لكل حامل لاتفوتين الولاده الفرنسيه عليك.. سهله مررررره..

اتوقع اسهل عشان الجاذبيه وعسى الله يسهل علينا بس

انا بعد اول مره اسمع فيها
وفعلا ياليت اللي جربوها يفيدونا
بس مستحيل انهم طبقوها في المستشفيات الحكوميه ماتوقع ابد
تحياتي

انتي قلتيها بلسانك

ولاده فرنسيه

يعني ماتصلح لنا

ربعنا هنا على سرير وعسانا نسلم

باتسر يقولون ولدك طقت دميجته بالأرض خطأطبي الولاده الفرنسيه جديده والسسترات مايدرون

امونه القصيم ههههههه ضحكتيني:hahaha:


وش دعوه ماتصلح لنا:16:

الحين انا قاعدين نطبق الطريقه الفرنسيه في:35: ......... وفي اشياء كثيره:06:

ابشرك ان البنت اللي اعرفها ولدت في مستشفى العسكري لكن انا قلت اسـالكم بالأول


بس الممرضات ساكتات ماهمهم لأن الولاده الفرنسيه متعبه لهم( لازم وحده تحت رجولك لما يطلع البيبي تمسكه ووحده تهمز ظهرك

لكن هي عارفه هالولاده قالت ابي ولاده فرنسيه قالوا لها: اجل قومي يامدام من السرير واجلسي

وخذي تهميز ولما خلاص بيطلع البيبي جت الممرضه ومسكت الطفل وهو نازل علشان لاتطق دميجته بالأرض على قولتس

بس انا اخاف ان طبقوا هالولاده ان البزران بيدابجون بالأرض وياخوفي انه يصير كذا

هههههههههههههه والله يختي هنا كل شي يخوف

أجل اجيب اختي معي تمسك معهم اللي بيطلع؟

ماصارت ولاده

ماش مانتوهق خلينا على طريقتنا الأوله

والأولين اصلا الولد واصل من كثر الشغل والتعب

والحين عيالنا لاصقين بالبلاعيم من القعده والتسدح