لكل أحد أنعم الله عليه بـ(أرمله)

السلام عليكم
لكل أحد عنده أرمله
راجع حساباتك معاها ..

في هذا المجتمع وبكل صراحه الوحده لاصارت أرمله كنسلت من الحياة ..

يبدء يساء الضن فيها .. يستكثرون عليها .. يبدون يحسدونها .. يعادونها بعض صديقاتها وقرايبها يخافون تنحتهم أو تآخذ أزواجهم إذا جاها تقاعد زوجها حسدوها ويحسون انها ثقلت عليهم ويجرحونها ويستهزئون فيها ويحطمونها ويكسرونها .. الخ😩

ليه كذا حرام زياده على همها وفقدها لزوجها وإنكسارها تجون تظلمونها 😤

هي يكفي أنها فقدت زوجا مو بإرادتها بإرادة الله سبحانه

وفيه شي يقههههر 😡
لما يشوفونها تلبس حلوو وتتمكيج وتصبغ وتقص شعرها وترقص وتستانس يستنكرونه منها ويحكون أنها تبي زوج

ولما تتزوج يستنكرون عليها زواجها ويقولون نكرت جميل زوجها 😤
ومين فال لكم إن زواجها حرااام 😩

هي بحاجه لوقفتكم معاها مو سنه ولا يوم هي بحاجه لوقفتكم معاها العمر كله يكفي كلكم تنامون متهنين إلا الأرمله تبكي الحياة الي تقطعها هي لوحدها من دون زوجها وتنام على دموعها المكتومه وتصحى تناظر وجهها باقي فيه دموع ثم تطلع لكم من غرفتها بإبتسامه مزيفه
وينكم عن حديث الساعي على الأرمه والمسكين كالمجاهد في سبيل الله

تراه مو السعي بالمال أو الملبس أو الأكل لا بالتعامل والأخلاق بمحاولة تعويضها عن الي فقدت بعدم جرحها بالإفتخار فيها

تراه الي فقدت مو شي سهل ،، حتى وإن كان زوجها مقصر معاها يكفي أنها صارت الأم والأب وصارت تكافح في الحياة وحدها وتجاهد في هالحياة


وأتقوا دعوتها فإن دعوة المظلوم مستجابه
وأقول حطي نفسك يوم مكانها وعامليها نفس ماتحبين الناس يعاملوك فيه إذا كنت أرمله


أدعوا لأمي وحبيبتي
لأنها لاقت كل الي حكيت لكم بتهمة أنها



أرمله 😔