لقيت منظف خيالي مافي مثله أبد

والله يابنات إنه خير مني كثير إني تحركت وكتبت الموضوع

لأن شعاري في الحياة (( مالي حيل ))

غير إني فاشله في كتابة المواضيع << رسبت في مادة التعبير في أولى ثانوي :icon28:

.

.

.


.



من وين أبدأ ؟؟ << جالسه تفكر << شكلي بنضرب :22:


إيه تذكرت

قبل إسبوعين طلبت زوجي يجيب لي فلاش طبعاً تعرفونه

أنا ما أستغني عنه أبداً للكرسي حق الحمام الله يكرمكم

المهم يوم جاب لي الفلاش ذاك اليوم جاب علبتين ملصقه في بعضها

ما إهتميت فيها وركنتها على جنب أحسبها كلها فلاش

ويوم جيت أنظف لقيت وحده فلاش العادي ووحده مكتوب عليها لتنظيف السجاد


وجيت بأنظف جدار المطبخ اليوم بيجيني ضيوف تعبت وأنا أفرك بسلك النحاس والفيري صح ينظف لكن لازم مجهود و مانظف كل الجدار بس جهه وتعبت منه

وتذكرت فلاش السجاد لأنه مكتوب عليه يعيد الحياة للسجاد القديم ويجعل فيه لمعه قلت بأجرب


والله يابنات إنه شي خيال لافرك ولا شي حطيت كم قطره منه مركز من غير تخفيف

بس بظهر السفنجه مسحت وبعدين مسحت الجدار بمنشفه رطبه زين

وراحت الجدار جديده تلمع وتفتح النفس

وجربته في الفرن (البوتجاز) كان فيه دهون مستعصيه والفلاش زالها من غير تعب

لو عندي وصله لجوالي كان صورت قبل وبعد ووريتكم

الفلوس فيه مو خساره والله إنه أحسن من الفيري والجف والكلوركس

وريحته مو قويه زي الفلاش العادي بالعكس ريحه حلوه نوعاً ما

بس الله يخليكم إلبسو قفازات لاهنتم للإحتياط اللهم بلغت اللهم فإشهد


أحسن شي فيه وإللي ماشفته ولا في أي منظف إللي هو اللمعان يعطي لمعان موطبيعي تقولين ألماس




إسمه مكتوب عليه شامبو السجاد من فلاش الامريكي



حبيت أفيدكم لأني دايم أستفيد منكم ومن كثر ما أحب القسم ذا ودي أجيب فراشي وأنسدح عندكم



وبث :26: