اهل زوجي مغتربين يا دوب مكالمه كل اسبوع
يشهد الله علي كم و كم كلمت ام زوجي عشان ترجع من بريطانيا
راحت علاج و عجبها الحال و ما رضت ترجع هي وبناتها الله يهديها
بس والله اتمناهم حوالي في بيت مستقل عشان ازورهم انا و عيالي و اغير جو
اكيد لو كانت ام زوجي موجوده كنت بزورها و بودي عيالي عند جدتهم و عمامهم
شو ذنب العيال ينحرمون منها لو بينا مشاكل
تخيلي لو حرمه اخوك زعلانه و ما تجي و مانعه عياله عنكم
انت زوريهم بس لا تطولين
لكن بعض المشاكل مالها حل الا كذا , واكيد ماتكون القطيعة حل نهائي
لكن فترة لحد ماينعدل الحال وتصلح الامور
ومثل مافيه حريم عيال يقطعون اهل ازواجهم , كمان فيه اهل زوج يقطعون حريم عيالهم عشان يأدبونهم
اهم شيء بالسالفه كلها ان الولد مايقطع اهله وكمان الزوجة ماتحرم عيالها من شوف جدانهم وتمنعهم