لكل الخريجات

السلام عليكم ورحمة الله
والله يابنات اني ماكتبت الموضوع غير خوفا من بعض التصرفات
احنا من المعروف كلنا نتمنى الوظيفة باسرع وقت ونكافح وكل يوم نتصفح النت بحثا عن التقديمات ونشوف وش صار عليه مافيه خريجه ماتعنت صح !!
طيب واحنا نقدم على جداره وغيرها لحظو طريقة تقديمنا وكيف فيه تحفظ على معلوماتنا وبيانتنا واسمائنا وارقامنا السرية
،،كيف يتساهلون بعض الأعضاء في المنتدى بطلب الاسم ووانها بتسوي لنا كل شي وباﻷخير والله مانشوف ولاشي من كلامها تقول ارسلولي اسمكم وعشان نصدق اكثر تقول على الخاص وتقول بنسوي وحصر للأسماء والله ثم والله لوتجلس سنة بتسوين حصر للأسماء ماراح تقدري وتحدد السنة اللي تبغى لسنوات اللي احنا عاطلين فيها يعنى ابدا مافيه تفاوت لا وبعض البنات يترجونه اللي سنواتهم قليلة
صح فيه ناس يقولون بنحاول وبنحاول لكن الأحوط إن ننتبه
الحمدالله موجود تويتر ونقدر نسوي حمله هاشتقات أفضل من إني ارسل اسمي لأي أحد
المسأله في هذا الموضوع بالذات تطوووول لكن اهم شي والله ابغى اوصله إنه حذاري ثم حذاري يابنات من اللي تطلب اسمك سجلك رقمك اي شي خاص لك مهما كان نصبر على هم الوظيفه ولا نتصرف تصرف غلط طالما النت عالم مجهول ماندري والله من يكلمنا ..
بس والله هذا اللي عندي وربي يوفقنا لكل خير