باشوف كتير هنا على المنتدى مواضيع كتيرة عن محفزات الولادة ... بطرق شعبية و بدائية
حبيت اقول لكم و انصحكم انكم ماتخدوش اى شييء ال بامر الطبيب و هو ادرى
يعنى ميكونش كل همك انك تولدى طبيعى و تفتحى رحمك ... و يمكن ان الخير و الفضل لك ف القيصري
قريبتى كان عندها بنات و كانت هتموت على ولد.. و الحمد لله حملت و كان ولد
كانت تتابع عند طبيبة الله يسامحها... و لما قرب ميعاد الولادة قالت لها الطبيبة انا مضطرة اسافر بعد اسبوع و لو عاوزة اولدك اديلك طلق صناعى...
طبعا قريبتى كانت واثقة فيها و كان نفسها تولدها فوافقت
المهم كل يوم و التانى تديها حقن طلق صناعى بجرعات عالية
و برضوا الرحم الحمد لله متفتحش
و بعد حوالى اسبوع سافرت و سابتها و الحمد لله
اضطرت ساعتها قريبتى تروح المستشفى تشوف تتابع مع اى طبيب
ربنا رزقها بطبيب شاطر جزاه الله خير
اول ما كشف عليها بالسونار ... اتفزع دا و قالها لازم قيصري انهاردة او بكرة بالكتير
و فعلا ولدت قيصري و قامت هى و ابنها بالسلامة
اتضح بعد كدة ان الحبل السري كان ملفوف على رقبة الجنين بشدة .. و انها لو كانت ولدت طبيعى بالعافية كان لاقدر الله الولد نزل مخنوق
زائد طبعا ان كل الطلق الصناعى ارهق الولد جدا جدا
ساعتها قريبتى حمدت ربنا ان الطبيبة الاولى سافرت و مكملتش معاها الخطط الجهنمية
اذن متعرفيش الخير فين ... و يمكن ربنا رايد لك خير غير اللى ف بالك
اوعى تحفذى الولادة الطبيعية عمال على بطال و خلاص.. يمكن بايدك تسبب الاذى لمولودك
rroby @rroby
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
شكراً حبيبتى