بالجامعة البنات مررره وضعهم رديء وإذا سمعوا طاري الزواج تنط عيونهم على برى ويتحسرون على عزوبيتهم اللي طال مداها بالرغم ان عمر الوحده فيهم ماتعدى 23
ياعازبااااااات وش سر موتكم عالزواج والعرس !!
أنا بشرح لكم الزواج
أولاً : نظرية يبدأ الزواج بالهموم منذ اللحظة الأولى
وهذي النظرية يندرج تحتها الكثير من المفاهيم المهمة أبرزها قبل لاتنخطبين وانتي تفكرين وتقلقين وإذا حصل وانخطبتي تفكرين توافقين ولا ترفضين وإذا وافقتي تبدين تخططين لعرسك لخطوبتك ملكتك شقتك و يعني هواجيس وغثى من أولها
النظرية الثانية : الخطوبة حلوة وياليتها ماتنتهي
هالنظرية مهمة
إذا تمم ربي وتملكتي تبدين أولا خجولة وخايفة لكن أنا أعطيك 12 ساعة وبعدها انتي فاصخة للحياء من اللهفه ويييي لو تدري يالعريس بغيت أموت على مالقيتك
المهم وياخذ رقمك ويدق على جوالك وتسولفون سالفة بايخه بعدين يبدأ يصير رومنسي ويدق الليل ويسأل تعشيتي نمتي و و وناسسه
بعدها يتدرج ممكن أزوركم ويزوركم ويجيب العشى والهدية والورد وتكرر الزيارات وكل زياره بهدية وكل زيارة تتمادون أكثر
أول شي انتي بكنب وهو بكنب خلال 3 أيام انتو في أصغر كنب بمجلسكم متفاعصيين
المهم ولازم ماتصير خناقه عاد خلال هالزيارت وأبشركم هذا أول الغيث يكوون قطرة
يظنون كل الزواج عسل ووناسة وانه بيستمر على هالمنوال
النظرية الثالثة : لقد انعميت على عيني وتزوجت
صار عرسكم
وطبعا كحال كل سعودي وسعودية حاجزين لماليزيا
لازم تتخانقون اذا مو في طريق المطار في الانتظار واذا مو في الانتظار في الطيارة
واذا مو في الطيارة في الفندق أهم شي تتخانقون
والصلح عاد أحلى شي
المهم هنا تكون البنت تخطت شوط كبير وينتظرها شوط تعيس
المهم في السفر هذا بتصير أشياء تقودنا للنظرية الرابعة
النظرية الرابعه : كل منا اكتشف الآخر
هنا عاد نقطة الحسم
يا تتطلقون لا سمح الله
ياتصبرين وتنطمين وتواصلين الحياة
لأن مافي انسان بدون عيوب وبتكتشفون بعض هنا
المهم في بنات يمكن ينصدمون
وتتزوج واحد لاسمح الله مدمن أو مريض أو سيء الخلق
وتندم على الزواج من هالمرحلة المبكرة وزي ماقلت ياتنفصل ولا تكمل
وبنات تكتشف عيوب زوجها انه حنان زنان يحب الطعام سخيف متذمر متطلب كثير النوم أو كثير السهر يدقق
ثقيل دم .كريه.مغازلجي,غبي.فيلسوف.يتميلح,ممل,وغيرها من العيوب
والله يعين كل وحده فيكم
النظرية الخامسة : وتستمر المناورات
خناقات تالي الليل
ودني لأهلي
النوم بغرف منفصله
السفهان والحقران
اعطاء كل منكما ظهره للآخر وغيرها
النظرية السادسة : لقد فعلناها بنجاح وها نحن ننتظر مقروداً أقصد مولوداً
هنا عاد ان كثرت كثرت تقعد الفتاه السعودية 3 أشهر بلا حمل من غبائها وبعدها تشتغل الغيرة
وش معنى فلانه حملت وأنا لا
أو هو يبدأ يحن
يلا نبي بزر يملى الحياه
وهو لا والله بعد غيران من غيره وخايف من كلام أهله وزملائه
وهنا عاد يبتدي أكبر هم
النظرية السابعة : مولودي العزيز لقد دمرتني
نفس البنت بخشمها
تتوحم تسهر تتقرف تتخانق كله هم و غم و مشاكل
استغفرالله بس
ويبدى عاد نكد منفرد من نوعه
خناقات على اتفه شي
ريحة عطرك
أشم فيك ريحة
كارهتك بالعربي وغيرهااا
وماخفي أعظم
وبعد يندرج تحت هالنظرية الخوف من المسؤولية القادمة والولادة وتفكير ويمكن بكاء من غير سبب
النظرية الثامنة : انهيااار تااام
ولدتي يابنت مبررروووك
وابتدى مشورا الصياح المرض السهر التفكير تحمل الهم والغم والصبر والتضحية و و و
الله يعين الأمهات
والله يأجر امهاتنا اللي مروا بهذا كله وصبروا
مصاريف ومشتريات وتفكير وقلق وتعب وتضحيات
والله تبدين تحسين الحياة صعبة
وقتها
بتكتشف البنت ان العزوبية أحلى وأزين
ويمكن تقص على نفسها وتتحمل وتقول سنة الحياه وتصبر
وبتقول صدقوا صديقاتي يوم قالو الزواج هم وغم
تنويه: مهم
كلامي هذا لايعني بأن البنات لا يتزوجون
لا بالعكس تزوجوا أساساً كان أموت لو ماتجربون اللي جربناه وتندقون على روسكم من الحنه عالعرس
لكن ليس قبل
ان تتمتعي وتفليها وتسهري وتطلعي وتخرجي وتفرعي وتسوين كل مايخطر على بالك
وأهم شي تنااااميييين زي ماتبين
وتشوفين كل الأفلام قبل النكد
يعني من جد خل نحسبها صح
تتحملين مسؤوليات و تتنكدين و تهممين و تطفشين وتتعبين وتتألمين وتحملين وتولدين وانتي لازم بعد في عز ألمك تبتسمين وتضحكين وتكشخين وتتمكيجين وتلبسين ولازم تزورين أهله وتحترمين أمه وتقدسين أخته
وياويلك هذول أهلي و و و
والرجل هناااا مجرد متفرج ومستمتع
و اذا حرك اصبع بيقول اهلي و اهلي
هالبلاوي بغض النظر عن اذا طلع لك محشش او راعي شرب او سفرات او خاين او عصبي او مريض نفسي او مهبول او او او
ما يستفاد من الموضوع
أولا كتب هالموضوع خصيصاً بمناسبة قدوم موسم الأعراس والبنات ينقهرون لو ماانخطبو
ويبذلون كل الجهود في سبيل الخطبه
فهذا الموضوع إليكي أنتي يامن تنامين وتقومين على حلم بايخ اسمه الآرتباط
أختاه تـــريـــثي
( من ايميلي الموقر )
رشيقة45 @rshyk45
عضوة فعالة
يلزم عليك تسجيل الدخول أولًا لكتابة تعليق.
أهم شي ان الوحدة تدعو الله بالزوج الصالح اللي يتحمل المسؤولية ويخاف الله فيها مو بس تبغى العرس وبس
الله يرزق الجميع
الله يرزق الجميع
23 صدقيني اذا تعدت هالعمر محد يبيهااا
وهذا سبب خووف البنات الكل يبي صغيرة
خاصة هالحريم يبون الصغار
حلو البنت تتزوج عمرها 25 ولا 26 لكن المجتمع مايبيهم بنظره كبيره وحيل بعد عانس
وهذا سبب خووف البنات الكل يبي صغيرة
خاصة هالحريم يبون الصغار
حلو البنت تتزوج عمرها 25 ولا 26 لكن المجتمع مايبيهم بنظره كبيره وحيل بعد عانس
ضبياا
•
الحمدلله رب العالمين الله يرزقنا بالزوج الصالح وهذا ما نطمح له
بالنسبه لي رفضت كثييييييييييير من هالنوعيه لأني ما ابي الزواج نفسه
انا ابي انسان صالح ملتزم هادي وابي مولود لي بس
لو ابي كان دبست حالي من اول واحد طق الباب
بس ربنا كريم يا اختي
تسلمي على نصااايحك الحلوه
بالنسبه لي رفضت كثييييييييييير من هالنوعيه لأني ما ابي الزواج نفسه
انا ابي انسان صالح ملتزم هادي وابي مولود لي بس
لو ابي كان دبست حالي من اول واحد طق الباب
بس ربنا كريم يا اختي
تسلمي على نصااايحك الحلوه
الصفحة الأخيرة
ربي يرزق اختي وفراوله بالعسل الزوج الصالح وجميع بنات حواء اللهم امين
دعوتكم لي
اللهم ارزقني ولدا تقيا ذكيا ليس في خلقة زيادة اونقصان عاجلا غير اجل اللهم امين اللهم استجب اللهم استجب اللهم استجب
وجميع المسلمين
وصل اللهم على محمد وال محمد
ربي مانزلت بي من خير فقير