لكل ام عاني ولدها من المغص تدخل تقولي وش اعطته الله يخلي لها ماعطاها؟!!!

حبيبتي عمر ولدك بالشهور شي طبيعي يجيهم المغص لكن بأقول لك من المعلومات اللي عندي وان شاء الله تنفعك..
اولا انتبهي لتغذيتك انتي اذا كنتي ترضعيه طبيعي لان نوعية اكلك تأثر على الحليب الطبيعي اللي من صدرك..
ثانيا انتبهي لمسكتك للرضاعه لا تخلينها مايله حاولي تمسكيها بإرتفاع بسيط عشان مايرضع هواء ..فهمتي علي فهالنقطه؟؟
فيه علاج للغازات مره ممتاز انا استخدمته لعيالي خاص للغازات عند الاطفال اسمه(دونتانكس)اسألي عنه في الصيدليه وصيري حطي منه كميات متوازنه برضعاته وإن شاء الله ماقدامه إلا العافيه..
والله يحفظه ويخليه لك..:26:

الله يعينك واذا كنتي ترضعي طبيعي لاحظي غذائك

واذا صناعي انصحك برضاعة افلت تحصلينها بسنتر بوينت مره ممتازه للمنع الغازات

ولمعلومتك الكمون حار على الطفل كثرته خليك على اليانسون مجرد تغسلينه وتنقعينه بمويه مغليه قبل وخليها تبرد وعطيه

وابعدي عن سكر النبات والمريسه لانها تسبب المغص للطفل

وعطيه موية غريب وسويله رياضه امسكي رجليه واضغطيها شوي شوي على بطنه وراح تسمعين الغازات تطلع

ولاتنسين زيت الزيتون الدافي دهني جسم ولدك فيه قبل النوم

ولاتخافي كلنا نعاني

أنا أستخدمت الآتي لعلاج المغص الشديد اللي كان عندي ولدي من يوم ولدته :
1- دواء المغص دونتانكس
2- ماء غريب
3- مغلي الكمون و اليانسون
4- و ما كنت أكل أي بهارات او فلفل او اي شي حار بنفاستي عشان ما يزيد المغص عليه
5- التجشأ بعد كل رضعه
6- ماء + سكر نبات
7- أقلبه على بطنه ليرتاح قليلا
و للأمانه ما فاد أي شي من العلاجات اللي أستخدمتها
مو كل طفل مثل الثاني
و أختي لا تنسي الدعاء ثم الدعاء أن ربي يعافي على ولدك و يرزقك الصبر