدهم تهبل في العزايم استحي امدها للقهوه او في الاكل وربي

ضقت منها استغفر الله جربت سنفره الحليب نعمتها اول شي فتحت شوي لكن بعدها سمررت اكثر من اول

جربت سنفره كاب عاديه مالاحظت فرق كبير غسلت بصابونه بايايا نشفتها وبعد ماعجبتني النتيجه وابحث وابحث

كنت بروح دكتوره جلديه لكن وضعي المادي مايسمح لين ماقريت عن سنفره متوفره بكل بيت جيبي شوي سكر

واخلطي معه زيت زيتون واعصري عليهم ليمون مافي مقدار معين بس خليها شوي خشنه مو كثير

سنفري بها يدك بحركات دائريه بدون عنف اتركيها 5 دقايق اغسليها وحطي اي كريم مرطب والله العظيم انه

سحررررر انا مو مصدقه من 3 استخدام بينت نتيجه بنسبه 60% ومعها تجنبت الصابون كثير والمواعين بقفازات اغسلهم

واغسل بماي بارد من قطعت الدافي ويدي طلعت تجنن اثاري الماء الحار دمااااار للجلد

والله قبل يومين كنت معزومه وانا معي عذر شرعي قلت ليه ماحط مناكير والله ان يدي بلعزيمه صارت ملفته

وصار عندي ثقه بنفسي من جد

انصحكم بها ويمكن ماتناسب وحده تعرفون البشرات تختلف بس حبيت اعطيكم تجربتي لعلي انفع بها مسلمه

اليوم سنفرت جسمي كله بها روووعه نعووومه بس باقي مابين تفتيح

مابي منكم غير دعوه ان الله يوسع لنا في الرزق نمر بأزمه ماديه ويرزقنا الي ببالنا انا وزوجي