موضوع وايــد مهم شكرا ونتريا رد الاخوات
:)

أهم نقطة أنصحك بها بعد سنون طوال زواج ( عجوزززز الأخت ههههههه)

الحذر من الناصحات الحاسدات أهم شئ بنظري للمحافظة على عش الزوجية ( بعد فضل الله طبعا )

و الله العظيم و أشهد الله إني رأيت نساء غاية في المكر و الخديعة حملها الحسد على هدم بيوت المسلمات

فتجديها محرومة من النعم اللي عند غيرها فتحسدها و تبيدئ تنصحها نصائح نهايتها الطلاق و العياذ بالله

أعرف سيدة (س ) زوجها مطنشها بالمرة ( علاقة زوجية تحت الصفر )
لما تشتكي صديقتي (ص ) من تعبها بالهموضوع ( مع زوجها يعني )
فبدل من أن تذكرها ( س )بنعم الله عليها لا تقوم تنصحها بالهروب من زوجها و تنعت زوجها بإنه حيوان شهواني مع أنها تتمنى ذلك لنفسها

لدرجة إن زوج (ص ) لاحظ بنفسه زوجته حالها بيكون ممتاز لما تسافر (س) و تبعد عن زوجته ( ص )

و تعالوا شوفوا ( ص ) منتهى الرقة و العذوبة ( شفتها بمتجر كبير ) في منتهى النعومة و الظرافة مع زوجها لدرجة إنها تحمل عنه أشياء خوفا على تعبه و صوتها ناعمممممم مرة معه

و هالمجرمة تحرض ( س ) على سؤء الخلق مع الزوج و بالنهاية
الحين زوج ( ص ) رميها و أولادها بدبي و طالعة إشاعات إنه تزوج و مسافر بالخارج مع الحبيبة الجديدة

و بصراحة من حقه و لا أحد يلوم

فالحسد أحيانا يجعل النصائح سوداء كسواد الليل الداهم

فانتبهي ابنتي الحبيبة

نصيحتي لأخواتي المتزوجات ..

بقول لكم اللي قلته لربيعتي وتوأم روحي يوم ملجتها ..

اكتمي سرج وسر زوجج .. وخلي أموركم الزوجية سريه ..

ولا تبيحين بأي شي خاص فيج ..

لا تقولين أهلي ولا زم يعرفون .. بالعكس اذا شي يزعلج أكيد بيزعلهم وبتكبر السالفة ..

وحتى لو كان خلاف بينج وبين زوجج بين الناس لا تبينين هالشي ...

خلج طبيعية معاه .. وخلي كل شي عادي ..

ولا تتكلمين عن محاسن زوجج ولا عن مساوئه ..

ما تدرين يمكن اللي قدامج تكون حاسده وحاقده عليج وانتي ما تدرين ..

وعن مساوئه يمكن اللي معاج يحبون الفتن والمشاكل .. ويوصلون الكلام لزوجج ويزيدون عليه ..

والزوج يحب الزوج الكتومة .. حسب تجربتي ..

لأنه يحتاج من يفرغ لها بكل ما يحوز به باطنه .. من مشاكل من ظروف ..

وحبي كل اللي يحبه .. ولا تقولين عن اهله الا كل خير ..

ولا تدخلينه في مشاكل خاصة .. وبالأخص اللي بينج وبين اهله ..

والله يوفقكم ان شاء الله ..

وكل يوم ادعي انه الله يخليه لج ويبعد عنج أهل السووووووووووء ..

نصايح البنات كلها حلوه بس احب اضيف نصيحه... تبدين فيها من ايام الخطوبه..) الملجه) وهي انج لو قالج شي ضايقك تقولين له انته ضايقتني لانك قلت كذا وكذا وانا فهمت كذا.....ابدا لا تخلينه بقلبك لانه اكثر الاوقات نحن البنات نتضايق من شي غير مقصود او نحن فهمناه غلط... طبعا زوجك بيفهمك الموضوع وهو شو كان يقصد.. بصراحه انا دايما كنت افهم زوجي غلط.. لكن مع هذه النصيحه بديت اعرف زوجي كيف يفكر...