لقيمات مطعم فريج صويلح.............

صج لقيماتهم وايد حلوة وفي رمضان نشروا لقاء مع صاحب المطعم وكانت طريقته موجودة ، راح أدور لك اليوم لأني قطعتها وخشيتها بس ما دري وين خاشتها . وبس ألقاها برسلها لك
غالي والطلب رخيص

نصيحة هذا المطعم وصخ ولي تجربة بايخة معاه

ليلة العيد رحت له مع ولدي الصغير وطلب برياني دجاج ، الأكل طبعا وصلني بارد ولما قلبت الدجاج عشان آكل لقيت دجاجة قديمة ومن شكلها كانت بصحن ثاني بس هم لما شالو الصحون من الطاولة بدل ما يرمون الزايد بالصحون واضح جدا أنهم يشيلون قطع الدجاج منه ولا يرمونه ؟؟

قلت له يا حمار أنا مو طالبة دجاج زيادة أنا طلبت تغير الصحن

طبعاً أنا شرانية :30: :30: :30: وماحب الوصاخة ناديت أحد الجراسين ووريته فضحك وقعد يتأسف وقال الحين أغيرك إياه ، بعد شوي وصلنا صحن على أساس أنه جديد بس الدجاج على وجه الصحن يكفي فريج مو شخص واحد فشكيت بالأمر ، سبحان الله بس قلبت الدجاجة وإلا أول وحدة تطلع لي نفس الدجاجة اللي مأكول منها نفسها اللي رجعتها:09: !!!!!!!!!!

قلت لا مصخوها بقلب المطعم على راسهم اليوم ، ناديت المدير اللبناني اللي ما عنده ضمير ، وقلنا القصة مرة ثانية خاف ويتسامح وحط لي 2 غرسون واقفين على راسي يعني بخدمتي أذا أبي شي
والمطعم مليان وأنا أتعمد أتكلم بصوت عالي عشان الناس يعرفون وصاخة هذا المطعم اللي لما زادوا الناس فيه قام يغشهم

خلص أكل وأنا لايعة جبدي منه والفاتورة لما وصلتني يعني كلش عندهم ضمير ما حاسبوني على البرياني ، بس تصدقين تحسفت إني دفعت باقي الفاتورة لأن أكيد حتى الدقوس والمرق والأجار بعد يرجعونه من الصحون
عاد إنتي وحظك إذا واحد مسعبل على القفشة وهو ياكل ويرجعون مرقته وإلا دقوسه مع باقي المرق في المطبخ ويقدمونه لنا مرة ثانية

سامحيني لوعت جبدك بس لازم أقولكم هذه أمانه

ويع ويع ويع
من يومه ما طبيته واللي يتكلم عنه أقوله هذه القصة التعيسة

إذا تتوحم عليه إشتري منهم يبيعون لقيمات بالصينية قيمته دينار ونص أمي كانت تطلب منهم ويوصلون بعد بس الطلب لا يقل عن 4 دنانير

شكرا عزيزاتي على المرور
وعلى طريقة اللقيمات ان شاء الله ابسويها..
انا وم من الكويت.............
ويعطيكم العافية