لكل مطلقه وعندها اطفال ..ياريت تفيدناا ...

حبيبتي انا مطلقه وولدي عمره سنه صغير لشى ماجربت التربيه الكامله بجميع تفاصيلها ربي يعنني وياك ع تربيت اولادنا
انا برايي لو الام شخصيته حكيمه وقويه وعن الف رجال بتطلع التربيه سهله مو صعبه
وبالنسبه لي ماراح اتكلم عن ابوه قدامه بشي وبخليه لاكبر هو يفهم بس بعلم ولدي على الحب مو الكره عشان مايصير عدواني
وبنصحه ببرى ابوه طبعا لاني مسوله قدام ربي على تربيته لان الاطفال امانه من عندربي لازم نحافظ عليهم ونحميهم وحتى صلة الرحم ابعلمه اياها ياختي الحمدلله بس ربي رزقنا اطفال اصحاء بس يستاهل الحمد تراهم نعمة ربي ولا الطلاق ولاياثر في ومصيرك تتزوجي اذا ربي كتب
وودي لو مره اتزوج رجال صاحي واللي يزفني له وليدي حبيبي واجيب له اخوان وخوات له عزوته بالدنيا
بس علمي طفلك كل شي صالح ولاتسبين ابوه او تهاوشينه بالطالعه والنازله ترى الطفل يتعقد وياثر فيه لاكبر لاتدلعين مره ولاتشدين مره
بس ادعي لي وانا اختك

حبيبتي ام الشيخ ياسر اسال الله العظيم رب العرش العظيم ان يرزقك زوج صالح واطفال معافين بارين فيك ...حبيبتي هو الطلاق بحد ذاته ابتلاء فما بالك بزوج زي ماتفضلتي مو صاحي كله ابتلاء ولك اجر صبرك ياعمري ..بنسبه لا ابوهم مو مسؤوله ابدا امدحه او اوصيهم على بره ..ادا هو بيكلمهم براحته غير كدا طبعا ﻻﻻ ..بنسبع لي عندي اوﻻد وبنات والحمدلله يعني حتى بكره لو ماتزوجت مو هامني ابدا ﻻني اكتفيت بالاطفال مع اني صغيره بالعمر ..وربي يعينا على تربيتهم ...

الله يوفقكم جميعا يابنات قلت مابطلع الا بدعوة لكم

يسلمك ربي حبيبتي ام ريما وربي يحفظلك كل غالي ...

التربية الدينية أهم شي ،، أختي مطلقة وعندها ولد وبنت في سن المراهقة ، تطلقت وهم صغار واحد سنتين وواحد ستة شهور ،، وربتهم على الدين ودخلتهم مدارس تحفيظ ،، والحين ماشاء الله تبارك الله ، الله يجعلهم قرة عين لها وييحفظ لها ولك وللمسلمين أجمعين ...
أبوهم ما كانت تجيب سيرته لا بخير ولا بشر ،، وهي مصادقة عيالها ، ومعطيتهم مساحة من الحرية لكن مع الحزم وزرع الخوف من الله في نفوسهم ، وتراقب أجهزتهم وتوجههم إذا لا حظت شي ..