لكل الي متابعين قصتي انا بليار تعالى شوفو ايش صار

السلام عليكم ورحمة الله وبركاته
الي مو عارفه قصتي ترجع للموضوعين الي كتبتها او ياليت احدى الأخوات تنزل الرابط لآني ماعرفت أنسخه 
وقبل لا أبدى واقولكم اخر المستجدات لفت انتباهي تعليق لعضوي كاتبه اي وحده تطلب مشوره او مساعده تستنجد عواطفنا ولاترجع تطمنا ولاتسال فينا حبيت أقولها معلومه انا مقدره كل حرف كتبته اي عضوه عشاني ومقدره جميع الآراء. بالعكس راح أرد على الجميع وما بحذل الي حمل وهمي معي واشغلو بالهم الله يبعد الهم عنهم 
ندخل بالموضوع
طبعا أهلي رافضين اني ارجع له وعشان أحطكم بالصورة بعد طلاقي أصبت بمرض واشتبهو انه سرطان الدم ابوي ماقال لأي احد حتى لي وسفرني برا وطلع عندي مرض تكسر الكريات الي موجوده بالدم والحمد لله على المرض قبل الصحه والحزن قبل الفرح 
المهم ابوي كاره طليقي لانه يقول هو الي امرضك وفجاه مرضتي وانا البنت الوحيدة بين شباب من صغري ابوي مدلعني وعلى قولتهم حبيبه أبوها. الحمد لله ابوي يقول انا أعالجك وأسفرك واسمحلك تكملين دراستك باي مكان وأنسيه وعيشي حياتك لكنني ما اجبرك بالنهاية حياتك
بعد الاستخارة والتفكير العميق قلت لابوي ناديه وخليه يجئ هو وأبوه
جونا طبعا ودخلت بحجابي وجلست عند ابوي 
ابوي قاله لولاها ماكان حتى السلام سلمت عليك
قلتله بسالك وأبوك يسمعنا أسالك بالله عمري قصرت بشي عمرك شفت علي غلط واحد 
عمري اهملتك باي جانب عمري خنتك ولافشيت سرك عمري آذيتك ولا آذيتك بنتك
قال لا 
قلت طيب كيف عرفت زوجتك وكيف خطبتها 
قال اقسم بالله وهاتوا القران احلف عليه انها جاتني عطيه بمجلس رجال ودخلت فكره الزواج ببالي والشيطان لعب بعقلي وتزوجها 
وقال سبب الطلاق بس اسمحولي ما اقدر أقوله ولكنه مقنع
انا كذبته وقال انا لو تبغين أجيب لك برنت كامل عن مكالماتي بالسنة الي فاتت وقارني والله ماخنتك قلت ما امنع شي ربي حلله لكن انك تجيبها لي ببيتي تتمسخرون علي وتستغفلوني قال مجابتها أبوها قال بجيك وجابهم معه
قلت موافقه ارجع بس بعد سنه على الأقل اتعالج وانت عارف مرضي قال أبشري 
ومهر جديد وتسوي عشاء تعزم الدنيا كلها وشهر عسل ومؤخر 80 الف وتسوي تحليل عشان الحمل لانه كان رافض انه يسويه وما تمنعني من وظيفه او دراسه
انا قلت ماراح يوافق بس قال أبشري وأبوه قال ليش المخاسير قلت مخاااااسسسسير والله لو تمدون من بيتنا لبيتكم ذهب مايسوى عند كلمه وحده من كلام الناس فيني
قام رد عليه طليقي من حقها واقل من حقها 
وقلتله تحلف على القران انك ماتذيني ولا تجرحني بيوم 
قام قال والله لو ماني شاريك ما أعتنى لك وهذا انتي طلبتي مهر وعشاء وكل شي كان أتزوج 
ولا فيه رجال ينتظر سنه لو مالك غلا بقلبي ما أجي منكسر واترجى أبوك وإخوانك
وبس
بيني وبينكم يابنات احسني كرهته يوم شفته تخيلته معاها وااااااه يا عذابي بس
الحين يحاولون يضغطون علي ارجع واتنازل عن سنه بس انا ماابغا ارجع الحين بشوف صادق ويحبني ولألأ وعشان لو صار شي جديد أقوله انت من طريق وانا من طريق بدون طلاق 
والله بجن من التفكير والمشكلة كل الي حولي يقولون قرارك انتي قرري
شراييكم ألي سويته صح 
وتتوقعون ندمان وشاريني ولا يكذب 
بجن من التفكير 
اخيراً دعواتكم لي بالشفاء العاجل وبجد اشكر كل وحده كتبت لي وسالت عني 
ماعندي خوات بس ربي يسركم لي 
أسفه على الأخطاء الإملائية بس اكتب من جوال