\لقيمات \لقيمات\

كاس ونصف دقيق ابيض

كاس مويه دافيه

م ك خميره فوريه

م ك نشاء

فنجال سكر

رشة ملح

ربع بيالة زيت

تعجنينهم وتتركينهم لمدة ساعه في مكان دافي شوي ,,



خلصنا الساعه ؟؟


في الخلاط ,,

بيضه

2 م ك حليب بودر
1 م ك كاسترد

رشة فانيليا

اخلطيهم واضيفيهم على العجين اللي قبل

واعجني واتركيهم نص ساعه او اكثر ,,,



كذا انتهينا من المقادير والوقت ...



باقي اعلمكم الاسرار ...


1) المويه طبعا تكون دافيه ونخلط الجميع ماعاد الدقيق ونطول بالخلط حتى تذوب الخميره

بعدها نضيف الدقيق ,,


ونجلس نخبط ونعجن الى ماله نهايه


من جد طولوا فيها خبط وطراع وطريع الين مايتغير قوامها وبتحسون بالشي هذا مع تكرار العجن فيها ...
وكرروا هالحركه بعد ماتضيفون البيض ......الخ


نجي للقلي ..


الزيت لااااااااازم يكون عميييييق وسخونته مووش عاليه

لانو اذا عاليه بتستوي ولا راح تكون مقرمشه

لذلك .. نشغل النار ونقصر عليها ربع ساعه تقريبا

واذا بديتي تلقمين ارفعي على النار وبس خلصتي من التلقيم وطي النار

واجلسي قلبي على هون ..


لانو التقليب المستمر والنار واطيه يخليها تقرمش ,,

طبعا لابد من المحاولات وكل مره تكتشفين وين الغلط فيه وراح تتفادونه باذن الله ...





اتمنى انكم تجربونها وتوافوني بالنتايج وبالعافيه

منقول