شوشو
شفت المقطع،،،مؤثر ومؤلم صراحه
سمعت ان الكاتبه تبرات منه،،وقالت ان اسمها منتحل والله اعلم بالصدق
بس مهما يكن من امر،،،لازم نعترف ان كاتب هذا الكلام موجود على الارض وبيننا للاسف
مهما كانت جنسيته ومذهبه وتوجهه
الا اننا نبرا الى الله بما كتب وفعل
الللهم لاتؤاخذنا بما فعل السفهاء منا ولا تاخذنا بجريرتهم وسوء افعالهم يارب العالمين
الله يهدينا ويثبتنا ويهدي ازواجنا وذرياتنا لما فيه الخير والصلاح يارب

صباح الخير على احلى ملكات صامدات صلمودات

اهلين فدا وغلاوي الله يعين الي عندهم سفر لازم يتشحططون با الاسواق

غلاوي والله ماني راضيه عن السفر ولا احبه

صباح الخير فدو
يامرحبا بك والله
وتسلمين ياقلبي انك سالتي عني
السوق رجع على موضاتنا زمان هههه
البلايز رسميه وساده اغلب شي
زي القميص الرسمي بازرار وكتوف ههههه
التنانير طويله مره ومكسره بقماش ناعم او قصيره بقصه ضيقه
او وسط عالي مره يبدا من تحت الصدر ويجي زم خفيف من عند الوسط مع وسع عادي
وطالعه قصة السمكه بقوه في التنانير والفساتين بعد سواء طويله او قصيره
فساتين قطن نعومه وتلبسين معها جاكيت مخرم جوبير او دانتيل بواحد من الالوان
راجعه الالوان الفرايحيه الربيعيه من جديد
التيفاني والبرتقالي الفاتح على مشمشي والاحمر الناري والازرق البحري والوردي كثييييير مره
والجزم طالعه الكعوب العاليه مره مره والالوان كمان تلقين الفواتح بكثره
و جزم السهره فيهم فصوص كبار وصغار ههههه
احس زي اسواقكم بالضبط يعني زي ذوق الخواجات بساطه والوان فواتح هههه
يالله قولي لنا وش تقضيتي من عندك
وسبحان الله احس في الخارج تلقين طويل ومتنوع اكثر من عندنا ههههه
ادخل عشره محلات مالقى تنوره طويله وحده

صباح النور والسرور عطيات
كيفك يالغاليه
مادام مع اخوانهم خليهم يفلونها هههههه
الحين المتعه الوحيده للبنات السفر
شوفي المنتديات وتلقين كل وحده كاتبه بالتفاصيل رحلاتهم ومشترواتهم (اهم شي هههه) من برا
انا بناتي زعلانين اننا مابنروح السنه هذي
يوم عصبت عليهم قلت اصلا ماعاد فيه سفر الا مع ازواجكم هههههه
زعلوا وقالوا اصلا ابوي ماعنده مانع يودينا لو انتي رضيتي بس انتي الي ماتبين خخخخ
جيل متعب بجد

صباح الخير على الاوائل في كل شي من اخلاق وحب وتعاون ...دائما اقرا في هذا الملف ... واستمد الصبر من كلماتكن وتجاربكن ..لكي استطيع ان اتغلب على صعوبات والام الحياة ... اشكر كل واحده في هذا المنتدى ..كانت عونا لنا ..الحمدلله الحمدلله على كل حال ..اسال الله العظيم ان يعوض صبرنا خير ويربط على قلوبنا