لكل مشتاقه للذرية الصالحة ...ادخلى

احدى الزوجات تحكى قصتها :
-
انا متجوزه من خمس سنين ، خدتهم كلهم لف وتدوير على #الخلفه ، تقريبا من اول شهر ﻻنى اتجوزت و سافرت تانى اسبوع ف بحكم الغربه كان عندى فراغ بمﻻه ،
سافرت و دورت برا و جوه مصر غيرت تقريبا الدكتور 16 مرة ، وكل دكتور كنت بروحله كنت بلغى اللى عملته و اخليه يبتدى ﻻن ممكن يكون غيره نسى حاجه او معرفش حاجه و كلهم يبتدوا المشوار من اﻻول اشعه و تحاليل و فحوصات و مناظير و عمليات و اشعه صبغه و اﻻخر تتقالى الجمله المعتاده " تأخر حمل ﻻسباب غير معروفه " !
لدرجه انهم خدوا عينة من الرحم حللوها يمكن فى طارد للأجنة او حاجه تمنع !
عملت حقن مجهرى مرتين (و للى ميعرفش ده حمل صناعى ) ، وتلقيح صناعى مرتين و عمليات تانيه و بردوا كل طريق كان بينتهى بوجع و ايدى فاضيه لحد ما خﻻص فاض بيا و حسيت انها اتقفلت ف وشى و معدلهاش حيلة معايا . ويوم فشل عملية التلقيح سمعت كﻻم زى السم من الدكتورة بتاعتى لدرجة انها قالتلى بالنص " يابنتى خﻻص انا تعبتلك انتى لسه عندك امل لسه فيكى نفس تعيدى و تقومى و تكملى احنا عملنا كل حاجه و فشلنا ، فشلنا حتى نعرف اسباب الفشل "
يومها اتكسرت بجد و رجعنا انا وجوزى من عندها تقريبا مكنتش شايفه قدامى نهائى وكل حته جوايا بتصرخ و بتتوجع و مش عارفه هعمل ايه ،
روحنا نعمل عمرة ف الفترة دى ، اتوضيت من زمزم و صليت و ﻻول مره معرفش اقول حاجه لربنا و ﻻ حتى اطلب و ادعى و الح زى ما كنت بعمل !
لقيت نفسى بس بعيط بوجع و بيطلع منى كﻻم مش مترتب لقيتنى بقوله :
" ياارب بشهدك و بشهد مﻻئكتك و بيتك الحرام اللى انا فيه وجميع خلقك وحملة عرشك ان انا اخرجت موضوع الحمل و الخلفه من حولى وقوتى إلى حولك وقوتك وﻻحول وﻻ قوة اﻻ بك يا رحيم ، ياااارب سيبتها عليك معدلهاش حل ف ايدى و سيبتها عليك وعلى قدرتك انا مقدرتش لكن انت تقدر عاملنى برحمتك ياارب مش بذنوبى ، يا رحيم ﻻ تكتبنى عندك عقيم "
المهم نمت غصب عنى يومها من تعبى على حجر جوزى ف حرم الكعبة وشوفت رؤيه
" شفت نفسى بعيط بحرقه اوووى و شفت ايد من ورايا بطبط عليا و حد بيشاورلى على طريق طويل كده زى الطرقه و كأنه عايزنى امشى فيه و بيقلى اعزمى و توكلى و الله كريم ، مشيت ف الطريق ده و كان على الجانبين بتوعه شجر اخضر طويل كل شجره مكتوب عليها صيغه للاستغفار مختلفه زى استغفرك ربى و اتوب اليك ، استغفر الله ، استغفر الله العظيم من كل ذنب عظيم ، استغفر الله الذى ﻻ اله اﻻ هو الحى القيوم و اتوب اليه عدد خلقه و رضا نفسه و زنه عرشه و مداد كلماته و هكذا الشجر كله كده مكتوب عليه استغفارات و طول مانا ماشيه مش واخده بالى من ضيق الطريق و ﻻ طوله و ﻻ صعوبته و ﻻ مطباته و ببص بس ع الشجر و بقرأ بس اﻻستغفارات عليه كأن اللى وجهنى للى طريق عايز يقلى استغفرى لحد ما وصلت لاخره و لقيت باب كبير بضلفتين مكتوب عليه سوره #البقره و كل ما اقرا منها الباب يتوارب يتوارب لحد مانفتح و انا سامعه وراه صوت وأوأه اطفال و ملهوفه اشوف لحد ما انفتح لقيت يافطه كبيره مكتوب عليها "وعزتى وجﻻلى ﻻرزقن من ﻻ حيله له حتى يتعجب اصحاب الحيل" ، وحد ماسك ف ايده كذا طفل غاية ف الجمال و بيقلى مش قلتلك " الله كريم و هيبعتلك كريم " قعدت اعيط و اضحك و كنت مبسوطه اووى لحد ما صحيت !
فهمت يومها تقريبا ان السر ف #اﻻستغفار و سوره #البقرة ، عملت ورد استغفار يومى بعد كل صﻻة الف استغفار بصيغ مختلفه عشان مزهقش وسورة البقرة يوميا اقراها و اشغلها على اللاب ف الشقة ، تخلص تتعاد و كنت بزيد ف ورد اﻻستغفار لحد ما تقريبا وصل ﻻربع اﻻف بعد كل صﻻة و الله ..
استمريت عالحال ده و نويت على انى هعيد الحقن المجهرى تانى .. وقد كان والدكتور قالى بنفس اللفظ " لو فشل مش هنعيد ﻻن اﻻمل ضعيف جدا ﻻ يتعدى 2% " ، وتوكلت على الله و بدأت ورد اﻻستغفار وسورة البقرة و عملت العملية .. و بعد 13 يوم تقريبا و ف اليوم ال 14 تعبت عملت اختبار حمل و الحمد لله اتفاجئت انى كنت من الاتنين من كل ميه حاله زيى اللى ربنا بيكرمهم و عرفت انى #حامل 😊 ، يومها كان قلبى هيقف و الدكتور مكنش مصدق لدرجة انه عاد الاشعة تﻻت مرات والتحليل اتعاد كذا مرة والحمد لله على كرم ربنا ^^
يمكن كﻻمى متلخبط و مش مترتب بس حسيت ان ممكن يدى حد امل او يفيد حد يجربه #اوعوا_تيأسوا لسه فى امل الحمد لله ^^
ادعولى بئا ربنا يكملى على خير و ادعوا لكل محروم ما يطول عليه حرمانه و يجعل له من ضيقه مخرجا ❤
#منقول