كل الردود اعجبتني بدون استثناء

وودي اعلق على كلام كل وحده فيكم

بس ماشاءالله الردود كثيره وارتحت لما لقيتكم نفس حالتي


دقيقه بعلق على ردود بعض الاخوات

والله انتي مثلي انا بوزد جاني اكتئاب من هالرجل الي عايشه معه يا كرهي له يا بناااات اكررررررررررررررررهه ودي اقوم والقاه طس عن حياتي واعيش انا وبناتي مبسوطين انا مقتدره ماديا اني افتح بيت بس هالعله قاعد على حضي يوم قلت طلقني قال هاتي بناتي لعانه منه ومن المهم ان صحيت يوم وصلت خمس وثلاثين لا وازيدك انا ما اروح الا لامي وخالتي وخواته عاد من اوناسه بس وش الي خلاني اصحى ؟؟؟؟؟شفت صديقتي ايام الكليه وهي اكبر مني ومن زمان عنها الا هي مشا ء الله تقولين اصغر مني بعشر سنين وانا حتى لبس ما اعرف البس تقولين عجوز متوقف ذوقي على ايام الكليه قبل عشر سنين واصحى عاد قرر اشترك بمركز سلمان واني اكون لي صداقات وعلاقات بدل الحبس بالبيت عند هالمفتر ي وسلامتك

بسم الله

فراولة الريف ــــــــــــــــــــــ

انا دايم اغير بشكلي ولبسي

وبيتي كل اسبوع تلقيني مشقلبه العفش فووق تحت لاني احب الديكور والتجديد


جاراتي كل وحده لاهيه بنفسها ووضيفتها واهلها وعيالها

عندي جاره وحده قريبه مني بس برضو مشغوله بدوامها واولادها

وعلى فكره انا دخلت التحفيض السنه اللي فاتت مدة شهرين بس مالقيت لي اصحاب مدري ليه احس كل كم بنت اصحاب ومكتفيين

مالقيت لي غير وحده عجوز اتونس معاها عمرها امكن 60 سنه




سكر وسط ملح ــــــــــــــــــــــــــــــ ماشاءالله عليك

عيني عليك بارده واهنيك على قوة ارادتك الله يسهل امورك وتكملين وتنجحين بتفوق يارب ....... لاتنسي تبشرينا




مالي مثيل ــــــــــــــــــــــــــــــــــــــــ

انا مو احسن منك ولاشي اليوم لسا رحت النادي مررررررررره اعجبني وشرح بس لقيت المسئوله لسا مابدى دوامها

وماسجلت لاني متردده وخايفه مدري ليش بس افكر اني بخرج من البيت اخااااااااااااااف

ويبيلي فلوس كثيره للنادي وللحظانه حق بنتي وللتمهيدي وللمواصلات<<< اللهم اكفنا بحلالك عن حرامك واغننا بفضلك عن من سواك




العيون العسليه ـــــــــــــــــــــــــــ حسيتك تشبهيني كثييييييييير وفعلا الموضوع شاغل بالي مثلك ومانمت بس افكر

اقري ردود البنات بعضها تحمس والبعض عندها افكار



انثى ماتنسى ــــــــــــــــــــــــــــــــــــــ من احلا الردود اللي قرأت ماشاءالله عليك

صادقه والله والقناعه كنز لايفنى

والنسان مايملي عينه غير التراب

احس ودي اقرء ردك كل مايجيني احبااط شكلي بطبعه وبعلقه عالثلاجه <<للتحفيز

اسعد الله ايامك



اميرة الشعراء ـــــــــــــــــــــــــ ليش نظنك معقده ؟؟؟؟ بالعكس يااميره ردك اعجبني جدا

ولفتي نظري لاشياء كنت غافله عنها وهي في نظر الناس انجاز كبير في الحياه وانا بنظري مااعتبرها شي

انا احس ان كل وحده ممكن تتزوج وتخلف وتربي ويكبرون عيالها

وزين الوحده تجدد بحياتها ويكون عندها طموح

بس مو اي وحده تعرف تستغل حياتها صح<< اش رايك


عموما احنا اخوات وانا ماكتبت الموضوع عشان ابغى كل البنات ينوحون ويوافقوني ..... لا.... ابي ردود مختلفه عشان نستفيد

واختلاف الرأي لايفسد للود قضيه




كلي تفاؤل ـــــــــــــــــــــــــــــــــ ردك رااااااااااااائـــــــــــــع ..........(الانسان جحود كفور ) << هذي جتني في الصميم والله قويييييه

الحمدالله احنا عايشين في نعمه وانا مااشتكي من هالشي واقول عكسه

بس مافيها شي لو الوحده حاولت تسوي الاشياء اللي بنفسها واللي تحلم فيها


يعني ممكن وحده تكون حابه تتفقه في الدين وتحفظ القران بس مو قادره السنين تمر عليها وهي كل يوم تقول بكره !!!!!





مجنونة زوجي ـــــــــــــــــــــــــــــحالتك نفس حالتي من يوم عرست قبل لااجيب عيال وزوجي يقول اصبري لما يتحسن وضعي وروحي وين ماتبغين

وخلفت عيالي وهو لسا يقول كذا .........الله المستعان........ اعذريه .. الدنيا صعبه




احزان نجد ــــــــــــــــــــــــــــــــ ان شاءالله تتصالحين مع صديقتك............اذا هي صديقه مخلصه ووفيه لاتتنازلين عنها صعب بهالوقت نلقى صديقات بهالنوع

وحياك الله صديقه لي





ـــــــــــــــــــــــــــــــــــــــــــــــــــــــــــــــــــــــــــــــ

باقي اللي ردو علي لاهنتو والله واسعدني رد كل وحده فيكن بس والله تعبت اعلق على كل رد .........مو والفه اطرح مواضيع



انتظر ردودكن وتفاعلكن

بنت ادم وحواء ــــــــــــــــــــ كيف يزعلني ردك؟؟؟؟؟؟؟؟ الا والله اسعدني جدا وفرحت فيه ولاني مارديت عليك حبيت ارد الحين خفت تشكين اني زعلانه


حسيت من كلامك كأنك اختي <<هي عضوه بالمنتدى ........ لاني لما حكيتها باللي في نفسي جاوبتني رد مشابه لردك

حياك الله دايما وابدا بالموضوع ونورينا بكلامك العسل



اليس في بلاد العجائب ــــــــــــــــــ يالغاليه حاولي تكسبينه ولاتقولين اكرهه ...( وعسى ان تكرهو شيئا وهو خير لكم)


وغير كذا اذا عندك القدره والماده حاولي ترفهين عن نفسي وحي نادي شوفي كيف التشجيع والبنات الدلع :) وحاولي تجددين شكلك

وان بتسوين لك بيت والله بتسوين خيييييييييير بنفسك

الله يكون بعونك

جزاك الله اختي ندى الصادقه على تقبلك لكلامي وياعمري ترا الحال من بعضه انا مخلصه كليه من سبع سنوات وقاعده لاشغله ولا عمله لكن وجهة نظري مثل ما كتبت لك ...القى نفسي في بيتي ومع اولادي ..مع انع ما يمنع ان تجيني ايام ازهق لكن هذه طبيعة الانسان واعتقد لو كنت موظفه راح ازهق اكثر ...
الله يعيننا على هالدنيا الاقال عنها الرسول صلى الله عليه وسلم (الدنيا ملعونه وملعون كل شيء فيها الا ذكر الله )
اللهم اعنا على ذكرك وحسن عبادتك