لا للخلطات

لا للخلطات @la_llkhltat

كبيرة محررات

لكــــــــل البنـــــــــــات المترددات في الفحـــــــص, تعالوا هنـــــا

مريضات السرطان شفاهن الله

السلام عليكم ورحمة الله وبركاته


حبيت اطرح عليكم تجربتي المتواضعة من باب التشجيع لا اكثر

اول شي انا من عرفت نفسي وانا عندي الام في الثدي .. خصوصا وقت الدورة , لو جاتني ضربة خفيييفة بالغلط اموووت من الالم :ohwe:

ومن فترة يجي الم كذا مفاجيء حاد في الثدي الايمن يستمر فقط ثواني

وطبعا انا وحدة دايما امارس الفحص الذاتي ..بس بصراحة ماكان بهذاك الاهتمام

بس من وقتها كنت في اتحمم .. وكان الصابون على جسمي وكنت اعمل الفحص الذاتي .. بحركات دائرية

اكيد الفحص الذاتي ما يخفاكم ... وطريقته مشروحة في كل مكان
ممكن تبحثي سواء في هالقسم او في قوقل .. وتشوفي الصور

المهم اكمل لكم
وانا اتفحص واحس بهذيك المرتفعات والمنخفضات والمطبات :icon8:


اللي عملته

اني رحت للعيادة طلبت طبيبة عامة

الطبيبة العامة تكون مدربة على فحص الثدي ويسمى clinical breast exam

ولما فحصت, قالت لي انها ما حست بشيئ لا اكياس ولا غيره
رغم اني نفسي اقدر احس فيها واحدد مكانها

بس عموما كتبت لي ورقة طلب اشعة صوتية (التراساوند)
والسبب ان عمري في العشرينات


المهم رحت وعملتها اليوم

وانا اناظر في الشاشة واضح انه فيه عدد من الاكياس الليفية fibrocystic change- حسب ما يبدو لي
عرفت هالشي

اقول لك كيف تعرفيين

لما تشوفي صورة الاشعة الصوتية


يجيك شكلها دائري وسوداء تماما



ويكون حوافها مرتبة يعني شكلها بيضاوي او كروي مرتب
ولونها اسود في صورة الاشعة وهذا يعني انها مليانه سوائل


وعشان كذا اغلب ظني انها كيس حميد

واللي يأكد على هالشي
انه الاكياس ما تكون ثابته بل متحركة
وتسبب الم
وهالالم يزيد وقت الدورة .. يعني غالبا مع زيادة هرمون الاستروجين (الانثوي).

طبعا نتيجتي ما طلعت لسا, وان شاءالله أأكد لكم لما اشوف الدكتورة :)



اما السرطان الله يكفينا الشر



يجيك شكله مكلكع واطرافه مش متطابقة
ويكون صلب وثابت لأنه ملتصق في الاغشية المحيطة
وما يسبب الم في اغلب الحالات
ولونه مو اسود كامل لكن غالبا رمادي مختلط


طبعا ما تخافي

لأن ايضا فيه اورام ليفية حميدة تسمى fibroadenoma


يكون شكلها مثل كذا




فغالبا في هالحالة عشان يتأكدون
يقومون يسحبون منك عينة بإبرة رفيعة
فان خرج منها سائل خصوصا لو مختلط بدم يرسل للمختبر للتحليل
اما اذا ما خرج سائل فقط خلايا .. معناتها انه مجرد الياف حميدة


طبعا هذا بشكل عام, واستشارة الدكتورة ما نستغني عنها اكيد


اللي بس حبيت اقوله باختصار:

الفحص جدا سهل عند الدكتورة , وحتى دخولك للعيادة وتحويلك للاشعة مرة بسيط .. مو معقد مثل ما كنت اعتقد
وممكن تسوينه في اي مستشفى او عيادة او مستوصف او مركز رعاية اولي

ثانيا, الفحص الذاتي لا تغفلينه ابدا حتى لو انك صغيرة .. خليه عادة عندك
وصدقيني انا حسيت بالاكياس الدهنية لما فحصت نفسي, الدكتورة ما قدرت تلاقيها لما فحصت بيدها

واشوف كل انثى اعرف بثديها اكثر من غيرها وتلاحظ التغيرات فيه

فكل ما كنتي مداومة عالفحص الذاتي كل ما عرفتي ثديك ولا حظتي اذا فيه شي غريب.

طبعا كلامي اكثر شي موجه للي في العشرينات والثلاثينات
اما اللي في الاربعينات فما فوق لابد من اشعة الماموقرام سنوياً .. حتى لو مو حاسة بشي
وتزيد الاهمية لو كانت لك قريبة من الدرجة الاولى اصيبت بالمرض
والله يرضى عليكم يا بنات شجعوا امهاتكم واخواتكم الكبار, لو كنتوا تحبونهم خافوا عليهم والله احس انه شي مهممممممممممم

تخيلوا دول العالم الغربية تتشخص عادة في المراحل الاولى للورم
لكن الاحصاءات عندنا تثبت انه للاسف اغلب الحالات المكتشفة في المرحلة الرابعة يعني جداا متأخر ..وفرصها في الشفاء اكبر واكثر طبعا كل ما اكتشفت مبكر

فلا تهملوا هالشي

اشياء بسيطة ممكن تبعد عنا حسرات وعذاب - الله يكفينا واياكم الشر



لا تنسوا اختكم من دعواتكم
والله ما قصدي غير التوعية .. وياريت كلنا نتبادل الخبرات وننشرها
والدال على الخير كفاعلة
36
75K

يلزم عليك تسجيل الدخول أولًا لكتابة تعليق.

تسجيل دخول

tiaa
tiaa
جزاك الله كل خير

موضوعك رااائع
شوكة الميزان
شوكة الميزان
موضوعك مررررررررررررررره يخووووووووف

انا كان صدري دايماً يعورني يوم كنت مراهقه

وكان اي ضربه تجيه يصرعني

وكنت اموت رعب وتتعب نفسيتي

والى الآن المووووضوع هذا مرررررررررره يخوفني
$$شيهانة الخير$$
الله لايوريكمكروه يارب ويسعدك

عندي سؤال صدق هم يحطو الثدي في مكان ويكبسون عليه؟
وهل ف***م مؤلم؟
لوندي
لوندي
الله لا يبلانا ويشفيك
ويشفي اختي يارب
لا للخلطات
لا للخلطات
tiaa
مبسوطة ان الموضوع حاز على رضاك
خصوصا اني ملاحظة ردودك وماشاءالله عندك خبرة واسعة
اتمنى يا اختي نكثر من مواضيع التوعية ..خصوصا الفحص الذاتي والماموقرام للاخوات والامهات ..لأن للاسف لحد الان الاحصائيات تقول ان الوعي مازال جدا قليل للاسف

شوكة الميزان
ماله داعي الخوف حبيبتي
الاورام الخبيثة والعياذ بالله - قليل تسبب الم
انما اعراضها الواضحة اكثر شي:

خروج سائل او دم من الحلمة
تغير في شكل الحلمة مثل اذا كانت على برا تخش على جوا
تغير في شكل الثدي او حجمه ..او انه يصير زي قشر البرتقال, او تظهر فيه طعجات فجأة

طبعا هذي ما تعني الاصابة بالخبيث بالتأكيد, بس هذي تستجدي الذهاب للفحص بشكل عاجل


عموماً ابشرك الحمدلله استلمت النتيجة اليوم :)
وطلع فيه عدد من الاكياس الليفية صغيرة الحجم .. في كلا الثديين
والاكياس زي ما ذكرت ما تتحول لسرطان ابد يعني ما منها خطر

والتقرير ايضا فيه انسجة dense بزيادة يعني كثافة حجمها زايدة بس الدكتور كاتب بالتقرير انها تبدو طبيعية الشكل
ومافي شي يخوف ابدا ..ولا احتجت لا اخذ عينة ولا غيره
..
بس قال نبقى متابعين حجم الاكياس .. يعني اعيد الاشعة الصوتية بعد 3 شهور.
والحمدلله :)

روحي افحصي بس للاطمئنان وعشان نفسك ترتاح. ولا تخافي ابدااا
حتى الاكياس هذي جداااااا شائعة بين عمر 20 - 30
ولا منها خوف, وفي اغلب الحالات ما تحتاج علاج

بس بيقولون لك خففي الكافيين يعني القهوة والكولا والشوكلاته

وممكن تستخدمي اقراص زهرة المساء - اظن اسمها بالعربي
وبالانجليزي primrose oil
وهذي ما تحتاج وصفه

واقراص فيتامين ب6

رغم انه الامور هذي مافي دراسات مؤكدة عليها, بس اللي استخدموها لاحظوا يخف الالم


عموما انتي روحي للدكتورة وبتشرح لك كللل شي

وما تشوفي شر



الاخت شيهانة
اللي تتكلمي عنها هي اشعة الماموقرام mammography
اللي يعملونها لعمر الاربعين فما فوق عادة

وايوه يضغطون الثدي :) مثل ما نكبس الساندويش :)
..بس عشان انسجة الثدي سماكتها مختلفة ..فيها جهات شديدة السمك وجهات رقيقة.. فالاشعة تخترقها بشكل مختلف وما تكون الصورة واضحة
فهم يكبسون الثدي عشان تكون كثافة الانسجة موحدة.

يقولون الضغط ذا يوجع حبتين ..حسب الوحدة , فيه ناس ما تحس فيه
.. بس يبقى يا قلبي, ألم ربع ساعة .. ولا ألم العمر - بعيد الشر :)


لوندي
اللهم امين
ويشفي اختك ومرضى المسلمين والمسلمات يارب