لقيمات تهببببببل ونوعين كمان عشان ترضيكم
اليوم قلت في نفسي دايما اسأل البنات ويفيدوني لازم افيدهم حتى لو بحاجه بسيطة
جبت لكم اليوم نوعين لقيمات حسب المزاج وطبعا بعد بحث وتقصي وتجارب توصلت لذي النوعين اللي اعتبرها ترضي كل الازواق
بحط لكم الصور عشان تشوفونها وانشاء الله تعجبكم
هذا النوع الاول
هذا النوع الثاني
الفرق بينهم كبير
النوع الاول اللقيمات هشة وخفيفة ومن جوا فاضية وطعمها روعة
مقاديرها :
2ك دقيق
2م حليب بودرة وممكن تستبدل بـ ملعقتين زبادي
1م خميرة
3 بيضات
نص م سكر
رشة ملح
ملعقة شاي صغيرة هرد
تعجنيها بماء حوالي كاسة وربع بحيث تكون خفيفة وانا عملتها بالمضرب وبعدين تتركيها ساعة
وتقطعيها بملعقة صغيرة وتقلينها طبعا قبل كذا تحركي العجينة بالضرب بيدك من الاسفل عشان يبقى الهوا جوتها ( وهذا سر الهشاشه )
ولمن تشيليها بالملعقه تكون ميانه هواء وفقاعات
نجي للنار لازم في البداية تكون هاديه وبعد ما ترصي كل اللقيمات تحركين شويه وبعدين علّي النار قليل واستمري بالتقليب لا تتركيها ابدا وشيليها على جنب لين تبرد وحليها بالشيرة ( لا حظي لين تبرد مهم ترا )
مقادير اللقيمات الثانية :
1ونص ك دقيق
1م خميرة
1م حليب بودرة
1م زيت
1م سكر
2م جبنة سائلة
1بيضه
ذرة ملح
تعجنيها بشوية موية ولازم تكون قاسية زي عجينة البيتزا والمعجنات وهنا انا حطيتها بالعجانة
تترك ساعة وتفرديها بدون ما تطلعي الهوا منها وهي متخمرة
وتجيبي غطى قارورة الدواء اللي نقيس فيه وتقطعيها
طبعا العجينة تكون سميكة حوالي 1سم
وتقلينها في زيت حاروالنار وسط على طول اول ما تحطيها بتلاحظي لونها تغير ونفشت معاك تقلبيها ثواني وتوطي النار وتقلبيها باستمرار لين تحمر
تشيلينها من الزيت على الشيرة الثقيلة وترصيها بالصحن
نسيت اقولكم مميزات النوع التاني
سميكه مليانه وثقيلة ومقررررررررررمشة
والله سويتها مابقي منها شئ الا اللي صورتو لكم ماشاء الله اللي في البيت قضو عليها
وربي يابنات ما رح تندمو والله شاهد جربوها وادعو لي
واشوف ردودكم لا تحبطوني ترى الحين الفجر وبدعي لك وحدة ترد وتجربها بالسعادة والعافية واتحقق كل احلامها:42:
73
16K
يلزم عليك تسجيل الدخول أولًا لكتابة تعليق.
يعطيك العافيه ياغاليه بس ياليت مقدار الماء بالضبط والملعقه صغيره اوكبيره شاكره لك والله يوفقك دنيا واخره وانا اعجبني الطريقه الثانيه
الروميصاء مشكورة على مرورك حبيبتي وانتي اللي روعه
ام لينا وريما
الله يعافيك عيوني ومقدار الماء في النوع الاول اذا حطيتي كاسين دقيق يصير الماء حوالي كاسة ووربع معليش كتبت فوق ونص لكني افتكرت اني بعدها زودت رشة دقيق عشان تكون خاثرة ولمن تشيلي منها بالملعقة ما تنقطع
وفي التانية اذا حطيتي كاسة ونص دقيق تصير كمية الماء تقريبا نص كاسة
واذا لاحظتيها تلصق بيدك زيدي ملعقة زيت ورشي عليها دقيق واعجنيها بيدك لين تشوفيها قسية وصارت مكورة
وبالنسبة للملعقه ملعقة الاكل وتصير مليانة ماعدا الخميرة خليها ممسوحة
وجربيها وردي لي انا راثقة انشاء الله بتطلع روعة
واي سؤال تحت امرك
ام لينا وريما
الله يعافيك عيوني ومقدار الماء في النوع الاول اذا حطيتي كاسين دقيق يصير الماء حوالي كاسة ووربع معليش كتبت فوق ونص لكني افتكرت اني بعدها زودت رشة دقيق عشان تكون خاثرة ولمن تشيلي منها بالملعقة ما تنقطع
وفي التانية اذا حطيتي كاسة ونص دقيق تصير كمية الماء تقريبا نص كاسة
واذا لاحظتيها تلصق بيدك زيدي ملعقة زيت ورشي عليها دقيق واعجنيها بيدك لين تشوفيها قسية وصارت مكورة
وبالنسبة للملعقه ملعقة الاكل وتصير مليانة ماعدا الخميرة خليها ممسوحة
وجربيها وردي لي انا راثقة انشاء الله بتطلع روعة
واي سؤال تحت امرك
الصفحة الأخيرة
مشكووووووووووورة ....:26: