السلام عليكم ورحمة الله وبركاته
أنا ماني حااااااااامل الحمدلله :)
لكن عندي وحده بالشهر التاسع وماتعرف احد غيري
والله اني شايله همها والمشكله بكر ماتعرف شي:(
الحين اجمعلها أدويه ودي أسأل مين تعرف وين القى الرمان
لأني ماحصلته في الول مارت
مشكورين:22:

الله يسهل لك...

باقي تقريباً أسبوعين على ولادتي الله ييسرها علي وعلى كل حامل
ماشاء الله عليك يالورده الحمراء الله يشدك بالعافيه وياسعدك بالأجر بس وش تقصدين قشور الرمان؟؟ وأنتي وين مغتربه؟؟؟
أختي كلينك قيرل التجهيزات هي أغراض النفاس من لهومات بصراحه ماأعرفها لأن أمي مسويتها لي لما نزلت زياره لهم بس ها لأيام طحنت الفلفل الأسود والماش وسويت الغسول (الخوا جوا) وخلطت شاهي النفاس وسويت عجينة المطازيز ومثلتها وفرزلته بالفريزر وبس والله يسهل علي وعليكم...

هلا فيك أختي الاماكن كلها
قشر الرمان نغليه ونحط معاه مره وشوية ملح يعتبر غسول
هذا يساعد الخياطه تلتئم بسرعه
أناابي الرمان نفسه لاني احب اجفف قشره بنفسي
أنا في أمريكا ميزوري
فورت ليونارد وود

ربي يسهل عليكم كلكم ويهون الي باقيلكم من الحمل

الاماكن كلها
ممكن اطلب طلب ماله داعي بالموضوع
ممكن طريقه المطازيز الي بالفريزر؟؟؟؟
انا عندي المطازيز الناشف عجينه ناشفه وجايه اقراص بس ماعرفت كيف اسوي المطازيز فيها

عندي اقتراح .. انا لما اجيب اللحم والدجاج اغسله وابهره وادخله الفريزر يكون جاهز للطبخ يعني حتى لو كنت مستعجله ممكن اسويه وهو جامد ما استناه يذوب ولا اخاف من الزفر او انه يكون مو نظيف لاني غاسلته قبل
الصراحه هالطريقه مو دايما اسويها بس احااااول قد ما اقدر اطبقها لانها تسسسسسسسسهل عمليه الطبخ كل شي يصير نظيف وجاهز للاستخدام
واذا متعوده على خلطه للشوي او للتتبيله ممكن تسوي منها وتحطيها بالثلاجه وزوجك بعد ماتولدين ماعليه الا يطلع الدجاج ويتبله ويرميه بالفرن ويسوي معاه رز ابيض او فيه مكرونه ليبتون خطييييييييره ومره سهله
بس تحطي مويه وبعض الانواع مويه وحليب و8 دقايق تقريبا تصير جاهزه طبعا هذي لزوجك وعيالك انتي نفاس ابعدي عن النشويات

ونفس طريقه تتبيله الدجاج اسويها بالسمك اتبله واحطه بالفريزر ومتى ما احتجته طلعته حطيت عليه خضار وارميه بالفرن ممكن بالقصدير او بكيس الشوي .. واسوي معاه رز ابيض

والي اعرفه شوربه الدجاج/اللحم مره مفيده للوالده .. واذا كان الدجاج نظيف ماتحتاجين الا تحطين المويه بالغلايه وتضيفينهم على بعض
انا اشتري الشاش الخاص بالطبخ واقصقصه مربعات احط في كل قطعه بهارات السلق .. سواء للحم ولا الدجاج ويصير عندي جاهز وحتى التنظيف سهل بس ارمي الشاش بالزباله الله يكرمك والقدر يروح للدش واشر

وفيه عصيده التمر والحنيني وهالاشياء برضوا كويسه للنفاس مع رشاد او مع لهوماتك .. برضوا تسوينها وتجمدينها بعلب بلاستك كل علبه تكفيك يوم ولا اثنين .. وتطلعينها بالليل تحطينها بالثلاجه وقبل الاكل تحمين منها بالمكرويف

كلامي مافيه جديد بس حبيت اذكركم فيه .. لان امس كنا متقضين وطول اليوم وانا بالمطبخ انظف الدجاج واللحم وسويت التتبيله فتذكرتكم