لكل اللي سألوا عني هذا جديدي فديتكم🌸

http://forum.hawaaworld.com/showthread.php?t=4120938

http://forum.hawaaworld.com/showthread.php?t=4168821

هذي روابط مواضيعي الاولى
اولا شكرا جزيلا لكل من سأل عني ومن راسلني وتطمن عن أحوالي
وتفاجأت بالخاص مليان رسايل وقلت بدال ماارد عليكم وحدة وحدة انزل موضوع

انا ياطويلات العمر ولا لكم بالطويلة جاني نصايح كثير مره بس ولا مره اقتنعت اني ارمي عيالي له بربيهم مااتخيل بناتي في يد حرمه غيري لذلك
بعد خمس شهور من زواجه جا لبيت اهلي وطلب يقابلني ويكلمني وتعهد لاابوي ان اللي ابيه بيصير حتى لو هو طلاق ورفضت اطلع له وفكيت الحظر من الاتصال وكلمته وطلبت الطلاق ورفض قلت اجل اربعين الف وطلبت يخلص العمارة الجديدة واسكنها انا وانا اللي اختار البويات من جديد وتصبغ ثاني مره وجلس يحلف انها مااختارت شي ورفضت اسمع وقلت ان رجعنا ماابي منك لا يوم ولا ليلة ولا شي تجيب اغراض عيالك ومن الباب تشوفهم وتطلع وقال اجل خلك عند اهلك واني تنازلت عن البيت القديم لك وانا دافع 70 الف فيه تكفيك وقلت خير وش الجديد انا عندهم اصلا
وبعد اسبوع لقيت حوالة في حسابي 20 الف وجلس يحلف ويدق الايمان انه مطفر ولا يلقى الريال ومفلس خصووصا ان زوجته الثانية طلعت من الشقة واخذت دور ارضي
خلاصة الموضوع رجعت وهو مااكذب عليكم متغير عن قبل خاصة في موضوع الصرف الرجال صاير يشتري اغراض البيت واحيانا يعطيني الصرافة اذا. بغيت لعيالي شي ومدري انا اتخيل ولا صدق بس فيه انكسار بس للحين تجيه حالات شوفه النفس حقته باختصار رجعت وشفت الوضع مو مثل ماالناس مصورته حرمة مثل مايجيني هواش يجيها هواش ومثل مايرد علي احيانا بالجوال مايرد عليها وانا اشوا شوي هي يعطيها مشغول بس يابنات حرمة قوية قوية قوية الله يكفيني شرها واستودع الله منها حطت وشالت وسوت بي مشاكل مخيفة ماني في مجال اني اقولها الان وبكل قوة وجه تطالب في طلاقي ونرسل لي رسايل عن علاقتي الخاصة بزوجي وعن اشياء كثير خاصة وريت زوجي الرسايل وحلفت بالله ان عادت الاتصال ولا سمعت شي من المكتوب طالع برا تفاهمي مو معها ابوي واخواني يتفاهمون مع اخوانها والحمد لله ام زوجي بعد قالت لها ان عاد دقت ولا ارسلت اني بكلم اخوانها وكانها عقلت اللي اشوفه حرمة مدلعته دلع ماعمر احد تدلعه واذا زعلت ولا تهاوشت معه خبطت به في الارض اما انا وهو للحين فيه شي واقف بيننا رسميين مره مع بعض مع اني بعد كم يوم من رجعتي جاب اغراضه كلها وحطها في بيتي وفترة كذا وباع له ارض وبدينا نكمل العمارة ونشطب والله يسكني فيها على خير
صراحة يابنات مااكذب عليكم الضرة تحر ورب البيت صحيح كنت متخيله شي وصار شي ثاني بس وربي احيانا انهار لحالي من البكاء والقهر خصوصا ان بنت الحلال ماتعطيني فرصة اتعود على وجودها في يومي جوال الرجال مايطفي اتصالات وطلبات مع اني ورب البيت في يومها ماارفع الجوال ولاادوره ان بغيت شي ضروري كلمت اختي ترسل سواقها لي ولا واحد من اخواني الصغار وبالعكس يومها انا انبسط مااجلس بالبيت اجي من الدوام اغدي عيالي واحل واجباتهم وركبت مع السواق وقعدت افر واتمشى واصلا مايعصب زوجي غير من هالحركة خاصة اني ماادق حتى ولااشاور
الله يسهلها علي وعلى كل مسلم ويهون الامور واستودع نفسي وابنائي وبيتي الله وماقصرتوا على السؤال الله لايوريكم مكروه في احد