السلام عليكم ورحمت الله وبركاته
أطلعت على ملف الخاص بأطفال الشلل الدماغي
ويعلم ربي أني حاسه فيكم لأنه عندي طفل مصاب بسبب حادث مروري من عامين ومن حينها وحنا ما خلينا مكان مارحنا له داخل وخارج المملكه ولا أي فايده تذكر زي ماهو والله حالته تقطع القلب
بدينا ندور العلاج في كل مكان ولحد ما وصلنا له تخيلو قريب منا لكن سبحان الله ما عرفناه غير من قريب وجربناه ولله الحمد بعد 32 يوم لا حظنا تغير وتحسن في الطفل وما لقاه في أكبر مستشفيات بريطانيا
بقولكم حالة الطفل قبل وبعد العلاج
قبل العلاج
كان جسمه ضعيف مره وكان عنده تشنج في يديه دايما شادها على صدره وقليل يحرك رجليه وأحدا عينيه مايشوف بها والثانيه يشوف بنسبه بسيطه النور بس السمع عنده ضعيف ولا ينام الليل يصيح لين تطلع الشمس وينام ساعتين وعقب يصحى وأي شي ياكله يرجعه
بعد 32 يوم من العلاج
تحسن حالة الجسم عامه زاد وزنه وزان وجهه كثير بدى يخف التشنج اللي بيديه وأرخاهم شوي وصار يحرك رجليه كثير
يعني حركه طبيعيه خف الترجيع أو ما عاد يرجع وصار ينام بالليل ونوم متواصل تقريبا خمس ساعات متواصله
والحين بقولكم العلاج
العلاج هو صبخه من عند عجوز الله يجعل والديها للجنه وديناه لها وقاست راسه بالحبل ثم تعد كم فتحه في راسه تقول ذا المرض يجي من فتحات في الراس وتعطيه الصبخه وورقه فيها طريقتها بالتفصيل ومع الصبخه تعطي حميه من النوم وتحريك الراس كم ساعه وعقب خلاص
المره أسمها أم سعود بالخرج
اللي تبي رقمها تراسلني عالخاص وأذا المشرفات ما يمانعون حطيت رقمها بالعام
رجا يا بنات اللي تستفيد تدعي لأخوي أنه يتعافى من ذا المرض
وأن الله ييسرها لي وتقبلني الجامعه هالسنه مليت وتعبت نفسي من قعدت البيت
وأخيرا
أسأل الله أن يشفي مرضانا ومرضى المسلمين أجمعين
ماجستير دلع @magstyr_dlaa
عضوة نشيطة
يلزم عليك تسجيل الدخول أولًا لكتابة تعليق.
ssoo-7
•
ماشاء الله عليك الله يجعله في موازين اعمالك ويحقق لك ماتبين جزاك الله خير ياليت ترسلين الرقم عالخاصماشاء الله عليك الله يجعله في موازين اعمالك ويحقق لك ماتبين جزاك الله خير ياليت ترسلين الرقم...
الله ينفع فيها كل المرض ارسلي رقمها على الخاص
MARIGOLD :
الله يجزيكي خير طيب ماينفع هي تعطي طريقة الصبخة؟ يعني كيف احنا بنفسنا نعملها؟الله يجزيكي خير طيب ماينفع هي تعطي طريقة الصبخة؟ يعني كيف احنا بنفسنا نعملها؟
الله يجزاك الجنه
ويشفي اخوك وييسر لك اللي تتمناه نفسك
ارسلي الرقم
ويشفي اخوك وييسر لك اللي تتمناه نفسك
ارسلي الرقم
إن إم
•
الله يتمم له ويتعافى عافيه تامه يارب وجميع مرضانا ....بسألك كم عمر ولدكم ... طيب ضمور الولد من الحادث تتوقعين ينفع العلاج مع الضمور اللي من الولادة أو وراثه والله يرزقك من حيث لا تحتسبي...
الصفحة الأخيرة
الله يجعله في موازين اعمالك ويحقق لك ماتبين
جزاك الله خير
ياليت ترسلين الرقم عالخاص