مساء الخير
انا من المتابعات لهذا القسم من زمان واقرا معظم المواضيع لكن بدون تعليق ادري انكم رح تحقدون علي لكن معظم المواضيع اللي قريتها ما اقدر اعطي نصيحة او اقول اصبري الله يعينك لاني مثلكم تمام مجروحة وانظلمت كثير
اخواتي هذا القسم مليان بمواضيع الخيانة الزوجية وللاسف لاحظت انها منتشرة بانواعها سواء الزنا والعياذ بالله واللي يتزوج عليها بالخفية واللي يرقم واللي مدمن افلام خليعة واللي واللي واللي انواع كثيرة لكنها نفس الالم نفس الغصة تحسين انك بدك تهربي من اللي انتي فيه لكن ما تعرفي وين تروحين ويصيبك الاكتئاب والبعد عن رب العالمين وتنشغلي بزوجك وعمايله اللي ما تنتهي لحد امبارح بالليل جتني افكار كثيرة جلست افكر انا ما فيه شي اتهنى فيه لا اولادي مبسوطة فيهم ولا بيتي ولا مشترياتي لا والناس كمان تحسدك على الهناء اللي عايشة فيه!!! لكن ما خفي كان اعظم قلت لنفسي عندي طريقين عشان احل مشكلتي يا اما اني اطلق واعيش حياة تانية جديدة لا فيها زوج وقهر او اني استسلم للامر الواقع وابقى عايشة معاه كما هو لانك وانا متاكدة 100% انك ما راح تغيريه بسهولة وممكن ما يتغير الا بيد واحد احد هو الله سبحانه وتعالى لكن انا عن طبعي ما احب الاستسلام للامر الواقع وانا اوجه كلامي للاستسلام للطلاق نعم عزيزتي كل وحدة تفكر انها تتطلق هي انسانة مستسلمة ما تقدر تكافح انسانة مو قوية على تحدي المشاكل عشان كذا لازم اكافح واجاهد تخيلي نفسك بسباق او معركة لازم تفوزين فيها كيف رح يكون شعورك اكيد رح تحسي انك ملكتي العالم بين ايديكي والثقة انا عن نفسي رح اكافح ورح اوريه اني انا المرأة المثالية بصدق ممكن تكوني من اجمل الجميلات ومرتبة ونظيفة ببيتك وحريصة على شرفك وتلبسي وتتسنعي ولكن مع هذا كله ما قدرتي تغيري منه 1% اذا ايش اللي ناقص يا ترى؟؟؟؟؟؟؟؟
الثقة بالنفس
صدقوني يا اخواتي لما تكوني واثقة من نفسك وحتى لو ما كنتي جميلة رح يحس انك غير لاحظي كل وحدة خانها زوجها كيف يكون شكل العشيقة مقرفة بشعة انتي بتكوني اجمل منها باشواط لكن مش هذا اللي يدور عليه يدور الواثقة من نفسها تقدر تعطيه اللي انتي ما تقدري عليها كثير اسمع بنات عملت ليلة حمرا خضرا برتقالي سودا منيلة على وجهه لكن ما نفع حاولي تركزي على نفسك وعلى نفسك فقط كفاية كرف وطبخ واولاد قسمي يومك وخلي الجزء الاكبر ليكي
واذا عجبكم موضوعي اكمل لكم الباقي لانه عندي كلام كثير من قلبي حابة اشارككم فيه ولي كلام خاص جدا مع اللي تهدم بيوتنا وتعمل نفسها ولا كانها عاملة شي اتمنى ما اكون طولت عليكم وربي يسعدني ويسعدكم يبعد عني وعنكم الغم والنكد لي رجعة ثانية باذن الله اذا شفت الردود اللي تفتح النفس