السلام عليكم ورحمه الله وبركاته ,,
كيفكم حبيباتي ان شاء الله انكم بأتم الصحه والعافيه
صراحه من زمـــــــان ببالي موضوع ونفسي اكتبه لكن ربي ما اراد
واليوم وانا اتصفح قسم الحياة الاسريه وشفت المشاكل قلت يالله وقته
وباذن الله راح اكتبه ونستفيد منه كلنا
ويعلم الله اني ما كتبته عشان ابغى سمعه والا اتباهى والا البس ثوب المثاليه
لا واالله كل اللي ابغاه منكم دعوه بظهر الغيب ان ربي يهديني ويهدي زوجي
وانه يسخرنا لبعض ويرزقنا الذريه الصالحه عاجلا غير اجل
والله يا بنات يا عرايس يا أمورات يا حلوات اني حااااسه فيكم ومقدره التعب النفسي اللي انتوا فيه
لاني عشته بكل حذااافيره طبعا باختلاف الشخصيات ,, والادوار ,,
عشان كذا حبيت انقي هالشريحه المهمه من مجتمعنا ( العرايس الجدد على الحياة الزوجيه )اللي توهم دخلوا القفص الذهبي وتخيلوووه مفروش بالورد ,, ولقيوا وااااقع ينتظرهم
مو شرط واقع مرير لا والله ,, الله لا يجيبه
بس واقع مسؤوليه جديده ,,, وامانه كبيره انحطت بعاتقنا ,,
وانا اقرى المواضيع اللي تخص المتزوجات وبالاخص العرايس
جلست اقارن بين اللي انا اقراه وبين اللي لازم وواجب نسويه
ولقيت يا بنـــــــات اني جد عانيت من اول يوم بزواجي
لكن بصمت ,,,, وكان ومازال املي بالله كبيــــــــــر
تذكرت مشاعري وانا عروسه وكيف بسرعه الواقع صدمني وخلاني اكثر جديه وواقعيه
طبعا زي اي عرووسه تحلم بيوم زواجها وتكون ملكه قلب وعقل زوجها
بجمالها واناقتها ,, انا ما انصدمت لشخصه ميه بالميه
لا انصدمت انه هل انا وياه راح نتفق مهما اختلفت شخصياتنا وتفكيرنا وتوجهاتنا
ونقدر نكون اسره سويه واساسها قوي ؟؟؟
صراحه وقتها قلت والله ما اظن !!
انا سلمكم الله لمن تزوجت كان عمري 21 وزوجي كان عمره 22
وكنت بالبدايه من جد اعاني من هالفارق البسيط
زوجي صراحه كان نوعا ما صغير عالمسؤوليه
واحس اول ماتزوجنا صابه ذهول من حجم الامانه اللي انحطت بعاتقه
في البدايه كنت مرررره اتضايق انه لسى ما تأقلم
لسى بنفس طيشه ,,, وسبهللته ,,, ولا مبالاته << بس كان فيه الخير الكثير ولله الحمد
وبنفس الوقت حاب يفرض نفسه ,,, ويكون قد المسؤوليه
لكن اسلوبه المعتمد هو العناد
مرررررررره كنت اتعب واتألم
كان الشيطان داااااايم يوسوس لي بالله في عروسه بشهر العسل زوجها يروح للقهوه ؟؟
بالله في عروسه زوجها يدخل اهله بمشاكله ؟؟
بالله في عروسه زوجها مطول شعره << كانت عقدتي ههههههههه هنا انووووواع العناد لمن اقول له بالله حلقه
و .... و ...... و ...................الخ من هالافكار اللي اكتشفت انها لا تودي ولا تجيب سوا انها ترفع اسهم الهم والغم فوووووووووق هام السحب
وارجع اتعوذ من ابليس واتغاضى عن كل الاشياء
كان بمعنى اصح مررررررررره مشتت ذهنيا ,, وعقليا ,,, وعاطفيا
حتى انا كنت مشتته اكثر منه بالذات اني بعدت عن اهلي وحبايبي عشان خاطر عيونه
بس كان املي بالله ثم فيه اكبر مااا يكون
كنت دايم اصبر نفسي واقول دامني استخرت الله فماراح يخيب ظني >> كل عروووسه لازم تمر بهالتفكير بالبدايه واحس لازم تقول هالجمله مدري ليش
تماسكت ,,,, وبديت جاهده ادور لأسلوب جديد وسلس اتبعه معاه
واللي سهل عليه انه زوجي سهل في التعامل وحنون بس عنيـــــــــد واهله مدلعينه حبتين
وقررت ارسم خطه جديده ووااااضحه امشي عليها حياتي بعد اذن وتوفيق من الله سبحانه وتعالى
<< يتبع ...
بس الصدمة الكبيرة لما رحت اودي جهازي أنصدمت ماتوقعت أن بيكون لي بيت وزوج ومسؤولية ...
بس الحمدلله تأقلمت وعشت حياتي وهاذي سنة الحياة ....
((الله يسخر لك زوجك ويوفقكم ويرزقكم من حيث لاتحتسبون ويشوفك بعيونه حور عين يارب العالمين ولجميع بنات المسلمين ))
متــــــــــتابعه ...