لكل صاحبة صالون نسائي ... ممكن طلب

وانا كمان نفسي اعرف كل شئ ياريت البنات يفيدوني

سيم سيم

ياليت احد من البنات اللى عندهم خبره بهالموضوع يرد علينا :)

مرحبا بنات ..

* عشان تفتحين مشغل يبي لك تصريح من البلدية , وهذي سهله ما يعقدونها بس عشان تطلعين التصريح لازم تجيبين صورة عقد التاجير للمكان اللي بتسوين فيه مشغلك , ويعطونك مع التصريح 3 فيز .
* حتحتاجين لمحل واسع شوي عشان تقدرين تستغلين مساحاته وتقسمينها على حسب أحتياجك , أو إذا بتأجرين شقة الأفضل أنها أرضيه , وغير كذا البلدية تشرط عليك ان المحل ما يكون له باب خلفي ولا يكون بابه صادولازم يكون ع شارع سواء شارع فرعي أو شارع رئيسي المهم على شارع , ولا يكون في داخل حاره ..

* المحل بيحتاج لساتر للزجاج بحيث أنه نسائي مغلق وهذا تحديدة يعتمد على ميزانيتك لأن الديكورات الخارجي مختلفه وتكلفتها مختلفة . حتى البارتشن الداخلي اللي عند الباب والديكور الداخلي .. أبسط الخامات بتكلف بس يعتمد ع ميزانيتك .

* بالنسبة للتأثيث مافي مكان معين , ميزانيتك هي اللي تحدد مكان . بس انت حتحتاجين جلسة أستقبال للموظفة حقت الأستقبال , بالأضافة لجلسات للزبونات , وكراسي الكوفير حسب العدد اللي تبين واجهزة الشعر وادوات المكياج .. وأدوات الخياطة من مكاين خياطة ومكاين تطريز وغيره من مستلزمات الخياطة وهذا كله كميته تتحدد بمزانيتك وبمساحة المكان ..

* غير كذا أن أحيانا تحتاجين للتعاقد مع كوافيرات او خياطات من داخل البلد على اساس تحركي مشغلك وتستفيدي من خبرتهم .

* رواتب موظفاتك لازم تحطين لها ميزانية مستقلة لمدة سنة كأقل شيء لأن نجاح مشروعك ومقدار ربحة في السنة الأول غير مضمون وممكن متذبذب .

هذا اللي الآن أتذكره وكتبته ع السريع .. بس إذا تذكرت شيء ابرجع أكتبه لكم هنا .. بس ع فكرة اللي بتفتح مشغل لازم من البداية التأسيس إلى أن يشتغل ويوقف على رجوله لازم تكون وسيعة صدر وطويلة بال .

انتي في اي منطقه بتفتحين مشغلك؟؟؟؟