لكل اللي يتوقعون البنت الموظفه تلعب بالفلوس لعب ادخلوا أبيكم

السلام عليكم جميعا أنا متابعه قديمه لمنتدى دايم بطرح مشكلتي لكن لم اجد الفرصه لكن الوضع وصل حده قلت مالي الا حوائياات أستشيرهم طبعا انا موظفه مدرسه وغير متزوجه عمري في منتصف العشرين دوامي الحمد لله يعتبر قريب نوعا ما 50 كيلو عن البيت الزبده الراتب ووماادراك ماالراتب مدري المشكله فيه والا في شخصيتي راتبي ماشاء الله بحدود 8 الاف ولكن عندي أب في نظره ان البنت غير متزوجه ماتستحق تمسكك فلوس المشكله انه غني ولديه معارض سيارات لكن طلبني أخذ له قرض قال والا اخذ صرافتك واخذت له قرض ع طول لكن لم يقف عند ذا الحد صار معتمد علي في كل شي يابنات جد اعاني اخواني وطلباتهم وكل شي يرسلهم لي ودايم يسمع اخواني ان راتبي كذا وكذا وانه المفروض اجيب لهم سيارات بجد تعبت وكرهت ذا الراتب لكت مظطره امسك وظيفتي لان ابوي مايعطيني لو 100 ريال والله العظيم الراتب صار زي اللبن 4 ايام وينتهي للاسف ابوي تارك كل شي علي اذا جو ضيوف يتهرب ويصير كل الضيافه علي مصرةف المطبخ يماطل فااظطر انا اجيب شكلي مبين اكبر من عمري صديقاتي في الدوام همهم اللبس والاكسسوار وغيره وانا همي كم وصل كيلو الطماطم بنات صرت رجال البيت ولا فيه احد يقدر ولا يدعي لي اه بس وربي اسوي ادق التفاصيل اللي المفروض يسويها رجال لاني مظطره في زمن صارو الرجال فيه اشباه رجال مرات احس السبب شخصيتي اني طيبه وماعرف اقول لا بنات انصحوني العمر يمشي وماجمعت ريال وواثقه لو لاسمح الله احتجت ان مافي اللي يقف جمبي واخواني شايفين ان لهم حق قي راتبي وحتى الغني منهم بنات تكفون اللي عندها طريقه او حل تدلني وجاوبوني هل انا ملزومه اصرف ع البيت؟.اهلي حسسوني انه مجبوره وربي لمى اروح السوق ع طول قسم الاطفال واشتري لخواتي الصغار وانسى نفسي اللي خلاني اشوف اني قاعدة اسوي الشي الغلط واحد من اخواني ساعدته بمبلغ كبير لكن للاسف جرحني بكلامه عشان موضوع تافهه طلع انه حاقد علي وانا ماجاه مني غير كل خير وخواتي الصغار مايحترموني وانا مدلعتهم كنهم عيالي اوديهم مولات والعبهم واعشيهم ومافي مقابل بنات بديت اصحى ع نفسي لمى صار لي مواقف بكتني دم فلذلك اي موظفه وغير متزوجه تقولي كيف وضعها نفسي والا لا وهل الصرف ع البيت واجب مين؟وابغى فكره اجمع لو شي بسيط فتحت حساب ثاني لكن اظطريت اسحب منه اذا احتجت ومازبط معي