لكل اللي ردو ( رسايل من رقم غررررريب)

السلام عليكم ورحمة الله وبركاته
واشكر كل وحده دخلت وشاركتني بمشكلتي ولو بدعوه
بالنسبه للأخت البوح الصادق اللي شككت في مصداقية الموضوع ( يختي منتي مجبوره تردين قلي خيراً او اصمتي بس مالومك كلاً يرا الناس بعين طبعه )
وكثير قالو ( سوي حظر )
يابنات انتو عارفين ان سالفة الحظر سهله جداً وقد سويتها مرتين
لكن مافكرتي ان الرقم يبقى عندك في جوالك في قائمة الارقام المحظوره !!
انا بإستمرار اشوف الارقام المحظوره عند زوجي واذا فيه رقم جديد اسأله من هذا وليش سويت له حظر !!
يعني بيلقى الرقم في جهازي طيب وش اقله اذا شافه !!


عموماً كل حلولكم فادتي جداً
وقررت ادخل اخت زوجي الكبيره في الموضوع
لانها كبيره جداً وعاقله ومشرفه تربوية واسلوبها في الكلام مررريح وفاهمه وتحتوي اي احد يجلس معاها باسلوبها واخلاقها
والشي اللي بيخدمني انها متزوجة ولد عمها الكبير
يعني أخو الشحص المزعج
ولعلمكم زوجي غيور جداً وسبق نزلت موضوع اشتكي من غيرته
وماودي تصير مشكلة بين العوايل بسببي
لكن اذا كبر الموضوع وخرج عن السيطره
لازم يدري زوجي وعاد بكيفه يصدقني والا يصدقه براحته الحمدلله ماسويت شي غلط
وانا لما قلت اسلوبه حلو انا ماقلتها الا عشان احطكم بالصوره
( وكل اللي قلتوه انا فكرت فيه أول
ممكن تكون اخته حاطه عينها على زوجي وممكن كان بينهم حب وممكن يكون الرقم بأسم اخوها وهي تستخدمه / وفكرت بعد انه ممكن يكون رقم قديم له / وممكن يكون زوجي يرسل من جواله / كل شي وارد
بس مستحيل اسكت له لو يطلع زوجي ورا الموضوع والله لاقلب الدنيا على راسه
وانا لو كبر الموضوع وزوجي عرف ببرر موقفي واقوله اني ابي احافظ على حياتي معاه
وبس
واسأل الله العظيم يصرف عنكم وعني شرور خلقه
ويسخر لي ولكم خلقه ويرزقني واياكم من واسع فضله