حبيبة مبارك :

شوفي انا اقول لج خوش نصايح : اولاً : الخجل لازم يكون في عندج خجل وحياء حتى لو صارت لكم فتره متزوجين ومتعودين على بعض هم بعد لازم تكونين تخجلين منه بس مو وااايد يعني على دلع ثانياً : الزعل سواء انتي الزعلانه منه او اهوا زعلان منج لا تخلين اليوم يمر واحد زعلان من الثاني حاولي بكل طاقتج انج تصالحينه حتى لو انتي الزعلانه لا تطولين الزعل ترا لو علمتيه على الهجر و الزعل بيتعود ، وآخرتها بيقول كيفج ويحقرج بس انتي عوديه انج ما تزعلين كثير :) وقولي له لو ما احبك كان ما رضيت بسرعه بس شسوي قلبي ما يطاوعني ازعل عليك :) ( ها شرايج مو جمله حلوة ؟؟ ) ثالثاً : السريه كل شي يصير معاج في البيت لا تقولينه لاهلج سواء انتقد اهلج او انتقدج او تخانقتوا لا تقولين لاهلج ولا خواتج ولا رفيجاتج خليج رفيجه نفسج طالعي نفسج بالمنظره وسولفي بالسر اللي بصدرج بس لا تطلعينيه للخارج خاصه اسرار العلاقه الخاصه اللي بينكم والله يا اختي انا عندي اختي متزوجه وعندها رفيجتها حيل حيل قريبه منها و الخبله رايحه وقايله لها عن زوجها وعن اشياء خاصه صارت بينهم و الله ان الرجال طاح من طوله من العين ديري بالج من العين وقعد اسبوع بالمستشفى والسبب العين ( ترا الميت واهوا ميت يحسدونه على موتت يوم الجمعه ) فديري بالج فهمتي علي ؟ رابعاً : اذا كنتي تشتغلين و البيت مو محتاج لراتبج خلي الراتب لج يعني لا تصرفين على البيت خاصه لو كان الزوج مقتدر بس لو شفتي ان في شي ناقص البيت من غير ما تحرجين زوجج روحي واخذيه و خليه بالبيت واذا كانت الاسره متوسطه الدخل واجب عليج انج تساعدين زوجج لان ايد واحده ما تصفق طبعاً لازم يصرف عليج :) سواء تشتغلين او ما تشتغلين خامساً : مره او مرتين في الشهر تطلعون مطعم او سينما او تفرون بالشوارع من غير هدف او تقولين له تعال نستكشف ؟ او مرات انا شنو اسوي اطرش رساله لريلي اكتب له دعوة على العشاء اني عازمته على العشا بالخارج باحلى مطعم وطبعا الحساب عليك :):) بس طبعا بكلمات حلوة وناعمه بجذي راح تعودينه ان لازم تطلعون وما يستحي من انه يطلعج خاصه لو كنتي قاعده مع اهله بنفس البيت :) سابعاً : لا تنبشين وراه باي شي سواء تلفون او سياره او ملابس سالفه التنبيش هذه ما تنفع لانج بتهاوشين بالاخر معاه سواء لقيتي شي او ما لقيتي شي عليه بتهاوشون ؟ فليش ؟ وسلامتكم لو تذكرت نصايح ثانيه برد اكتب لج رد ثاني

شوفي انا اقول لج خوش نصايح : اولاً : الخجل لازم يكون في عندج خجل وحياء حتى لو صارت لكم فتره...

السلامات :

السلام عليكم هناك موضوع يتكلم عن نفس الشيء في نفس المنتديات في زاوية الجمال و الأناقة .. ركن الأزياء و تجهيز العروس بعنوان عشان عروساتنا ما يطيحون في نفس غلطاتنا .. للكاتبة فتو تاكل منتو موضوع رائع و مفيد لكل المقبلات على الزواج .. لا يفوتكم

السلام عليكم هناك موضوع يتكلم عن نفس الشيء في نفس المنتديات في زاوية الجمال و الأناقة .. ركن...

دفى شمس :

عزيزتي :الف مبروك مقدما,,,,ماادري ليه احس اني اعرفك!!!!!! عموما...النصايح كالاتي: اذكري الله كثير ,,وحصني نفسك وزوجك دايم..وعلميه عالذكر,,وذكريه بالصلاه لو تكاسل ,,والرجال اذا شاف المره مهتمه من الناحيه الدينيه يثق فيها كثير ويريحه,, اهم شيء الاحترام بين الطرفين..المصارحه في الحياه الزوجيه لها فؤاد كثيره,,اهمها ان ماراح يكون للخيانه الزوجيه باب ,,طبعا الخيانه انواع منها النظر او الاعجاب او .......امور كثيره,,والصراحه راحه!!!! لاتكثرين كلام !!لاتصيرين هذاره زياده عن اللزوم يعني لاتقولين كل سوالفك قبل الزواج روحاتك جياتك افكارك اصحابك ..خاصتنا اذا كان زوجك مو من نفس العائله او مو من الطبقه الاجتماعيه ,,خاصتن احنا اهل الشرقيه نختلط بناس كثير واغلبهم مو من نفس الطبقه والعادات والتقاليد ....لان وحده من زميلاتي عانت من هالمشكله كثير وصار دايم يمسك لها عالوحده,,ويقول انتي كنت ....؟؟؟؟؟يعني ما سوت عليها سوالف!!! المصروف الشهري لازم...على الاقل ربع راتبه ..يعني لو راتبه 10000ريال اقل شيء تأخذي 1500او1000...طبعا على حسب الظروف وهي مثلا الاقساط او ايجار الشقه او مصروف لاهله ,,وانتي وظروفك..ونصيحه لاتلعبين بمصروفك !!لان اول الزواج منتي بحاجة شيء,,لبس وعندك وذهب وساعات يعني مو محتاجه شيء,,افتحي لك حساب وحطيهم وجمعيهم للايام ,,ماتدرين وش يصير!!!! اهله حطيهم على راسك...ورحبي فيهم دايم ..وحتى لو ضايقوك بشيء لاتقولين له !!!الرجال ما يرضى الانتقاد الموجه لاهله..حتى احنا ما نرضى اهانه لاهالنا!! ولا تعزمين اهلك كثير,,,لانهم يتضايقون من اهل المره,,, ودلعيه واقري مو ضوع درس خصوصي دلع ×دلع الي بالحياه الاسريه..وطبعيه وخليه عندك كمرجع.. عوديه على وساعت الصدر كل شهر لازم روحه للبحرين ..تمشيا..ولازم عندكم يوم واحد في الشهر تكشخون فيه وتعيدون ايام الخطوبه وتتعشون في مطعم راقي جدا او فندق.. ان شاء الله اكون افدتك ولو بشيء بسيط.. اسمعي شريط فهم النفسيات ل جاسم المطوع روعه..واشرطة البيوت المطمئنه,,,

عزيزتي :الف مبروك مقدما,,,,ماادري ليه احس اني اعرفك!!!!!! عموما...النصايح كالاتي: اذكري الله...

Winter Light :

سويت بحث ماطلع لي...:( ياليت إلي عندها اللنك تعطيني مشكورهـــ .....

سويت بحث ماطلع لي...:( ياليت إلي عندها اللنك تعطيني مشكورهـــ .....