بسم الله الرحمن الرحيم
السلام عليكم ورحمه الله وبركاته
شهركم مبارك
أكيد انه في مننا من يجيها رقم غريب وترد . او تلقاه مسد كول وترجع تتصل وتقول مين انتوا اتصلتوا عليا ..
وانا من ضمنكم كنت ارد على اي رقم يجيني ..
السالفه /
خالة الوالد .. حرمه كبيره في السن عايشه في الرياض أرملة وعمرها تجاوز ال 70 سنه .. قبل يومين وتحديداً في تاريخ 7/9/1430هـ
جات المباحث واخدتها من صاله بيتها .. وقدام عيون اخوانها واولادها .. ولا أحد فيهم يقدر يتكلم ..
أتصلوا على ابويا لأنه يعرف كم شخص في المباحث والاستخبارات يبغى يعرف ايش السالفه ..
اول امس رد منه الرجال قال له ..
انهم لقوا رجال مقتول هندي .. ولقوا اخر اتصالات في جواله على رقم هالعجوز ورادة عليه اكثر من مره في يوم قتله .. واحنا مانبي منها شي بس تعترف كيف قتلته ؟!!
شفتوا المصيبه فين ؟!!
ابويا راح لها الرياض وكلمها وقال لها ياخاله قالت والله هذا متصل غلطان يقول يبغى زوجتو شغاله عندي وانا ارد عليه واقول له واحلف له ماعندي شغاله .. وهو يرجع يدق وانا ارد ..
المشكله المباحث والاستخبارات رفضوا يطلعونها مسكينه الين يظهر القاتل الحقيقي ..
مايستفاد من الموضوع
1: دعواتكم يابنات لها الضعيفة مسكينه وش يصبرهاعالسجن وهي بذا العمر ..
2: الأرقام الغريبه حذاري حذاري تردون عليها .. ماتدرون بعد المكالمه ينقتل الرجل والا المره وتروحون فيها ..
والله يابنات ماكتبت هالموضوع الا لانكم خواتي وماابي لكم الشر .. الهنود والبنقاليه هذول يرمون نفسهم بكل مكان مالهم جوازات مالهم اقامات فأي واحد بينقتل ولا يصير فيه شي بيرجعون لجوالاته واتصالاته ..
الحذر الحذر الحذر
غير المصايب اللي راح لاقدر الله تدخل الوحده فيها من سجن لسجن ومن تحقيق لتحقيق راح تكثر الاشاعات وكلا يطلع سالفه والله هالعجوز المسكينه قالوا انها بينه وبينها علاقه .. يعني ماخلوا احد بحاله
دعواتكم يابنات لها ربي يردها بالسلامه والنصره يارب
أختكم ميمآ و بس
ميمآ و بس @myma_o_bs
محررة فضية
يلزم عليك تسجيل الدخول أولًا لكتابة تعليق.
معشوقة سلطان
•
الله يستر انا ارد علشان يمكن احد مغير رقمه من اهلي بس خلااص خفت
أثيروثير
•
من الاساس لييييييييييش تردون على ارقام غريبه؟؟؟
أنا ماأرد نهائي الا اذا جتني رساله تقول ياأثير ردي انا فلانه
والا يظف وجهه ولا عاد يرد
لأني مره رديت بالغلط وأنا ابي اتصل وافق اتصاله وضغطت زر الرد
بعدها يرد عليه زوجي يقول عطني صاحبة الجوال وأنا حبيبها فلان
زوجي جن جنونه وش الوقح هذا؟؟؟؟
يابنات الشر يجيكم وانتم ماتدرون احذروا بالله!!
ميما الله يفرج كرب قريبتك ويهون عليها مصيبتها
وحسبي الله على هذا الهندي اللي أنتحر وورطها
الصفحة الأخيرة