لكل البنات والحريم إللي درسوا بالخارج ,, تعالوا أبيكم :(

السلام عليكم ورحمة الله وبركاته


مرحبا بنات ,, شلونكم ؟ :26:

بقولكم سالفتي <<< الأخت مطوله! :42:

أنا بطلع بدرس بالخارج إن شاء الله بعد شهر ونص .. وفترة دراستي بتكون لمدة 4 سنوات إن شاء الله

وصدقوني لو علي أدرس بديرتي .. بس للأسف الظروف جابرتني وماعندي حل ثاني

وأنا مستحيل أتخلى عن دراستي .. وشي أساسي عندي إني أكملها

المهم ,, لما طلعت لي البعثه عشان أدرس برى

شتتوقعون أول شي قالوه لي عماتي وخالاتي!!

قالوا لي .. خلاص عيل عنستي من الحين .. ماراح تعرسين :hahaha:

بنات لاتفكرون إني منهبله على العرس ,, أصلا هذا حق شرعي لكل بنت فينا

ولكن إللي إستغربت منه .. شفيها البنت إللي تدرس بالخارج ؟ يعني بس هي إللي تغلط وإللي عند أهلها ماتغلط؟

والله العظيم يابنات .. إن في بنات يغلطون وهو بحضن أهاليهم .. وفي بنات يراعون الله بكل خطوه يخطونها وهم بالخارج "الله يستر على الجميع"

يعني الدراسه بالخارج عمرها ماكانت مقياس للغلط أو الصح .. ماعرف شلون هالناس يفكرون! :(

إنتوا شرايكم ؟

ووالبنات إللي تعرفونهم ودرسوا بالخارج عرسوا وإلا للحين ؟ :22:

بإنتظاركم

:) :26: