السلام عليكم
اي ام عندها خبره في مرض التوحد تقيم الحاله والله يكتب لكم الاجر
هذي بنت اختي .. من فتره انا واختي مو عاجبنا حالها وبصراحه نشك ان عندها التوحد المشكله زوجها مو راضي يستوعب ويقول خلي عنك الوسواس قالت له بس اعرضها على طبيبه وش انت خسران مررره رفض رفض قاطع
بوصف لكم حركاتها وشخصوها جزاكم الله خير
عمرها سنتين ونص اذا ناديناها تلبي النداء وتجي ركض ترمي نفسها بحضننا اذا ابتسمنا لها تبتسم واذا شافت ناس يضحكون تبتسم تموت على شي اسمه مراجيح من يوم تدخل الملاهي وهي تتمرجح ماتكل ولا تمل بس اذا نزلناها ماتبكي اذا طلعوا مكان عام تنطلق وتضحك وترجع تناظر اهلها تموت بانوار الملاهي بالنسبه للدوران تدور بس مو بشكل مبالغ فيه صياحه مرررره بس اذا حاولنا نسكتها تسكت ماتتكلم ابد تقول بعض الح روف وهمهمه ماهي مفهومه ساعات تنادي اخوها بس تحسونها تنادي كذا عشواىي مو عشان تبيه يجيها تحاول تلقنها بعض الكلام تقول قولي ماما تناظر عيونها وفمها وتبتسم نادرا جدا تقول ماما وتردد الحكي يغلب عليها انها تناظر الفم وتبتسم اذا تبي مويه تروح المطبخ وتجيب لها كاس وتجي لامها تمسك يدها وتحط فيها الكاس واذا حفاظها وصخ تكرمون تمسك يد امها وتحطها ع الحفاظ وتبتسم مره عطيناها سياره نبي. نشوف وشلون تلعب قلبتها ولفت كفراتها بعدين مسكناها ومشيناها قدامها شوي الا خذتها وسارت تمشيها ماتستمر على لعبه كثير تموت بلعبة القفز تطلع فوق الكرسي وتقفز وتحسين انها مستانسه تحب تلعب مع اخوها وتخرب عليه العابه وتضحك واذا ركض وراها بيضربها تركض بسرعه عند امها وتتخبى وهي تضحك بالنسبه لحركة الرفرفه احيانا تسويها بس التصفيق اذا عطيتيها شي تحبها تبتسم وتصفق وتاخذه نومها الحمد لله حلو حركتها بحدود المعقول وتفهم اذا احد خاصمها تبكي وتبوز تعرف امها ومتعلقه فيها وتحبني وتبتسم لي وتعرفني بس ماتناديني ابد اذا شافتنا لابسين العبايه تفهم اننا طالعين وتبكي بحرقه تبي تجي معنا اذا طلعت ع ساحة الرمل اول ماتدخلها تبكي ولا تنسجم وشوي شوي تجلس تحفر وتلعب اذا لبسنا النقاب تناظر عيوننا وتبتسم بالنسبه للاكلعادي تاكل اي شي تموت على شي اسمه شبس لدرجة استغربنا طفله بعمرها تاكل هالكمية من الشيبس تحب البسكوتات والعصيرات مررررره تحب تاخذ عقد وتدخله بكاسه وتطلعه وتكرر الحركه كثير واذا اخذناه تبكي بقوه بس نقدر نسكتها الحمدلله اذا ضربها اخوها احسها تتحمل الضرب ونادرا تبكي اذا كانت مولمه مره
هذا ملخص عن حركاتها طمنوا قلب امها تكفون اذا فيها شي نتصرف واذا طبيعيه تاخذون اجر في قلب ام ماتنام من قلقها على بنتها
اي سوال يوضح الحاله اكثر انا جاهزه
Never for ever @never_for_ever
عضوة جديدة
لكل ام ابتلاها الله في طفلها بمرض التوحد بين ايديكم حاله واتمنى تشخيصها
22
4K
يلزم عليك تسجيل الدخول أولًا لكتابة تعليق.
Never for ever
•
نسيت اقولككم انها تقلد امها بالصلاه تسجد وتجلس جلسة التشهد وتسلم وتقلد امها في طربقة التحصين تحط يدها على فمها وتنفث وتمسح على امها
مشالله ان شالله مافيها الا العافيه والكلام ولدي ماتكلم الابعد ثلاث س والحمدلله مافيه شي تطمني اختي
نسيت اقولككم انها تقلد امها بالصلاه تسجد وتجلس جلسة التشهد وتسلم وتقلد امها في طربقة التحصين تحط يدها على فمها وتنفث وتمسح على امهانسيت اقولككم انها تقلد امها بالصلاه تسجد وتجلس جلسة التشهد وتسلم وتقلد امها في طربقة التحصين تحط...
الله يطمنك بالجنه
التوحد يكون تكلم بعد كذا نسي الكلام
مايستجيب لاحد يناديه
وعلى ٣ سنين تظهر الاعراض بشكل واضح
مايستجيب لاحد يناديه
وعلى ٣ سنين تظهر الاعراض بشكل واضح
بسم الله عليه مافيها توحد ان شاء الله حركاته شقاوة اطفال عادي الله يحفظها لكم ويبارك فيها
الصفحة الأخيرة