أهم شي التنظيم والارادة القوية وانجاز الامور اول باول ومو شرط الوحدة تكون في بيت اهلها سنعة عشان تكون عند زوجها سنعة ... انا مثلا كنت مثال للبنت المدلعة في بيت اهلي ما اشيل منديل وكان الكل يقول مستحييييييييل هذي تتزوج مارح تتحمل بس لمن اتزوجت تغيرت 180 درجة وكان عمري 18من اول اسبوع بدأت اطبخ واستقبل عزايم واطبخ ذبايح رغم انو زوجي طيب مرة وكان يقولي خليني اجيب من برة بس انا كنت متحمسة مرة صح اني تعبت وكانت بعض المحاولات فاااااااااااااااااااشلة بس بعد فترة صرت مثال فعيلة اهل زوجي في الترتيب والنظافة والسناعة لدرجة انو زوجي يبغى يجيب لي خدامة وانا رافضة رغم اني ام لطفلين صغار وولدت من شهرين وعاملة عمليه جراحية من اسبوع بس صرت ماتحمل الخدامات احس انو بيتي مملكتي ما اسمح لاحد ينازعني فيها ،ومع العزيمة والاصرار ممكن تكوني مثااااااااااااااااااااااليه في جميع النواحي اما بالنسبة للطبخ فمافي شي اسمو النفس حلو لازم تكوني ذكية وتتعلمي اصول الطبخ وتلاحظي الاكلات الي يحبها زوجك وتتقنيها والله اني لو زوجي مدح اكلة عند احد اني ماأرتاح الين اتعلمها مو عيب اتصل على صاحبة الطبخة واخذ طريقتها ولو في مطعم احاول ادور الطريقة من النت واعمل تجاربي عليها حتى اصل للنتيجة المطلوبة .............
اسفة على الاطالة بس املي احد يستفيد مني ويدعيلي بصلاح النية والذرية
انا ياقلبي كنت في بيت اهلي مثلك بس يوم تزوجت نزل كرم حاتمي على زوجي حتى احيانا كان يصلي الفجر ويجيب معاه اثنين ثلاثه من العزاب اللي يعرفهم يقول مساكين نفسهم في فطور البيت ومو اي فطور يا عريكه ياخبز في الفرن وانا من الخجل ماقدر اقول غير ابشر واحيانا ابكي حتى تغرقني دموعي بس لوحدي ومو كل مره يضبط الطبخ بس مره ورى مره تعلمت وتعودت وهو خفف من كرمه شوي وكانت ذيك الايام في صالحي طلعت السناعه غصبوالله يعينك وصدقيني بيت اهلك افضل تتدربين فيه اذا قصرتي في شيء ماراح احد يشمت فيك
الصفحة الأخيرة
اول شي اشكرك على موضوعك المييز اللي حسسني ان في احد زي انا رفلا وبقووووه>>زيادة التاكيد
بالجامعه طبعا بس يوم اني بثاني متوووسط كنت اسووووي كل شي بس عقب نسييت يعني كان عندي حماس وقتتها
الحين ماقول اني ماعرف دووم مع امي بالمطبخ لحالي اسوي اشياء خفيفه شاورما كودو بيتزا
ومع كذا ماعندنا شغاله >>صدق اولاتصدق
نصيييحتي لك كل شوي سويه الحين وبتتعودين ان شاءالله مو بشرط السنعه سنعه صح بس الرفلا تقدر تصير سنعه
شفي ماما تزووجت وهي صغيييره وماتعرف تسوي شي وكان جارتها مو سعوديه وعلمتتها كل شي وماشاءالله تبارك الرحمن الحين معرووفه امي بطبخها بس يمكن ابوي مالامها لانها صغيره
بس ابدي وببدء معاااااك ولاتكبرين الموضوع كل شي يجي بنقطه نقطه الين تتعودين