لكل متينه بعد قلبي دشي هني المشكله مو بالاكل انا اعلمج تبين تنحفين دشي

السلام عليكم

شلونكم يا دبدوبات العرب؟؟؟؟؟؟؟؟؟


اقولكم شغله وربي وربي سجلت بنادي ايروبكس ،،، شفت وحده اعرفها قسما بالله كانت فيله

ماشاء الله متينه ،، اقسم بربي جعلني انفلق لو كذابه ،، انها صارت تجنن رشيقه بشكل مو طبيعي
مابقى فيها شي ختفى كلشي ،،، وين الشحم وين العفسه وين الرقبه اللي كانت مخشوشه ماتبين كلها اختفت

والسبب شو؟؟ سنه ونص ايروبكس ،،، وخففت شوي بالاكل بس
استغربت
وربي اشوفها تناقز قدامي بشورت وفانيله ،،، والفخوذ كلها اختفن

وانا اللي كنت انحف منها احين ابين اسمن منها بدرجات وربي احرااااااااااااااااج

يابنات حنا العله اللي فينا مو من الاكل ،، العله فينا من هالرباده والكسل والقعده مجابل هالنت والتلفزيون
والله لو بس نتحرك نشوف الفرق

واتركوا عنكم سوالف الليمون وماليمون ترى امي تقول كثرة الليمون يخلي بويضات الحرمه تموت


والله يوفقكن ،، ان شالله ،، اشتركن في نوادي حق ايروبكس وشدون حيلكن والله يوفقكن

واللي تشوف حاله متينه مره ماتقدر تلعب ايروبكس وتناقز ،، تمشي مشي زين ساعه كليوم ابتداءا من نص ساعه لين تسويها ساعه ،، وتخفف شوي من الاكل يعني العشا لاتاكلين بس اشربي كاس حليب او لبن قليل الدسم
او زبادي ،،، ولين خفيتي شوي ونزلتي كم كيلو روحي العبي ايروبكس

وصدقيني ورمضان جاي واكلوا اللي تبون بس ابتعدوا عن المقالي والرز شوي ،، ومارسوا الايروبكس
وشوفو ا الفرق ،،،
صدقوني بنات بلاش الرجيمات هذي ترى جسمنا حنا يحتاج حركه والحركه فيها بركه

انا متينه بس مشكلتي ماكل وايد ليش متينه بس؟ السبب قلة الحركه الا تقدرين تقولين عدم الحركه

والله يوفقكم يارب ،،،

عفكره وايد حريم اشوفهم يلعبون ايروبكس بعمر امي بعد عجايز

وانتوا الشباب شفيكم؟؟ معقوله تخلونهم يصيرون احسن منا؟؟؟
لاحياتي محنا بعجايز ،، شحلاتنا شباب ،، وفينا روح رياضيه وخل نطلعها

والا شرايكم؟؟؟؟؟؟؟؟؟؟