السلام عليكم ورحمه الله وبركاته
عزيزاتي واخواتي وحبيبات قلبي صبحكم الله بالخير والمسره وعسى ايامكم كلها صفاء وراحه بال
اتمني اول شي من المشرفات انهم ماينقلون هالموضوع لان فيه عضه وعبره :06:واكثر الاعضاء يدخلون هنا وانا ما ابي غير نصيحتهم والاجر من الله
بقولكم وش صار لي وليه طرحت هالموضوع رحت لطبيبه اسنان وكان فيني سوس :22:
المهم قالت يبي لك شيل عصب قلت شيلي المهم الالم يخف والله وتشيل العصب وبعد كم يوم لازلت احس بالالم وكل ماعضيت عليه يوجعني رحت لها وقلت لها قالت لا هذا يمكن التهاب في اللثه وعطتني مضاد المهم جلست فتره والحمد لله الامور بخير ومرت السنين وكنت دايم تجيني التهاب في اللثه والالامتوجع القلب ودايم تنتفخ عندي الغده الي في الرقبه وكل ما سويت تحليل قال الدكتور سليمه وكتب الله علي بعد ولادتي اروح لدكتوره اسنان فلبينيه حاطين اعلان علي المستوصف خبره 15 سنه قلت يالله بروح اكيد احسن من المصريه الي مالها الا 7 سنوات سوت لي حشو ومدري في الانسان الاماميه المصيبه اني ماكنت احس بشي قبل الحشوه وبعد ماسوته صرت اذا شربت مويه بارد او ساخنه علي طول تالمني المهم واروح لدكتوره المصريه الله يجزاها خير ويرفع قدرها دنيا واخره وقالت لي للاسف اغلب المرضي الي يجون لي يصيرون محولين من عندي من هالدكتوره يعني الاعلان خربووووطي سوت لي اشاعه واكتشفت المصيبه ان عندي خرراااااج كبييييير تحت سني الي سويته من سنين وانا ما احس بالالم لان العصب مقطوع بس مانظفته وطلعته كله والخراج سبب لي انه اكل من عظم الفك :06: انا قمت اصيييح انقهرت من جد وجلست ادعي علي الدكتوره حسبي الله عليها صحيح ان كل انسان يخطي بس انالما جيتها وقلت لها ان الالم ماراح ما سوت الللازم واخذت اشاعه الحين يبي لي خلع الضرس وجراحه باللثه ولازم دكتور استشاري الله يعين بس
المهم يا بنات اذا بتروحون لدكتور اسنان لازم تختارينه من تجارب الناس وليس بالاعلانات الخربوطيه:angry2:
وبعد كل ماتسوين شيل عصب تطلبين اشاعه علي الاسنان
حسيتي بالم بعد المعالجه مو تاخذين علاج وخلاص لازم تتاكدين من شيل العصب مضبوط
لازم تسوين كشف دوري علي اسنانك من الخراج كل سنه بالاشاعه
جاك انتفاخ بالغده وتحليلها كويس شيكي علي الاسنان دايم اللثه تعبانه انتبهي من الخراج الداخلي
تعرفون ليه حطيت قصتي وجالسه احذركم شوفوا وش قال لي الدكتور عن الخراج
الاعراض :
- قد تسبب خراريج السن ألماً أو نقحاً وتسبب ألماً مبرحاً عند إطباق الفم
- حساسية السن للسخونة
- تورم الخد والوجه
- قد تتورم الغدد الليمفاوية أسفل الفك أو مقدمة العنق
- قد تصاب بحمى نتيجة للعدوى البكتيرية
- روائح وسوائل كريهة في الفم عندما ينفجر الخراج
التعقيدات :
إهمال معالجة خراج السن والعدوى البكتيرية قد يؤدي إلى إنتشار العدوى إلى أماكن أخرى في الرأس والرقبة ، وتصبح خطرة وتسبب سرطانات الغدد
الشووووق جابك @alshooook_gabk
عضوة نشيطة
يلزم عليك تسجيل الدخول أولًا لكتابة تعليق.
يووه الله يعينك اشد الم الم الاسنان
وسارلك نفس الي سارلي
لكن الحمدلله ربي وفقني بدكتوره كويسه
وبااستمر معااها ان شاءالله
الله يكون بعووونك ياااارب
وسارلك نفس الي سارلي
لكن الحمدلله ربي وفقني بدكتوره كويسه
وبااستمر معااها ان شاءالله
الله يكون بعووونك ياااارب
الله يستر لي فتره احس بالام في اللثة والاسنان واسفل الرقبه عموما معافاه ان شاء الله وخطاك الشر
الصفحة الأخيرة
بس وسوست شوي شايلة عصب وملبسة سن ومن قريت قصتك اضغط سنوني
معافاه ياقمر ماتشوفين شر