لقيماتي شكله غلططط!!!

طريقة صب او تلقيم اللقيمات

لقيت صورة يد من النت وراح اشرح لك الطريقه عليها


تعصرين العجينه بهذا الشكل وراح تخرج العجينه من المكان المشار اليه بين السبابه والابهام ... وتقريبا راح تخرج بشكل الكوره .... تاخذينها بالملعقه التي غمسناها بالزيت ... عشان لما تصبينها بالمقلى تنزلق بسرعه وما تلصق العجينه بالملعقه .... وان شاء الله تكوني فهتي الطريقه راح تكون الكور متساويه وشكلهم مثل اللي بالصوره

اتبعي هالطريقه وان شاء الله يكون شكلها روعه

:)

عذرا دخلت عرض
بس بالمناسبة احب اقدم تقديري العميق لام عزيزان............لقيماتك خطيرة واكثر من رائعة
وقلت للخادمة ...لما اقولك لقيمات ام عزيزان ...... خلاص تسوينها قالت آه خلاص ام عزيز ..قلت لها ام عزيز اختي ...هاذي دبل عزيز يعني2 عزيز .... اكرر شكري اتابع مواضيعك بقوة

up

سلام ...


أختي جربي تسوين اللقيمات بملعقتين صغار ... كل يد فيها ملعقة وتغرفين بوحدة وترمينها بالثانية ( ما ادري اذا فهمتي قصدي او لأ ) امي الله يحفظها تسوية بهالطريقة وعجينتها رخوة كثير ويتكور معاها بشكل حلو ....

اما انا اسوية بيدي بدون ملاعق ويصير مكور ايضا .... تمسحين يدك بشوي زيت وتميلين طاسة اللقيمات وتضمين اصابعك لبعض كأنك بتقولين (( شوي ))) خخخ ....
وبعدين تسحبين شوي من العجينة وحاولي ما تفتحين اصابعك كثير حتى ما يخرب شكل اللقمة وتنزلينها بمساعدة صبعك الابهام في البداية ممكن ما تتقنينها بس مع التعود بتشوفين نفسك سريعة واللقيمات تنزل للمقلاة وحدة ورا الثانية.....


فيه خيار آخر وهو استخدام آلة الليقمات .....
او تحطين العجينة في كيس عادي او كيس الحلويات وتضغطين وكل ما ينزل شوي تقطعينه بالملعقة حتى ينزل بالزيت.....

شكرا لكم