ياحسرة نفس الحالة
هذي نهايتنا في الزواج

اكــره الــفراغ


حاولي تسجلين في دوره كمبيوتر او دوره مكياج او نادي او تحفيظ قرآن او دوره انجلش او دورة تحليل نفسي

اللي يناسب ميولك طبعا


شوفي جداول الداعيات ورتبي كل اسبوع تحضرين لك محاضره وتكسبين اجر


لاتستمرين على شي واحد على شان ماتملين كل شهرين تقريبا غيري خطتك

حاولي يكون لك هدف على شان تحسين بقيمتك وتحسين بطعم الحياة


وبالتوفيييييييق ياعسسل

حبيباتي الله يبعد عنا وعنكم هالملل والطفش

لكن أبقولكم نصيحة من مجربة ونصيحة والله من قلب

اذا تبغين السعادة الحقيقية

وصداقات بحق لا زيف ومخادعة

وأخوات لك ما ولدتهم أمك

فلا تضيعين على نفسك الوقت والتحقي بدار لتحفيظ القرآن الكريم أجواء ثانية لا يمكن إنك تجدينها في مكان آخر

وأكلمكم وأنا لي 10 سنوات يعني من زواجي وأنا ملتحقة بالدور مستحيل أعيش بدونها حتى والله صارت جزء من حياتي

واذا جت العطلة طبعا فقط وقت الامتحانات مع أسبوع قبلها وبعدها أفقدها بجد وأحس إني ضايعة ويومي ملخبط

بصراحة تلقين لك أهل ثانين يسألون عنك لو أغيب يوم من بكرة وينك فقدناك وتحسينها بصدق مب مجاملة

الله لا يخليني منهم ... وحتى بين الدارسات أنفسهم " أنا يمكن عشاني ماسكة النشاط من فترة طويلة قلت يمكن

يقفدوني " لكن حتى لو غابت الوحدة مثلاً أسبوع تلقينهم يجون يسألون فلانة وينها لوها أول مرة تدرس معنا

عسى ما شر والأستاذة تاخذ رقمها تدق عليها تطمن واللي معها بالحلقة ... حتى عرضت علي وظيفة صباحية للتدريس والله ما قدرت أترك الدار ...

وللمعلومية الدار ليست فقط حفظ قرآن فيها محاضرات ترفع إيمانك وتصحيك من الغفلة ،،، دورات تطورك للأفضل في

تربية عيالك وتعاملك مع الناس ... فيها أطباق خيرية وهذي تعتبر لنا يوم مفتوح شوفي الإبداع والتنافس في الديكور

والمبيعات والعرض غير كذا يكون هذا اليوم الخروج متأخر شوي يعني حنا أصلاً نطلع المغرب لكن يوم الطبق الخيري

بعد العشاء ،،، الناس تجلس تتقهوى وتسولف طبعا بعد ما تخلص المحاضرة والأطفال يلعبون بصراحة جو لا يوصف ممتع

للغاية ،،، طبعا اذا ربي وفقك بدار نشيطة فأنت الرابحة ...

وبعد\ين الدار فيها فترتين تختارين اللي يناسبك / صباحي من 8 إلى 10:30 أو مسائي من بعد العصر إلى المغرب .

وفيه مسابقات أسبوعية وافطار كل اثنين يعني أنشطة منوعة ، وكل دار ونشاطها ..

وحتى أطفالك معك حضانة وروضة وتمهيدي والنقل يكون غالباً متوفر ورسومهم معقولة ..

وبعدين لو تمكنت من تحسين قراءتك وأتقنت ممكن تدرسين عندهم لأن الدور دايم بحاجة لمدرسات فتحصلين المنفعتين ...

وبعدين النظام مو شديد مثلاً الي ظروفها ما تناسبها تجي كل يوم يتفهمون وضعها وعادي لو ما جت إلا يومين

بالأسبوع وتلقين استاذتها تسمع لها بالتلفون ، وحتى لو جت ممكن انها تطلع بدري مب شرط الى المغرب يعني الأمر

في يسر وسهولة ...

معليش طولت عليكم لكن والله لو تذوقون اللي أذوقة تحسفتوا عالأيام اللي راحت وشلون ضاعت عليكم

بس أبنقلكم تجربتين من أختين لنا بالدار كل وحدة تتكلم عن نفسها والتحاقها بالدار :

1/ طبعا هذي كانت مدرسة لفترة طويلة ثم تركت التدريس وتقول كنت كل يوم آخذ الرادو وأطلع في الحوش أسمعه ثم

أقرا قرآن ، لكن لما درست بالدار حسيت إني توني أعيش اللذة صح .

2/ امرأة كبيرة شوي حدود 40 سنة وطبعا من عائلة غنية التحقت معنا العام الماضي وتكلمني تقول : كنت أجيب بنت

بنتي تدرس وأجلس عالكراسي أنتظرها تخلص تقول لما درست تعلق قلبي ما ودي أطلع حتى والله يا أخوات إنها في

نهاية كل دورة " الدورة مدتها تقريباً 3 شهور " تجي تسألني ما تعرفين دار تفتح هالأيام او حلقة في مسجد قلبي

تعلق بالقرآن وأهله ...

وبعدين الي أستغربه عندنا كثير يداومون الصبح بنات جامعيات ومدرسات ومع ذلك مستمرين

ما انقطعوا مع إنهم يمكن ما يرجعون من الدوام الا ثلاث والدار الساعة أربع وما شاء الله تجي للدار حتى لو كثر غيابها

لكن ما تترك الدار

وللمعلومية بعضهم عندها بيت وأطفال يعني مب بنات ومع ذلك ماش اء الله والله يزيدهم مداومين وباستمرار ...

للتنبيه ترى الدور توها ما بدت السبت القادم أول يوم وهذا الأسبوع كان تسجيل فقط ، وسوو بحث في قوقل يطلع لكم

مواقع بعض الدور حتى تتعرفون أكثر ...


المعذرة طولت بس والله أحب لكم الخير زي ما أحبه لنفسي والله يدلكم للصواب

سبحان الله كانك تتكلمين عن نفسي ونفس العمر بعد من وصلت 25 وانا شايله هم مابي اوصل ال30 احس اني ماستفدت من نسبتي بشي احيانا تجيني افكار مجنونه واقول ابي اقطع ملفي وشهادتي الثانويه طبعا لاني تزوجت بدري اقول لو دريت ان حياتي بتكون كذا ماكان سهرت وذاكرت عشان النسبه ونجيب نسبه عاليه وتقعد بالدولاب الدراسه الحين مستحيله الصغار وين يروحون ودي بشغل حاولت ابيع واشتري من النت تسليه بالبدايه حلو ثم رفض زوجي يقول ماني سواق الحين افكر اخذ دورات تغيير وطبعا يكون وقتها العصر عشان الصغار

والله يكتب اللي فيه الخير

والله ياحبيبتي أكثر شي حزني انكم على قووولكم تحسووون مالكم هدف او غايه وشلوووووون؟؟ وانتم متزوجين ومخلفيييين
ياحبيبتي اللي تسوينه هذا هو أكبر انجااااز اجتهدي بتربيه أولادك تربيه صالحه وسليمه ورحي زوجك علشان ينجز بكره وهذا أكبر انجاز تسوينه بحياتك من قال انك بدووون هدف
بكره اذا شفتي نتيجة تربيتك لأودلاك وانهم ان شالله صاروا أعلام بارزه بفضل تربيتك لهم هذا هو الانجاز مو الأنجاز ترى انك تصيرين ولا حتى رئيسة دوووله
لان بين يديك نص المجتع على قولتهم واللي يدور براسك انك مالك هدف ووووو ...الخ هذي وساوس ابلييس لأن هذي وظيقة المرأه الأساسيه (الانجاب والتربيه)
وأفكارنا المغلووووطه ذي مستمديها من التلفزيووون اللي يعبي الراس انه الوحده لازم تثبت نفسها بالمجتمع وماتعتمد على الرجل ومن هالكلام الفاااااضي
انا ماقولك الشغل شين أو شي انا مقدره الفرااااغ اللي تعيشينه وحاسه فييييك وعلى فكره انا بالجامعه وهذي اخر سنه ونفس الشي يجيني اني ماسوويت شي مفيييد وووو الخ بس اكتشفت انها وسوسه الشيطان
يعني اذا تقدرين او لقيت شي او شغله حلو لكن لاتعتقدين انك حاليا مالك هدف بالحياه او فايده
وصدقيني ترى لوا نك دارسه جامعه وقاعده بالبيت بتحسين نفس الشعوووور
اشغلي وقتك بأشياء تغذي ثقافتك وتعينك على أداء مهمتك ( كتب عن تربية الأطفال اوأ ي كتب ثقافيه)أو اعتناء بنفسك وأنا أأيدك (رياضه _ ..الخ)
بالتووووفيق