لكل بنت مو متزوجة وفاقدة الامل مثلي..

كيفكم يابنات عساكم طيبات .. الله يعود علينا هالايام بكل صحة وسلامة ..


ومن البداية اعذروني على الاطالة بس طولو بالكم معاي ..

انا اليوم جايه اهدي كل بنت مو متزوجة وفاقدة الامل ووصلت لمرحلة اليأس كلمة ولانها من قلبي اتمنى تدخل كل قلب صادق .. وهالكلام انا قلته لنفسي ورددته بداخلي الف مرة قبل مااجي اكتبه هنا..




شوفو يابنات انا كنت زي اي بنت تقدم العمر فيها ووصلت الى اواخر العشرينات وما تزوجت وخافت القطار يطوف وهي تظل واقفه مكانها تتنتظر على المحطة.. مرت الايام وبصراحة اعترف لكم كنت يائسة يأس مو طبيعي لدرجة اني حسيت بالفشل ، كرهت نفسي ، شعور بالنقص ، كآبة ، خوف من المجهول والمستقبل ، حسيت اني اكيد مو حلوة او اكيد حد يتكلم علي كلام مو كويس .. تمر ايام ابكي بألم ومااقدر اخذ النفس احس الم بصدري .. وكل اللي حولي يدعون لي ومن كثر ما كنت فاقدة الامل حتى اذا حد قالي يلا عقبالك ماارد عليه اقول ان شاء الله اسكت .. وامي اذا رفعت ايدها ودعت لي اقول بسري من جدها امي والله اني ماراح اتزوج بيوم خلاص عدى العمر ..

كل هذا وانا اعرف وواثقه انه الحمد لله مو ناقصني شيء ويتقدمون لي كثير وشكلي مستحيل حد يعطيني عمري بس كان الشيطان مسيطر على تفكيري .. ومحد كان يعرف هالجانب الضعيف فيني الكل كان يعرفني قوية وعاقلة وثقيلة بس داخلي كان يتقطع ابي اكون ام ابي افرح زي كل بنت .. من اشوف امي تقول نبي بيبي بالبيت اموت لكن كنت كاتمة هالشيء وساكتة.

وحاولت كثير اتقرب من ربي واصحح اخطائي وادعيه يوفقني وجميع البنات بس في جانب بداخلي فاقد الامل نهائي ..



لحد ما سمعت محاضرة دينية سمعت كلام احنا نعرفه زين وتربينا عليه بس ليش تناسيناه ماادري ..

الـمهــم

تعرفو يابنات انه اليقين بقدره الله ومشيته هو اقوى الايمان .. معقوله انا فقدت الامل وكان ايماني ضعيف لهدرجة يأست من رحمة ربي .. والله يابنات كنت اقول للكل خلاص ماابي اتزوج وبختار لي حياة ثانية وكنت اعتبر هالشيء قوة بس هالكلام قمة الضعف لاني اكابر واغالط نفسي بالعكس كان المفروض اقول ان شاء الله ربي بيعطيني على قد نيتي وراح الاقي اللي يحبني ويخاف علي اذا هالشيء صلاح لي وان ماكتب خير ربي راح يعوضني بالآخرة وكله اجر واحتساب يعني ربي راح يغفل عن عبده اكيد لا..

وكمان انا كنت برتكب اكبر معصية وهو القنوط من رحمة الله

قوله تعالى في سورة يوسف‏:‏

‏{‏إِنَّهُ لاَ يَيْأَسُ مِن رَّوْحِ اللَّهِ إِلاَّ الْقَوْمُ الْكَافِرُونَ‏}‏ ‏

اللي يقنط من رحمة الله يصل لمرحلة الكفر والضلال

قال‏ تعالى :‏

‏{‏وَمَن يَقْنَطُ مِن رَّحْمَةِ رَبِّهِ إِلاَّ الضَّآلُّونَ‏}‏ ‏



وكمان في حاجة الحين حنا ليش ما نتعظ من قصص انبياءنا كم نبي من انبياءنا ربي ما اعطاهم الاولاد الا بسن متأخر وامتحنهم وصبروا ..هذا وهم صفوة الخلق واحنا من علشان نيأس من رحمة الله ..


ولما رددت هالكلام بداخلي والله اني ارتحت وابتسمت ويومها امي ذكرتني بخاطب انا رفضته قبل شهر ناظرتها وانا ابتسم وقلت لها ربي بيعطيني احسن منه ..

واحنا يابنات لازم نصلح من انفسنا ..

لا نترك القرآن وقريت من قبل انه لقضاء الحوائج وتيسير الامور والزواج نقرأ سورة الاحزاب ، مريم ، البقرة ، طه

الصدقه وماادراك ماالصدقه كل وحده تحط علبه بغرفتها وكل كم يوم تحط اي شيء فيها ولما تتملأ تتصدق فيها

التسبيح والاستغفار والشكر لله والصلاة على النبي

الدعاء وتخير اوقات الاستجابة

وقبل كل هذا الايمان واليقين بمشئة الله وترى محد راح ياخذ حق الثاني كل شيء مكتوب ومسخر وماراح يضيع حق اي وحده فينا والتفاؤل وعسى ان تكرهو شيء وهو خير لكم ..

لا نخلي الزواج هو شماعة السعادة وكأنه محور كل حياتنا خلونا نهتم بأنفسنا .. اهلنا نطلع نروح نجي ندرس نتعلم نعمل وراح يصير للحياة طعم ثاني وبإذن الله راح تتيسر كل الامور..

واعرف انه مهما كانت كل وحده منا قوية لازم بتمر بلحظة ضعف خاصة انا نمر بتغيير الهرمونات لكن ان شاء الله راح تكون فترة وقتية وراح نرفع راسنا من جديد..

سامحوني على الاطالة بس هالكلام بداخلي حبيت اكتبه وتقراه كل بنت حالها مثل حالي

وياربي يوفقنا جميعا ويرزقنا الازواج الصالحين عاجل غير آجل