بنات امس ضاق صدري جى زوجي وجلس يتكلم دوري لي وحده بعرس ويقول وشرايك ببنات فلان هذولا البنات من ديرتي واعرفهن انا عصبت خير توك ماكملت شهر معرس بتدور ثالثه مهبول انت بتجلس كل عمرك بتجمع بهالحريم جلست اتهاوش وانا وياه يوم شافني معصبه قال اصلاً امزح رحت عنه ونمت والصباح رحت لدوام وارسلت لهلاتقول امزح انت كذاب نفس اسلوبك نفس حلفك نفس قسمك بالله كذب كل هذا قلته لي قبل زواجك سنين وانت تحلف وتقسم كذب انك مو متزوج لين صار صدق ووكلت امري لربي وسكت والحين انت تزوجت يوم هدت نفسيتي شوي وبديت اوقف على رجليني من جديد واستعيد ثقتي بنفسي بتجي بتعيد لي نفس الموال بتعيشني بالقلق مره ثانيه بيعرس مو معرس بترجعني للقهر وضيقة الصدر والحره هذي اشين واصعب فتره مريت فيها بحياتي بترجعها لي ثانيه ياخي حرام عليك والله حرام ادري لك اربع بس شف نفسك فكر ماصار لك شهر وتقول ابعرس العروس تسب فيها شهبا سودا عصلا ليييه محد غصبك عليهااا وانت شايفها بالشوفه الشرعيه ووافقت عليها الحين عقب مادخلت عليها تقول هالكلام عنها بالله لوتيمعك  تقول هالكلام عنها وش بيصير فيها وش ذنبها ان لونها وشكلها كذا هذي خلقة ربي محد يقدر يغيرها مافكرت انك بتجرحها الحرمه ماسوت ذنب حتى تعرس عليها بس اقولها لك بالفم المليااااان لااااا انااااا ولااااا هي فينااااا عيب العيب فيك وبتفكيرك العيب لما يكون تفكيرك بالشي السطحي ماشفت اخلاقنا ولا شفت خيرنا معك تبي وحده شكل منظرررر تبي وحده للفرااش بس كن الحياة لك متعه الفراش بس بالله هذا تفكيرك طول عمرك اناني تفكر بنفسك وبس انا لين الحين اعاني بسبة زواجك الليل ماانام جااااني ارق من كثر التفكير وعيالك مشتتين مافكرت تجمعهم بنتك اكثر وحده فاقدتك اغلب وقتها صياح وشهيتها قلت حتى ماتبي تلعب الا لما تشوفك والحين بتقضي على عروسك اللي ماكملت شهر بالله ليه تعلب بأعصابنا ومشاعرنا ليه تخرب حياتنا انت شايفنا مو اودم بهااايم عندك تلعب فيها زي ماتبي والله حتى البهايم لها احساس شلون الانسان ياخي خاف الله فينا خاااف الله فينا وحط الله بين عيونك انا رضيت بكتبة ربي وصبرت على زواجك وجتك عروس وش تبي اكثررر ليه ماتحمد ربي على النعمه اللي انت فيها غيرك مايحصل ظفر حرمه وانت عندك ثنتين وتبي زود لاكن خلني علئ بااااالك زين  والله اذا سمعت طاااري خطبه ولا سمعت انك تدور عن حرمه والله ماني جالسه عندك تطلقني وارتاح من شقاقك مافيني اتحمل الشقى ثاني مره مابي ارجع لضيقة الصدر والهم ثاني مره ماعندي استعداد اعيش هذي الاجواء مره ثانيه انا ماصدقت عديت هذي المرحله بترجعها لي من جديد اسمحي لي كمل مشوارك بالحياة مع حريمك لحالك انا ماراح استمر معك لو على قطع رقبتي بصيررر انانيه لأول مره بحياتي وبشوف نفسي من غيرك والعيال هم عندك ذنبهم برقبتك انت اللي جنيت عليهم انا تحملت الشقاااا عشانهم وحاولت اجمعهم بس انت ماتساعد وجاي الحين تقول بعرس ياقوي قللللبك شف كم انساااان تألم من افعاااالك اقرب النااااس لك هم اللي تأذوا منك انا وعيالك اكبر من تأذى منك تحسب اللي تسويه رجوووله لااااا والله الرجوله مو في تجميع الحريم الرجوله شييي كبير وللأسف ماعرفتهاااا جاي تستقوي على الحريم مااااقول الا حسبي الله على الظالم حسبي الله ونعم الوكيل  
طبعااااً مارد على رسالتي كالعاده اليوم يومها ماراح نشوفه بس نفسيتي تعبت من جد تعبت ماصدقت ارتاح يومين بيرجع لي الشقاا ثاني اليوم يكلمني ماني طايقته ابد ابد بالله ايش الحل مع هالرجال اللي ابتلييييت فيه لاتقولون عادي له اربع وحرة الزوجه الثالثه مو زي الثانيه اقل حره مافكرت كذااا فكرت انه بيسكنهااا عندي فكرت انه بيغيب يومين عنااا فكرت ببنتي اللي متعلقه فيييه بشكل ماتتصورونه خليته يسجل صوته وهو يغني لها عشان اسكتها اذا جت حالتها بالصيااااح فكرت بالسنين اللي عيشني فيها بالقلق بيتزوج مو متزوج فكرت بالشهور اللي راحت وفيها ماوقفت فيها دموع سهر الليل اللي ماانامه كل هذا بيرجعه ليييي انا ماعاد اتحمل والله تعبت تعبت 

مشاعر سجينه يعني الكلام اللي يقولونه إن الثالثة تحر الثانيه وماتحر الأولى كله كذب


شوفي مشاعر
شكل زوجك عنده كم قرش زياده وحارقته في يده
خليه بدل مايتزوج فيها ويجيب لنفسه حمل فوق حمل
إسلفها لنا عشان إحنا جالسين نأثث البيت الجديد
والله محتاجين فلوس زياده
بدل لعب العيال حق زوجك
شكله إستهرش على الحريم وجلس

الله يفرج همك اختي سجينة مشاعر والله حالتنا تصعب على الكافر مع هالرجال والله الحرمه تحر ثانيه ولا ثالثه كلوا نفس الشي يغيب عن بيته وعياله يفقدونه الله يبرد على قلوبنا يااااارب والله النار بقلبي الله يرده لكي ردا جميل
والله حاسه فيكي زوجي له اسبوع متزوج حاسه عقلي خارج نطاق التغطيه مني مصدقه انه يعاشر غيري ويدللها ويحبها ااااااه والله وجعي مايبرد لو ايش ماسوا الحمد لله على كل حال

حينَما أتأمّل رحيل يومٍ وقدُوم يوم جديدْ وفجرٍ جديد بسرعة هائِلة❕
ما أن أضع رأسِي على الوسَادة إلا وأشرق نُور الفجر ..
ما أن أستيقِظْ وأزاول أعمَالي إلّا وحَان موعدُ النّـوم ❕
تسير أيّـامُنا و لا تتوقّفْ❕
أقول في نفسي : حقًا السّـعيد من ملأ صحيفته بالصالحاتْ ❤
والسّؤال الذي يجب ان نقف عندَه يا تُرى بماذا مُلئت صحِائفنا ؟! :"وهلْ نحن نسيرُ للأمام أمْ للخلف ؟!
يا ترى مَا اوزاننا عِند الله ؟! *

- لنقِفْ ✋ ولنحاسبْ انفسنا ✨
فالأيّـامُ ماضيات ولَن يبقى إلّا اعمالنا
مما راااق لي

معليه بس سؤال يقرقع في قلبي:
هل التعدد ييستحق أن يشغل جزء كبير من حياة المرأة ( يعني سواء كانت وحيدة وعندها هاجس أو أولى وعايشه الواقع )؟؟

أحس انو احنا في مجتمعنا مكبرين السالفة شوي ولأ ؟؟


هل تستطيع المرأة المؤمنة أن تتعايش مع هذا الأمر بأريحية ؟


( فقط دوما أتأمل عندما تطرح مواضيع (( كيف تجعلي زوجك لا يفكر بالتعدد ،، الأسبااب وراء التعدد ،، )) أشعر انها لا فائدة منها ، لأننا للأسف لازلنا لا نؤمن بأن حب التعدد فطرة فطر الله الرجل عليها .. فالرجل يحب التعدد حتى لو كانت امرأته كاملة مكملة ( والكامل وجه الله ) وإلا لمَ جعل الله ثواب الشهيد في الجنة سبعين حورية مع أن الحورية الواحدة فيها كامل الصفات الأنثوية ؟؟

دعوة للتأمل ...