كثيرون في الدار أمهاتهم معروفات وأحيانا حتى الأب يكون قد أمضى عقوبته هو والأم وسجلت أسماؤهم
لكن لا ينسبون لهم أبدا ممكن في الملف السري للابن يكون مكتوب اسمها لكن إذا الأم كانت مسجلة
تنازل عن ابنها فمستحيل يعرفونه عليها فقط يكتفون بإخباره أنها قضت عقوبتها وتنازلت عنه ...
يعني لو كان الأب معروف وكذلك الأم لكن الابن غير شرعي فلا ينسب إليهما ولا يعطى لقبهما ولا حتى
اسم الأب , فقط قد يكون الاسم موثق في ملف الابن ...
أما الجهاز فاقترح إنه يتطفى عشان أخاف إذا خرب أحس بتأنيب الضمير ههههههههههه





هلا تولين حياك
وأشكرك على التسجيل ويسعدني كوني السبب في تسجيلك ..
طبعا كل فترة يكون فيه تنسيق بين الدور وزواجات لشباب وبنات الدور من جميع
أنحاء المملكة وقد يأتي شاب من دور جدة ويتزوج من بنات دور الدمام وواحد من الدمام
يتزوج من بنات الرياض وهكذا يعني يكون فيه تنسيق بين الدور ...
حاليا لا مافيه أي مشروع زواج إذا جيت بتزوج بعزمكم كلكم
أما الأسرة البديلة فما أدري بصراحة وش راح يكون الأفضل أحيانا أقول يمكن الحياة
في أسرة بديلة أفضل كونها حياة حقيقية وأحيانا أقول مو كل الأسر البديلة جيدة
ففيه وحدة بنت كانت عند أسر بديلة وراحت مديرة مدرستها تطالب بإعادتها للدار
وفعلا المديرة اتصلت ع الدار وفتحوا تحقيق ورجعوا البنت للدار يعني فيه تجاوزات
في بعض الأسر البديلة عنف , إهمال , وحدة أخذتها طقاقة تربيها ولا دخلتها المدرسة
وواحد أخذوه ناس بعمر ولدهم عشان يكون مرافق لولدهم يمشي وراه وين ماراح
ممكن حالات نادرة هذي الحالات لكن موجودة والواحد مايدري وين الخيرة ...

فيه زوار طبعا يجون يزورون الدار وفيه أحيانا مجموعة معلمات من مدرسة
يتفقون يسوون برنامج ترفيهي ومسابقات وغيره ويجون وينفذون برنامجهم بالدار
وفيه مجموعة معلمين اتفقوا مع أخصائي الأولاد على زيارة وزاروا الدار بحضور الأخصائي
وبعدين اتفقوا معاه على رحلة , مجموعة أقارب سووا عزيمة في استراحة وبعضهم
في مزارعهم يعزموننا , وبعضهم يسوون برامج ترفيهية في الدار عندنا ومسابقات
يعني فيه أشياء كثير حلوة ...
فكرة الأسر الصديقة هي من أنجح الأفكار تقريبا بحيث إن الأسرة اللي تكون صديقة
ماراح تكون مسؤولة عن الولد مسؤولية تامة ولا راح يقيم معها إقامة دائمة لا فقط
في فترات معينة ومتى ماسمحت ظروف الأسرة على اصطحابه معها يأتون
ويصطحبونه أحيانا يوم في الأسبوع كيوم الخميس وأحيانا يوم في الشهر وأحيانا
فقط في الإجازات الصيفية يعني يآخذونه ويرجعونه ...
وفكرة اصطحاب الأطفال فكرة صائبة جدا إن كنت تقصد بها الأسر الصديقة
وحتى إن كنت تقصد دعوتهم فقط في مكان ما خارج الدار أيضا فكرة جميلة جدا ...

هذا حال هالدنيا مافيها مرتاح
الله يرحم الحال ...ويستر علينا وعليها

وفقك الله أختي أغلى شهد ولاحرمك الله الأجر على النقل فتحتي بهذا الموضوع باب خير أسأل الله أن يجزاك الجنة وفقتي وبارك الله مسعاك ولازلنا بأنتظار المزيد أذا تبقى من القصة شي

الآن هذا كلام أغلى شهد بعد انهاء آخر صفحة في موضوع اللقيطة مفقودة الهوية ( أمل )