لكل محرومه من الذريه ((قصة حملي))

السلام عليكم ورحمة الله وبركاته

كيف حالكم خوااتي

يعلم الله اني احبكم في الله :27:

وانا واايد احب منتدى عالم حواء

المهم خواتي حابه اخبركم بقصة حملي

مااعرف اذا مكان موضوعي صح ولا خطا

اسمحولي يالمشرفات ماعرفت وين احطه وقلت هذا احسن مكان عشان اي وحده محرومه تقرا وتستفيد

وانا يعلم الله اني مابحط هالموضوع الا لاني اغليكم واريد لكم الخير

وياريت لو تثبتونه عشان ماايضيع بين المواضيع واريد الكل يقراه

المهم خواتي انا معرسه صارلي 4 شهور او قولوا كملت 5 شهور

وكان فخااطري احمل وايب نونو امووووت فالاطفاال بشكل ماتتصووروونه

طبعن من اول شهر من زواجي كنت اريد احمل ولكني كنت اعاني من الالتهابات ومن اول شهر رحت عند دكتوره

وتعالجت بحمد الله وفضله من الالتهابات وفنفس الوقت لما فحصتني طلع عندي كيس ولو تقرون مواضيعي بتلاقون اني كاتبه مشكلتي مع الالتهابات والكيس وكنت خايفه واايد اني مااراح احمل

والمشكله الثالثه رحمي كان مقلوب

وطبعن كل وحده اول مره تستويلها هالاشياء تقعد تسال فالمنتدى وبتشوفون اني كنت واايد اسال ههههه شسوي ماكنت اعرف

المهم مر الشهر الاول واستعملت دواء الكيس والكيس ماراح :icon33: والشهر الثاني ماراح :icon33: ولما رحت لها عقب قالت الحمدلله الكيس رااح ولله الحمد وعطتني ايام التبويض وقالت لو تبين تحملين

وقالت بالنسبه للرحم المقلوب يمكن ياخر الحمل

انا اضاايقت وااااااااااااااااااااااااااااايد وريلي بعد لانه هو بعد يموت فالعيال


قريت واايد قصص بنات تاخر عندهم الحمل وبعد مامتسحوا او انتوا تقولون تمرخت حملت باذن الله تعالى

ورحت واتمرخت بالطريقه القديييمه اللي هي زجاجه وتحط قطنه وتولعها واتم تضغط على الجلد هالطريقه ترد اللرحم لمكان

وفنفس الشهر

اتقربت من الله وااااااااااااااااااايد بشكل ماتتصورونه

وطبعن انا الحمدلله ماافوت صلاتي واقرا سورة البقره يوميا ومحافظه على الاذكار

عقب مامسحتني الحرمه رحت راجعت الرحم نفسه ماتغير :icon33:

مافقدت الامل خوااتي

على فكره اي حد كان يسالني عن الحمل اقول مو مستعيله وتوني متزوجه وهيك بس والله كاان في خااطري بنونو يملى علي الجووو

المهم والله ياخواتي اني اتبعت هذي الطررريقه وفي اقل من شهـــــــــــــــــــــــــــر حملت وبأذن الله تعالى

الحمدلله الحمدلله الحمدلله

1-الاذكـــــــــار (صبح/مساء)

2-قراءة سورة البقره يووووميا وعقب ماتخلصين من القراءة انفخي على نفسج وتمي امسحي بطنج وقولي اسال الله العظيم رب العرش العظيم ان يشفيني وان يرزقني بالذريه الصالحه او اي دعااء مع الصلاه على النبي

3- عقب كل فرض تصلينه وقبل السلام الاخير اقري اللهم اعني على ذكرك وشكرك وحسن عبادتك 3 مرات
اللهم يامقلب القلوب ثبت قلبي على دينك 3 مرات
اللهم اني اعوذ بك من زوال نعمتك وتحول عافيتك وفجأه نقمتك وجميع سخطك
اللهم اني اعوذ بك من عذاب النار وعذاب القبر اللهم اني اعوذ بك من فتنة المحيا والممات ومن فتنة المسيح الدجال اللهم اني اعوذ بك من المأثم والمغرم وبعدين ادعي اي دعاء
رب لاتذرني فردا وانت خير الوارثين -ربي هب لي من لدنك ذرية طيبة انك سميع الدعاء- يارب مايمر هذا الشهر الا وانا حاامل يااارب - ربي ارزقني بالذرية الصالحه عاجلا غير اجل برحمتك ياارحم الراحمين

3- الصدقه مااقولج كل يوم كثر ماتقدرين

4- الاستغفااااار وهذا الاهم وانا كنت استغفر بنية الحمل وكنت 24 ساعه استغفر
وانا اكل وانا اسبح وانا اشوف تلفزيون حتى وانا امشي اطلع على الدري وانزل وانا استغفر خخخ المهم ماافوت ولا لحظه الا وانا استغفر

5- قيام الليل وقولي 40 مره رب لاتذرني فردا وانت خير الوارثين انا كنت اقول في كل سجده 10 مرات

وقبل مانام وبعد الاذكار اصلي على النبي قد مااقدر

واقول حسبي الله لا اله الا هو عليه توكلت وهو رب العرش العظيم واقعد ادعي بالذريه الصالحه


والله ياخواتي والله انه في اقل من شهر الله رزقني بالحمل ماشاء الله تبارك الله

وانا الحين حامل في شهري الثاني :27:

ولما رحت اسوي سونار اول مره الجنين ماكان باين وكاان حمل ضعيف بعد وقالت تعالي بعد اسبوع وبنشوف لو الجنين موجود او لا :44:

واستمريت على هذي الطريقه اللي قلتلكم عنها والاستغفار اكثر شي والدعاء مع ادعية حفظ الجنين

ولما رحت المره الثانيه قبل اياام باان الجنين الحمدلله الحمدلله والشكر له لا وسمعت دقات قلبه والحين ذابحني الوحام ههههه بس والله كل شي يهون لاجل الغالي

وعلى فكره رحمي للحين مقلوووب عشان جي الدكتوره بصعوبه حصلت نوور عيني وحبيبي فديته الله يثبته


هذي قصتي خواتي بتشوفون انه هالاشياء واايد واتعب بس صدقوني ماراح تحسووون بالتعب خاصه بتقولين كل يوم سورة البقره والله مع التعود بتحسين انج بسرعه تخلصين وماتاخذ منج الاساعه

واهم شي النيه الخاااااااااااالصه لوجه الله تعالى

واتفاءلي بان الله راح يرزقج بالذريه عاجلا غير اجلا واكثري من قول ياارب ارحمني ياارب رحمتك ورحمة الله وااااسعه

وبتشووفين كيف ربي رااح يرزقج

وان شاء الله اتطبقون اللي سويته وربي يرزقكم من خيره ولا تيأسوون ابداااااااااااااااااااااااااااا

والسمووحه لو نسيت شي او قصرت

ومااتمنى الا انكم تدعون لي بدعوه حلوه انه الله يثبت جنيني ويقر عيني بشووفته

وربي يرزق كل محرومه بالذرية الصالحه عاجلا غير اجلا برحمتك ياارحم ارحم الراحمين

ومع السلامه