الله يسلمك من كل شر
وشكرا على الرد:24:

تصدقون يابنات ذكرتوني بوحدة الله يستر عليها وتلاقي اللي يستاهلها البنت كبيرة اشوي بالثلاثينات المهم تقدم لها الكثير بس يتفقون وبعدين مايصير نصيب سبحان الله المهم عقب هالعمر تزوجت رجل متزوج وقالت هذا نصيبي من هالدنيا اللي صار انها اكتشفت بعد فترة انه يشرب الخمر ومزاجي وراعي سهرات بعد اسبوع من الملكة طلبت الطلاق ولم يحصل دخول الحمدلله ... عقب فترة هم تقدم لها الكثير ماشاء الله البنت جميلة وبنت ناس وعندها شهادة ومركز بس سبحان الله مالها نصيب بالزواج .... بعد فترة سنة من زواجها الاولي تقدم لها ثلاثة دفعة وحدة وباسبوع واحد
واحد مطلق واحد يبيها على زوجته واحد مطلق وعندة اولاد بس عايشين عند امهم اللي صار انها اختارت اللي ماعنده عيال لان فرصتها معاه افضل وكمان شكله صغير يعني مو شايب مثل اللي تقدمول لها .... بعد السؤال عنه والتحري ماقدرو الاهل يعرفون شيء بالمرة وكأن الانسان هذا مو موجود بالدنيا لا اصحاب لا معارف لا اهل وحتي اللي معاه بدوامه يتحاشون اي انسان يتكلم عنه .... شيء غريب ؟؟؟؟ المهم اللي صار ان البنت خافت وهذا شيء غريب اكو بهالدنيا رجال ماله اصحاب ولا ناس ولا معارف المهم انها طلعت وثيقة زواجه الاولي من المحكمة وقدرت تعرف الشاهد على زواجه الاولي ابوها جاب لها اسم زوجته وعنوانها ورقم تلفونها واتصلت البنت على ام زوجته السابقة واستفسرت منها ليش محد يعرفه وشنو اسباب الطلاق ... تدرون شنو الاسباب
الاخ طلع راعي بحر يعني يقعد بالبحر اربعة ايام اسبوع ويداوم يومين ( طبيعة عمله يومين دوام وثلاث ايام اجازة )
ومادري عن المرة ولا مسؤلياتها ولا يبي يعرف المهم وناسته وقت مايبي ينام مع زوجته يلقاها ومومهم اهي عاجبها ولا تطق راسها بالطوفة وبعدين يروح البحر كم يوم ويرجع يداوم يومين ..... يابنات الحلال اشرايكم ....؟؟

مصيبة والله العظيم والبنت ماتدري شتسوي تقبل فيه وتعيش زوجة بالاسم او وقت ماهو يتذكر انه تزوجها ولا تقعد في بيت ابوها والاسم عااااااانس

ارجو الرد بسرعة حتي اخبرها برأيكم لانها متضايقة حيييييييييل
وعلى فكرة تري البنت على دين وخلق وكثيرة الدعاء وقبل اي شيء تستخير وكانت فرحانه بشكل ما تتصورونه لما تقدم لها هذا الشخص بس اللي عرفته عنه خلاها متردده وبدأت تفكر بالرفض اكثر من القبول
الرجاء الرد سريعا

وشكرا لكم

نسيت اقول لكم ان الشخص هذا سبب ابتعاد الكل عنه عصيبيته الزايدة عن الحد وقد غير دوامه اكثر من مرة لانه يتشاجر مع المسئولين وزملائه بالدوام ويروح مكان ثاني وعلى هذا الحال لايوجد عنده اصدقاء بالمرة ولا احد يبي يتقرب منه والوحيد اللي تكلم عنه قال ( الرجال اشوي حار وعشرته صعبه )

يعني اعصاب ومزاجي ويروح البحر بالايام مايدري عن احد ويداوم يومين بالشغل (شفتات) ويرجع ينام بالبيت اشوي ويروح البحر لحد اليوم اللي بيداوم فيه
اشرايكم يا بنات تقبل فيه ولا ترفض

احلى الجياكر ... سبحان الله في طبعو .....فنصيحتي لها انها تصلي استخارة وتشوف ....
وبعدين تسالو هي او ابوها ليش هو مقدم على الزواج مرة تانية ...اذا كان يبلى يستقر ويبى بيت وزوجة طيب ليش طلق الاولى .....وتعرف منو الاسباب يمكن تكون مافهمتو وعموما الواحد في هذى الدنيا مايدري من وين بيجيه الخير ....فسبحان الله ...واذا هي بالها طويل وعندها امل انو يمكن تغير طبعو بعد تصلي استخاره طباع تتوكل على الله وتتزوجو ...او ممكن ترجع وتشوف اللى عندو اولاد يعني ماتقصر نفسها في دا بس يعني تدرس الباقيين كمان وتشوف هي واهلها طبعا الرجال اللى
يخاف الله فيها واخلاقو زينة ..والله يوفقها انشاء الله ...:26:

بصراحة يا اختي البنت ارفضت وخلصت السالفة للاسف والله اني فرحت لها من كل قلبي بس الظاهر انه مالها نصيب وياه بس حسافة انه عصبي للدرجة هذي وغير اجتماعي بالمرة والبنت شمعة الجلاس تحب تطلع وتتزين وماشاء الله عليها مايبين فيها العمر وجميلة حيل وكل من يشوفها يخطبها بس من توصل السالفة للاتفاق مايرجعون مرة ثانية وهذي السالفة معقدتها حيل ..... بس اهي استخارت واتصلت على ام زوجته الاولي ومن ساعتها وهي رافضة وقالت مالي نصيب اتزوج خلاص .... الله يوفق الجميع ويهدسها ويرزقها الزوج الصالح والذرية الصالحة ان شاء الله
ادعوا لها يابنات ان الله يوفقها ويستر عليها ... وجزاكم الله كل خير