لقيت معه جواز اجنبيه ؟؟؟

السلام عليكم ورحمة الله وبركاته ..

كيف الحلوين ان شاء الله مبسوطين ؟؟

بدخل في الموضوع السالفه صايره لوحده عزيزه علي ابكتب لكم قصتها وبي مشورتكم لان مالنا بعد الله الا انتو

لها خمس سنوات متزوجه وعندها ولدين مشكلتها مع زوجها من تزوجته وهو راعي سهر بس كان حده الا الساعه ثنتين بالليل يوم الخميس والجمعه اما ايام الاسبوع شبه يومي او يجو اخوياه ويسهرون عنده بس من فتره يعني من كم شهر تغير به الحال صار كل يوم يسهر من بعد المغرب الا الساعه تقريبا 12 او 11 ليلا كل يوم اما يوم الاربعاء كل اربعاء يطلع من المغرب ولا يرجع الا الخميس بعد العشاء كل اربعاء وهي تساله وين تروح يقول اسهر عند اخووي في الاستراحه ؟؟
هو رغبته الجنسيه زيده شوي مشاء الله ... ( معلومه يمكن تفيد )
تقول هو معاملته معها زينه يعني مايهينها او يظربها لا بس دايم ساكت ومشغول باله ؟؟

مطلع جوال عام غير جواله وحاطه في السياره واذا سئلته يقول مابي انزله ابي اخليه في السياره احتياط اخاف يقفل علي جوالي !!!

كل الكلام الي قلته عادي يعني ماشكينا فيه بس الجديد صار له يمكن اكثر من شهر بايع سيارته ولا شرا سياره ثايه جالس على الاستاجار او سيارة الدوام وحجته يقول ابنتظر الا ان ترخص السيارات ؟؟

والمصيبه العظما من اسبوع جلست ترتب الغرفه غرفه النوم ولقت مع اوراق السياره الي انباعت جواز سفر مصور مو اصل وحده تونسيه تقول قريت جنسيتها xxxx والعمل طالبه ؟؟ وتقول خفت ودخل علي وسئلته وش ذا الجواز قال حق واحد من اخووي ناسيه معي ؟؟ واخذه وطلع برا البيت ؟؟ ولها اسبوع مايعلم بالحال الا الله ضايق صدرها وتقول كيف اتصرف اواجه او وش اسوي وللمعلوميه حتى جوازه هو وجوازها هي مختفين من مده وتساله وينها يقول مدري دوريها ؟؟؟؟

الزبده احس ان كلامي ملخبط بس ابي الي عندها حل ؟؟ وش تسوي تواجهه او تسكت وربي خايفه يضيع زوجها من يديها وهي ساكته

والجواز وش تتوقعون ليه محتفظ بجواز اجنبيه ؟؟

الله يعافيكم الي عندها مشوره او معلومه لا تبخل علينا فيها تراها انسانه طيبه جدا وتستاهل كل خير :06:

والي ماعندها تكفون لا تنسونها بدعوه ان الله يسخر لها زوجها ويبعده عن بنات الحرام