لكل ام ولدها يرجع بعد الرضعه بكثره تفيدني اذا لقيت حل يخفف هالمشكله

حبيبتي الأستفراغ بهالعمر طبيعي جدا
ومافيه منه اي خوف
دام وزن الطفل يزيد زياده طبيعيه
وبعد الرضعه لازم تكرعينها
علشان تخف الغازات
هذامن خبرتي بثلاث اطفال

هلا بسكوت فارليز

تسلمين على مرورك حبيبتي
بس انا بنتي الكبيره ماكانت مثلها ترجع ترجيع طبيعي يعني مريله البسها ولا احط مناديل تحت خدها وهي منسدحه وخلاص
هذه لاااا
الترجيع اللي اقصده مش اللي يجي بكميات قليله لااااااا كميات كبيره يعني حتى شعرها من ورى يتبلل بالاستفراغ ويدخل على اذنها والمفرش تحت راسها
وانا اكرعها بعد كل رضعه وبعد كل تكريعه استفرااااغ يعني حاله مجننتني والله

ولـــدي كــذا ويقول الدكتور اتســاع بفتحة المعده وكل ماكبـر تسكر بس اهم شي ان الوزن يزيد ....

ربي يخليها لك ويرزقك برها وصلاحها
ممكن تجربين تحطينها بكرسي الاطفال او اي شي يكون ظهره شوي مرتفع ماراح يقطع الترجيع بس يمكن بس يخففه شوي واسهلك بالتنظيف

طبعا ماتطول بالكرسي بس نص ساعه بالكثير بعد الرضعه لان موكويس للطفل وهو صغير انه يطول فيه

بنتي كانت كذا وجننتني كل مارضها احطها في السرير القاها رجعت كل اللي شربته
والصناعي كان يخليها ترجع بزياده فكنت احاول ارضعها من صدري قد ماقدر
على فكره عرضتها على دكتور وقاللي طبيعي راح يخف كل ماكبرت
واستخدمت لها حليب الترجيع ودهنت بطنها وجربت كل شي كنت اسمعه بدون فايده
لماصار عمرها حول ٧شهور بدا يخف الترجيع لين انقطع الحمدلله