السلام عليكم ورحمة الله وبركاته
طبعا انا من القديمات في المنتدى لاتغركم المشاركات:22: ودائما اتصفح موقعي الجميل عالم حواء بعد المقدمه هاذي انا دائما اتصفح قسم الامومه واقرا قصص الولاده اكثر شي يعجبني واحس بمشاعرهم وفرحهم لكن لي فتره وانا اقرا عن حملت بالغلط ولا انا خايفه اني حامل ولا ابي انزل حملي:angry2: طبعا انا ماراح اقول شي لكن بقول قصتي للعبره انا متزوجه من 13 سنه تقريبا وعندي ولدين والحمد لله حملت على ولدي وعمره سنه ونص طبعا ماكنت متوقعه الحمل لاني ماخذه احتياطاتي طبعا مرة ثلاث شهور وانا حامل وماكنت ادري الدوره متاخره لكن احلل ولا يطلع حمل في كل مره لين تعبت من الوحم هنا حللت دم في المستشفى وكنت حامل طبعا بكيت وبكيت ويكيت وصار زوجي يواسيني على حملي لاحول ولاقوة الا بالله الله يغفرلنا بعد الشهر الخامس تقريبا بدات اتقبل حملي بديت احس بحركاته الصراحه تعلقت فيه يعني تهيأت له وكل اللي في البيت ينتظرونه رحت ابي اشوف جنسه وكنت تقريبا في الشهر السادس طول الوقت اللي يدور بيني وين زوجي خشمك كير ولد:icon31: وعيونك صغرانه بنت:lick1: رحت للاشعه قعدت تلف وتدور سكتت وقالت انتظري لين انادي الدكتوره قلت لها في شي قالت لا بس الدكتوره لازم تشوفك خفت تذكرت بكاي وتسخطي من حملي ترا كت حاسه بتانيب الضمير بس قلت انا معذوره لاني ابد مو رايقه للحمل وعيالي صغار وغير كذا عندنا مشاريع وسفر ودراسه الصراحه كنت احاول ادور العذر لنفسي جت الدكتوره كنت اترقب ملامح وجهها وقالت الجنين مشوه الحمدلله على قضاء الله طبعا ماراح اقول وش كثر تعبت وانهرت واكثر شي تعبني الفحوصات والوقت اللي بينها كنت ادعي واستغفر ربي نفسيتي تعبت الحمدلله على كل حال وصلنا الشهر الثامن قالولي راح ننزل الجنين لانه ماراح يعيش لكن رفضت وقلت لاجت الولاده الله يسهلها وجت الولاده وتعبت في الطلق كثير كنت امشي في ممر المستشفى وانا خنوقه حزينه خايفه عكس اللي حولي حتى الالم يحسون بمتعته لانه يقربهم من الفرج ولدت وجبت بنوته زي القمر سبحان من خلقها كانت جدا جميله طبعا التشوهات اللي فيها كانت داخليه حطوها على التنفس الصناعي زوجي كان رافض اني اروحلها او اتعلق فيها لكن تحاملت على نفسي شوي ورحت الحمدلله اني شفتها بعد ماشالو الاجهزه عنها طبعا ماكنت ادري ليش شالو الاجهزه توقعت لانها خفت او ان حالتها استقرت لكن شالو الاجهزه لانهم عرفو ان حالتها ميئوس منها كثير تعلقت فيها الله يشفعنا فيها يارب طبعا توفت بنتي والله اني الى الان ابكيها تعلقت فيها كثير الحمدلله على كل حال طبعا حملت بعدها بولدين وكلهم ماتو نفس وضعها اللهم لا اعتراض كنت اطلع من المستشفى اشوف الامهات شايلين المواليد والفرحه موسايعتهم وانا اطلع بدموعي ثلاثه ماتو الله يشفعنا فيهم ويعوضني خير يارب والله اكتب ودموعي على خدي تذكرت كل شي الحمدلله
طبعا اللي بقوله اخر شي ان اكتشفت انهم ماتو بمرض والمرض هذا راح يكون في اغلب حملي بنسبه كبيره كنت احمل واولد ماشلت هم لكن تبطرت على نعمة ربي وكنت اقول نفس اللي تقولونه ماابي حمل غلطت ابي انزله ماابي اللي صارلي يصير لكم هاذي نعمه من ربي في ناس يتمنونها مولاقينها وخذولكم لفه في القسم المتاخرات عن الحمل وشوفو
طبعا انا الدوره متاخره علي وشاكه اني حامل ابي دعواتكم خواتي باللحمل السليم المتعافي وان الله يعوضني خير وان الله يخليلي اولادي وزوجي
ريلام** @rylam_9
عضوة جديدة
يلزم عليك تسجيل الدخول أولًا لكتابة تعليق.
الحمدلله اولا واخراً
مشكوره على سرد قصتك الاليمه . الله يشفع لك باولادك
ويرزقك الابناء السليمين الصالحين .
جد موضوع يستحق النقاش . لان في حريم تتشكل وتتويل انها حامل وتنسى ان هذي نعمة الله
كيف تتبطر منها .
صح ان الجهل احيان هو اللي يخلينا نسوي كذا.
اللهم لا اعتراض . اللهم لك الحمد في كل حال وعلى اية حال
مشكوره على سرد قصتك الاليمه . الله يشفع لك باولادك
ويرزقك الابناء السليمين الصالحين .
جد موضوع يستحق النقاش . لان في حريم تتشكل وتتويل انها حامل وتنسى ان هذي نعمة الله
كيف تتبطر منها .
صح ان الجهل احيان هو اللي يخلينا نسوي كذا.
اللهم لا اعتراض . اللهم لك الحمد في كل حال وعلى اية حال
يعطيك العافيه على سرد القصه ودايم اكرهه احد يقول بالغلط
هذي نعمة من الله والله اهداكي اياهااا تقومين ترفسينها برجلك
والله يعوضك ان شاءالله ويجعلهم شفعاء لك ويرزقك بالجنين السليم المعافا
هذي نعمة من الله والله اهداكي اياهااا تقومين ترفسينها برجلك
والله يعوضك ان شاءالله ويجعلهم شفعاء لك ويرزقك بالجنين السليم المعافا
ђẩиeeи :
ربي يرزق كل وحدة اللي ببالها :(ربي يرزق كل وحدة اللي ببالها :(
مشكورة اختي على مشاركتنا قصتك لكي نعتبر والله يعوضك في اطفالك
الصفحة الأخيرة
أنا الآن حامل لي 3 شهور وحملت وبنتي عمرها 5شهور يعني صغييييره مره مع أني كنت آستخدم مانع حمل
طبعا بالبدايه بكيت من الصدمه وبعدها قلت قدر الله وماشاء فعل الحمد لله على كل حال..