لكل الاخوات : عشق 23 -----------و sweety----------وراس المعزة أقول :
شكرا على ردودكم عزيزاتي :26: والحمد لله أنا بديت في الاستخارة ودعيت ربي وان شاء الله يوفقني ويوفق الجميع .

وبعد راح الوالد وعمل لجنةاستكشافية عن أهل الشاب وما زلت بانتظار الاخبار .:17:

يا هلا أختى قطوووف

استخري ربج وان شاء الله خير ..

ان شاء الله تكون فرحتج قريبة يارب

الله يوفق يارب .. ويسر امرج وامر أخواتج يارب في قريب العاجل

بالتوفيق ان شاء الله

لا تنسي من الدعاء

ودمتم ساالمين

اختي قطوووووف انا اقول قبل كل شي اسنخيري الله بشي مثل هذا.

اما من ناحية وجهة نظري فأقول صدقيني مو زينة في نظر الريال ان زوجته تكون افضل منه مستوى
سواء ثقافي او مادي وغيره لا يغرج شروط الريال اللي يكون على قد حاله ويبي وحدة موظفة او وحدة جامعية وهو ماعنده شهادة يمكن يهب وحالته حالة وتالي بعد الزواج مايصير بينهم اي انسجام .

والريال مهما كان يغار من الحرمة وبنفس الوقت يغار عليها يعني تريثي ولا تستعجلين .

واهم شي تكونين بيت مستقل اذا كان معج امه واخواته واخوانه لازم تستقلين ببيت اما اذا كان بس امه وابوه فهذا
مافيها شي صدقيني .
واذا على اخواتج انا اللي فهمته منج ان خواتج متعلمات ومثقفات يعني عارفين الاصول بس انتي اهم شي لازم تراعينهم عشان مايصير بينكم حساسيةواذا وافقتي على الزواج بيني لهم انج بحاجة لهم ولاتحسسينهم انج مختلفة عنهم وشاركيهم معاج بكل شي.

بس اهم شي تشوفين الفوارق اللي بينج وبينه وحطي في بالج مو عدلة في حق الريال ان زوجته افضل منه لومجرد بتفكيرها يحس بنقص وينعكس على الزوجة بعدين وهي اللي بتتعب ولا يحصل انسجام بين الزوجين.
وصدقيني افضل شي تكون الحرمة اما مثل مستواه او اقل منه بس لا تكون اعلى منه. صعبة عليه.

والله يوفقج يارب.

بالنسبه لاخواتك راح يجيهم نصيبهم ان شاء الله .. انا قريب سمعت قصه تشبه قصتكم

وحده من رفيقاتي قالت لي انه احدى اقاربها عنده تقريبا ست او سبع بنات مو متاكده المهم

الرابعه جاها نصيبها وتزوجت بعدها بفتره اخواتها الثلاث جاهم نصيبهم لثلاث اخوان من

افضل الشباب والحمدالله .. الوحده ما تعرف متى يكون نصيبها ووين ..

اما اللي خطبك ما اعرف وش اقولك استخيري اختي مع انه في الزواج يفضل فيه التكافؤ

في الثقافه مو شرط العلم والتكافؤ في المستوى المادي واما مشكلة البيت راح تكون حاليه

ممكن تاخذين قرض انتي وزوجك وتبنون بيت على قدكم صغيروووون راح يكون بالنسبه لكم

كانه قصر مصغر ..

المهم اختي اسالي عنه اكثر وعن حياتهم ولا تستعجلين وصلي صلاة الاستخاره اللين ما

توصلين لسبع وان شاء الله ربي يرشدك للقرار الصحيح ..

الله يوفقك اختي ..

تحيــــــــــاتي

الله يخليكم لي أخواتي العزيزات واشكركن والله من قلبي ....والله أثلجتن صدري .....الله يوفق الجميع
وينولكن كل اللي تطمحن له .
:24:
وانا والحمد لله أقوم بكل اللي قلتنه لي .