لكل فتاه تريد التوبه هذه قصتي

انا بصراحه بديت اصلي واصوم من صغري بس مااواضبت على الصلاه الا وعمري 13 سنه وماكنت اخشع ولا استغفر ولا ذكار ولا قران ولا شئ ولبس العباءه بس ماكنت التزم فيها حتى يوم كنت في الجامعه كنت اروح المحاضرات بدون عباءه بس شيله وشعري برع ودرست فيها سنه وشهرين وبعدين طلعت وقعدت فالبيت 8 شهور قبل لا ادخل كليات التقنيه وفي هالفتره بديت اتغير اول شئ تحجبت وفي يوم حصلت كتاب وفتحه وشفت ادعيه واستغفار اول مره اقراها وبديت اقراها كل يوم وكنت بعدني اسمع اغاني وشوي شوي تغير حالي بديت اصلي الفروض والسنن والنوافل لين ماوصلت الى ماانا فيه الحمدالله اواضب كل الصلوات مع سننها والنوافل ومداومه على قراءة القران وحفظت بعض الصور والأذكار واشياء اخرى لوجهه الله وقطعت الاغاني كمن كم سنه بدون لا حد يكلمني او ينصحني من نفسي وكانت عندي عزيمه قويه اني اتغير
قبل كنت اثأثر بالبنات ولبسهم والموضه وهالخرابيط
بس اللحين ماتهمني كل هالخرابيط والله اهم شي ربي مابقول اني هملت نفسي بالعكس البس واترتب بس قبل كل شئ ربي ونبي وديني لانه حطيت فبالي شئ واحد الدنيا زواله واخر شئ مصيري القبر ولازم احضر اللي ينجيني من عذاب القبر واهواله والله كل مااشوف قبر يقشعر بدني من الخوف
والانسان اللي ماتأثر بها هالاشياء هذا انسان قلبه مات من الدنيا وملذتها
ولازم تتوجهون لرب العالمين وتوبون والله غفار الذنوب والله يعلم متى بينموت او متى بيكون يوم القيامه وبعض الناس بعضها عيونها مغمضه ولاهيه بالدنيا
والله يهدينا جمعيا لصراطه المستقيم وويجعلنا من اهل الجنه
ويغفر للمؤمنين والمؤمنات الاحياء منهم والاموات