لكل ام لو اكتشفتي ان.....،😔

شوفي أكيد البنّت ما لجأت في هالطريق دون سبب
أكيد حست بالبعد وعدم احتواء البنت هو السبب


أرد وأكرر وأعيد تبي تفاهمي معاه تفاهمي كأنك صديقتها تقربي منها


قولي لها انها هالشي خطا وفيه وفيه


اذا مانفع معاها الكلام الطيب ذيك الساعة لكل حادث حديث

خذي الجوال منها

مايخصه لا احتواء ولا حنان كله خرط
المؤدبه لو محد عاطنها قطره حنان ماتلجأ لكذا
حرام عليكم يا أمهات عاطين بناتكم.واولادكم جوالات ونت مفتوح وتقولون عيالنا انحرفوا
اللووووووم كل اللووووووم عليكم انتو
هذيله ف سن اكتشاف وجنون المشاعر وتخبطها وانتم تعطونهم حريتهم
الله المستعان بس
عيزنا ونحن نقول غلط فونات ونت ف يد أطفال ومراهقين، شو ينقص منهم إذا حرمناهم
ومحد يتفلسف ويقول كلي ثقه ف عيالي، الموضوع فضووووولهم وإشباع فضوووولهم
الله يهدينا ويهديكم

مراهقه بهالعمر ومعاها جوال؟؟؟ ايش تنتظري منها؟!!
الجوال مهما سويتي تجيك البلاوي فيه لقدام عينك وهي اكيد تحب تستكشف وتبحث وتشوف
لاتسلمو الاطفال والمراهقين جوالات وتعطوهم الضوء الاخضر وبعدها تقولو غلطو نبغى حلول


بنتك غلطت وهي الان بسن مراهقه اسحبي منها الجوال ولاتعطيها نهائي ايش حاجتها لجوال؟؟؟؟؟ وتعرفي على صديقاتها وشوفي اخلاهم وسلوكهم
واشغليها بشي مفيد بعد الدراسه اما تحفيظ او نادي صحي
وذكريها كل شوي وانصحيها ولاتنسي الدعاء لها في كل وقت لحالك وقدامها وهي تسمعك انك تدعي لها
الله يهديها ويبعد عنها الشر والسوء

ياقلبي الله يهديها ويصلحها ويصلح حالها وحالنا يارب


انتي تعرفين فترة المراهقه كلنا مرينا فيها انتي حاولي تحتويها وانصحيها وذكريها بالله وشيلي الجوال منها
اذا تقدري بس لاتشدي معها وتضربينها ترا الضرب ماينفع
ابد ابد ولاهو حل هي فتره صدقيني وبتعقل ولا اشغليها
بتحفيظ قران وخليها تحافظ على فروضها اول باول
ترا الصلاه تنهى عن الفحشاء والمنكر وانتي ادعي دايم
بصلواتك ان ربي يهدي اولادك ويصلحهم ويطرح فيهم
البركه وتحري اوقات الاجابه عند الاذان والاقامه ووقت
الجمعه بإذن الله انها راح تعقل وتترك الخرابيط كلها
بس انتي خليك القدوه الصالحه لها حافظي على صلاتك
ولاتسمعي اغاني وان شاءالله ربي بيهديها ويصلح قلبها


الله يخليها لك وتشوفيها احسن البنات واعقلهم بكل شي
يارب