شكرا اختى نجود الرياض واتمنى اكون زى ما قلتى
هناك بعض الامور التى جربتها وجابت معى نتيجه مثلا
ابنى عمره 13 سنه يحب يخرج فى العطله يذهب الى وسط البلد
فى الاول ارسله مع اخوه الاكبر منه اللى انا كنت اخده معى زى كل اخوته ثم اترك هذه المهمه لاخوه طبعا الاولاد الاكبر قليل ما يوافقوا ان ياخذوا معهم اخوتهم الصغار لانه يحب يكون على راحته مع اصحابه احاول ان استجداه بلكلمه الطيبه واقنعه اننى تعبه ومن باب اولى ان ياخده هو
ان رفض اطمعه بطلعه او مصروف زائد
المهم فى النهايه ياخده معه مره او اثنين بعد ذلك اعطى هذه المسؤليه لابنى اللى عمره 13 سنه هو يطلع مع اخوه الاصغر اللى عمره 12سنه على اساس عنده خبره وطلع كثير معى ومع اخوته الكبار
والمقصد ان يتعلم تحمل مسؤليه نفسه واخوه طبعا اول مره قعدت على اعصابى بس ما بينت والا ماراح يعتمد على نفسه ابدا
راحوا بلمواصلات العامه( مقصوده) يكلمونى اول ما يوصلوا وبعدها يطلعوا مع اصحابهم وسط البلد او يروحوا السينما او التزلج المهم اعطيهم موعد للرجوع
ويرجعوا بنفس الطريقه
لا اسمح لهم دائما لكن فى حد ود المعقول واولادى لا يحبون الخروج بكثره
اذهب معهم انا الى السينما او المسرح او النوادى الرياضيه ثم اتركهم يذهبون لوحدهم
متى احسست انهم عندهم استعداد 50 فى الميه لان الخمسين الباقى يتعلموها لوحدهم
المشكله الوحيده اللى ما قدرت اسيطر عليها هى مشاكستهم مع بعض مع انهم يحبون بعض لكن دائم ما يتخانقوا على ابسط شئ انت اخدت مكانى استعملت حاجتى او خناقه كل يوم على من يمسك الريموت
او ان الصغير ينضرب من اللى اكبر منه احيانا اتدخل واحيانا اعتبرها شى عادى يحصل نتيجه للاحتكاك اليومى
عندى بنت وحده مظلومه بينهم احاول الا اجعلها تشعر انها اقل منهم قيمه لانها بنت كل الفرص التى اتيحها لهم هى ايضا لها حق مصروفها مثلهم مع اعتبار السن
احيانا اراها قويه وتاخد حقها وانى مقويتها عليهم بس اقول حرام لو تعلموا يظلموها راح تنظلم على طول
الحمد لله هى جميله الشكل وكل ما يمدحها احد احسهم يغيرون منها ويبدئوا ف معايرتها ومشاكستها وهى تبكى وتستنجد
لكن فى النهايه الحب موجود بينهم لان الحب لا يوجد بلفطره وهذا رأى بل يعلم مند الصغر
التضحيه من اجل ان تحافظ على اخوك لابد ان تضحى لكى تظل امك تحبك وابوك راضى عنك لابد ان تضحى وليس من السهل المحافظه على الناس اللى تجبهم لابد ان ايثار النفس والتنازل شعارى الدائم الفرد من اجل الجميع والجميع من اجل الفرد
ايضا البيت كل ما يكون واسع يقل مشاركه الاهل مع بعض يعنى حتى لو عندك بيت كبير وعندك عدد من الاولاد حطى كل اتنين فى حجره
ايضا خصصى مكان حجره لمعيشه مثلا خليها المكان الوحيد اللى فيه التلفزيون لاتضعى التلفزيوون فى حجره الاولاد بس حجرتهم للنوم او الدراسه واللى يحب يتفرج يجلس مع الاسره كلها بهذه الطريقه تجتمع العائله وتحسى اللمه والحب مع شاى العصر والفواكه كان اولادى ياكلوها قليل الان احط فيها دائما سله فواكه املاها كل يومين اللى قاعد ويجوع ياكل شى مفيد والام تشاركهم الجمعه وياريت الاب لو فاضى بس ما يحط على قناه الجزيره ايطفشهم
خللى حجره المعيشه احسن مكان فى البيت انا وجدت هذه الطريقه ممتازه
خصصت اكبر حجره فى منزلى بنيت فيها مقاعد ثابثه جلسه عربى ثم وضعت على القواعد فرش نفس حجم فراش السرير فى العرض والطول حسب حجم الحجره بدل ما يكون عندى عشر تلفزيونات اشتريت واحد محترم كبير مسطح علقته على الجدار
مع نظام هوم سينما للصوت وفرش مريح للعين بسيط بلا تعقيدات او ستائر ثقيله قماش يسهل تنظيفه فى ركن وضعت فيه الكمبيوتر حتى يكون كل شى امام عينى التلفزيون الكمبيوتر زياده على الجمعه مع الاهل والاصحاب المقربين
لا تتخيلو ا مفعول هذه الحجره
اى حد تبحثى عنه فى البيت تلا قيه فيها وصارت اجتماعات الاسره وحتى الصديقات اصبحوا يفضلونها عن الصالون ولوتطلب الامر جاهزه للنوم لو اراد احد ان ينام لكنى لا اتركهم ينامون فيها مع انهم يحبون ذلك احب ان افصل
حاولت احمل لكم صور لحجره المعيشه يطلع لى رقم العضويه خطأ او كلمه المرور مع انهم الاتنين اكتبهم صح يللا المهم الفكره وصلت انشاء الله

الله يعطيهم الوقت الطيب ويهدى والدهم ويرجع لهم لان حرام ان نسبب الالم لاولادنا وهم قره اعيننا ونجرحهم وهم فى هذه السن الحرجه
دعواتكم لى الله يرجعه لبيته ويكفينا شر بنات الحرام يارب

بسم الله الرحمن الرحيم

شكرا لي الرد
اهم شي خليك دقيقة الملاحظه بس احيان يكون دور الام التبليغ للجهه الاعلى مثل الاب او الاخ الاكبر من الابناء في حالة انه هو الموجود حسب الخطاء.
ابي انصح بكتاب جميل جدا اسمه (( حاول ان تروظني )) قيمته 40ريال في جرير
ممتاز هذا الكتاب قراته مره واحده هو يحتاج الى اكثر من مره للاستفادة منه.
كانت عندي اخت متخرجه وجالسه في البيت قلت لها وشرايك تلخصي الكتاب
وبعدد صفحاته الكتاب اعطيك فلوس , قلت ابيها تستفيد بس بطريقه غير مباشره واستفيد انا كذلك , انا بسافر الاسبوع هذا انشاء الله اشوف ولدي وبنتي الى لها اسبوعين واذا رجعت انشاء الله راح اكتب لكم مجموعه من الاشياء المفيده .
المشاركات التي كتبة في الموظوع وخصوصا عدم توحيد المعامله لجميع الاولاد , كل واحد له عقليه تختلف عن الثاني كلام جدا ممتاز .
انا ابيك تلخصي الي كتبوه الاخوات لان كل كلامهن معقول مع ملاحظة اختلاف
العادات والتقاليد بس هذي بدون فلوس انتي صاحبة الفكره واحنا بنستفيد من كتابتك
انشاء الله .
1 / لاتستعجلي النتائج ولاتستسلمي امامهم .
2 / اجعلو خط واحد لي التربيه اتمنا ان يفهم كلامي صح يعني مو واحد يعاقب والثاني يطنش مثلا لايطلع الولد اليوم برى البيت الاب موفاضي يجلس عنده هناياتي دور الام اذا طلع تهدد انها تبلغ الاب وبعدين الاب يقرر نوع العقاب وانا افضل ((
اضرب مره وهدد عشره ))

3 / حددي الهدف مع الاب واسعوا للوصول له .
4 / الصلاة مع الاب مهمه يروح المسجد معاه ويرجع معاه .
5 / خليه يروح مع ابوه اي مكان يتعرف ويتعلم من الكبار الجيل الاول خريجي مدرسة الحياه .
6 / خليه يتعلم كيف يختار اصدقاءه . لاني لا استطيع ان اعرفه على كل من يناسبني .
7 / دخليه مسجد للتحفيظ يكون عند مدرس كويس خارج الحي .
يمكن انا اركز كثير على حكاية تكوين علاقات من خارج الحي لانه لو كانوا جيران
ماتقدروا تبعدوهم عن بعض يتقابلوا في المدرسه او في الشارع او حتى المسجد .
كان ابوي الله يعافيه شديد بس قلبه ابيض وانا اعرف اتعامل معاه الصلاه عنده اهم شي وبعدالصلاه يلتفت يدورني اذا صليت او لا واحيانا الله يتوب علي يسالني
صليت اقله ايوه هو من طيبته يسال مين صلى فينا انا كنت عارف اسئلته فكنت اسمع من المكرفونات الامام واذا سالني اقول فلان .
انا مع اخواني ماقلهم من صلى فينا اقلهم
انا وين صليت ؟ مين صلى جنبي ؟ في اي صف صليت ؟ اذا صار شي في المسجد بعد الصلاه اقول اش صار ؟ احيان اقوله شفت احد يشحد بعد الصلاه ؟
وكل يوم اجبله سؤال مختلف .
بالنسبة لاسئلتك :كل طفل له تصرف حسب عقليته :
1 /يكون الولد في هالعمر يحب يكون هو الرجل ماحد يقله وين رحت او مع مين مشيت يبدا يكون شخصية الاب .
اتمنا الام تساله باسلوب بسيط لان الام هي اكثر شي الابناء يتعودوا انهم يكلموها
وانها لاتزعل احياننا يقول لها مالك شغل لاكن الاب مايقدر وهاذا اهم شي واذا واجها هاذا التصرف تبلغ ابوه على طول وهو لايسكت عن الموظوع اشان اذا سالته مره ثانيه يعرف انه لازم يرد .
هنا دور الام انتها بمجرد خروجه من البيت وياتي دور الاب لازم يفرغ نفسه لمعرفة ابناءه اين يذهبون ويشوف هل كلامه صحيح ام لا .
الاخطاء لايسكت عنها خاصة اول مره ينبهه واذا تكرر يهدده واذا تكرر يعاقبه
احيانا العكس .
اذا كان الخطاء مع الاخرين .
شمي ملابسه وفتشيها لازم يعرف انه مراقب كل الان .
واذا عاقبتيه او عاقبه الاب بعد الظرب في بعض الاحيان لازم يعدل الخطاء الى عمله .
2 / بالنسبة لتغيره هو في مرحلة تكوين الشخصيه فالوالدين يساعدوه ولايتروكه ينعزل عن اخوانه لانه يحب الاستقلاليه في هذا السن لازم تكون الام قريبه منه وتنصحه وتتدعيله وكذالك الاب يكون صديقه يمزح معاه ويكلمه كرجل .
لاتتروكوه ينام اكثر من 8 ساعات خلال اليوم ولاتتركوه يسهر لوحده لاخر اليل
التلفونات والتلفزيون والكمبيوتر في الصاله او في مكان مافيه خصوصيه كمى قالت احدى الاخوات لان هذا مهم في المراقبه .
3 / هو الان في مرحله البلوغ لاتاحاولي انتي والاب اذا صحيتوه ان تقفوا عند
راسه يمكن بسبب وجودكم مايقوم من الفراش لين تخرجوا من الغرفه لانه
احيانا يكون محتلم او يكون في حالة نشوه جنسيه فيستحي منكم .
ممكن يكون عنيد فلاتحاولوا ان تعاندوه التصحيح يكون بالا قتراح واقحامه بالمسؤليه لانه يفضل انه يكون مثل السائق ودي وبس لا خلوه ينزل معكم في السوق
يختار الى يتمناه وهي تعتبر جائزه تشجيعيه ومن اجل ان يختار الشي المناسب
اختاروا انتم له عدة اشياء واتركوه يختار منها وبكذا تعطوه حرية الاختيار بس
في اشياء صحيحه عكس بعض الاباء يقول لولده اختار اي شي وبعدين يقله
هذي غاليه او هذي ماتصلح , ممكن تخليه يشار ك في الاختيار لااخوانه الي في البيت مثلا تقولي له اخوك او اختك ماذا تحب ماذا ناخذ لها واذا اختار تقولوا للشخص فلان نقاها والمره الجايه انتم تختارو له هديه .
ولي تعقيب اخر على البنات
في الرد القادم والشكر لكم على هذا الموظوع .

الله يجزااك الف الف خير ياخوي والله انك فتحت عيوني لشي كثير كنت غافلة عنة

وماعمري دققت فية او انتبهت له ,,

اخي الفاضل اتمني لك تشوف عيالك وتفرح بهم ,,ولاتنسيك شوفتهم نصيحتنا فنحن في احوج شي لنصيحة صادقة مي زماااااااان ندرة فية