لكل متأخره عن الحمل تعاااالي

السلام عليكم ورحمة الله وبركاته انا من زمان ودي اسجل بالمنتدى وماحصل هالمره قررت وتم الحمدلله طبعا ماراح تلقون عندي خلطات عن الحمل ولا ذا السوالف انا بتكلم عن الاهم ,الثـقه بالله والقنـاعه , اولا كوني واثقه انك ماراح تاخذين غير رزقك اللي الله كتبه لك من قبل تخلقين ثانيا لازم تقنعين نفسك وتعيشين حياتك بدون ماتكرسين حياتك ع الحمل بتقولين الناس تحكي اهل زوجي يحكون اهلي الكل ضاغطني كل ذا كلام فاضي محد له شي عندك هذي حياتك انتي مو حياتهم لازم تكونين قويه وتعودين نفسك على المواجهه صدقيني لو واجهتي كل من ضغطك وشلتي من بالك الحمل وتذكرتي ان ذا رزق الله بيرزقك انا متأخره مثلكم ولي اكثر من ست سنوات الله ماكتب لي لكن احمد الله لاني رزقني ب اشياء ثانيه عوضتني اولها القناعه والرضا كل من حولي قاعده اشوفهم يستمدون القوه مني وهذا من فضل ربي عمري ماسمحت لاحد يشفق علي لان رزقي بيد الله مو بيد عباده عايشه حياتي مع اهلي وصحباتي وزوجي ومقتنعه وراضيه ومجرد دعوه ادعيها في صلاتي وانتظر الله يحققها وانا واثقه كل الثقه ان الله بيطعمني ولا مره بكيت ولامره تكدرت وفكرت واشغلت بالي واتمنى الله يرزقكم القناعه اللي اعيشها لدرجة اوقات انسى موعد دورتي ل حتى هي تجيني وانا مو متذكره طبعا هذا الكلام بعد ماعملت بالاسباب ورحت مستشفيات وتطمنت ع نفسي والحمدلله
كثرت كلام ومدري اذا كلامي مرتب او لا لكن اخيرا بقولكم الحياه حلوه لكن لازم نفهمها ونعيشها صح بدون مانركز على شي معين والله يرزقنا جميع💞